- Эм уллу байлыкъ – джан саулукъ.
- Бюгюн дуния кибик, тамбла ахыратды.
- Эки итни арасына сюек атма, эки адамны арасында сёз чыгъарма.
- Тили узунну, намысы – къысха.
- Мени джылытмагъан кюн, меннге тиймесин!
- Сёлеш деб шай берген, тохта деб, сом берген.
- Тил джюрекге джол ишлейди.
- Къыз келсе, джумуш эте келеди, къатын келсе, ушакъ эте келеди.
- Тыш элде солтан болгъандан эсе, кесинги элде олтан болгъан игиди!
- Акъыл къартда, джашда тюйюлдю – башдады.
- Нафысынгы айтханын этме, намысынгы айтханын эт.
- Туз, гырджын аша, тюзлюк бла джаша.
- Окъуусуз билим – джокъ, билимсиз кюнюнг – джокъ.
- Къызбайны юйюне дери сюрсенг, батыр болур.
- Чакъырылмагъан къонакъ къачан кетерин сормаз.
- Ариу сёз джыланны орнундан чыгъарыр.
- Эл элде бирер малынг болгъандан эсе, бирер тенгинг болсун.
- Тилчи бир сагъатха айлыкъ хата этер.
- Ашхылыкъ джерде джатмайды, аманлыкъ суугъа батмайды.
- Джолунга кёре – джюрюшюнг, джагъанга кёре – юлюшюнг.
- Тели турса – той бузар.
- Хоншуну тауугъу къаз кёрюнюр, келини къыз кёрюнюр.
- Тамырсыз терекге таянма – джыгъылырса.
- Ышармагъан – кюлмез, кюлмеген – къууанчны билмез.
- Къарын къуру болса, джюрек уру болур.
- Халкъны джырын джырласанг, халкъ санга эжиу этер.
- Шапа кёб болса, аш татымсыз болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эки ойлашыб, бир сёлешген.
- Окъуу – билимни ачхычы, окъуу – дунияны бачхычы.
- Ач уят къоймаз.
- Ач – эснер, ат – кишнер.
- Башы джабылгъан челекге, кир тюшмез.
- Сёз сёзню айтдырыр.
- Башы ишлегенни, ауузу да ишлер.
- Джангызны оту джарыкъ джанмаз!
- Миллетни бойну – базыкъ, аны бла кюрешген – джазыкъ.
- Кютгени беш эчки, сызгъыргъаны уа, джерни джарады.
- Атлыны кёрсе, джаяуну буту талыр.
- Ата Джуртуму башы болмасам да, босагъасында ташы болайым.
- Кюл тюбюндеги от кёрюнмейди.
- Аманнга да, игиге да оноусуз къатышма.
- Ариу джол аджал келтирмез.
- Бал чибинни ургъаны – ачы, балы – татлы.
- Башсыз урчукъ тюзюне айланмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тойгъанлыкъ къойгъа джарашады.
- Кесине гебен этелмеген, биреуге черен эте эди.
- Аджашханны ызындагъы кёреди, джангылгъанны джанындагъы биледи.
- Окъумагъан сокъурду, сокъур ташха абыныр!
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)