- Тамчы таш тешер.
- Борчунг бар эсе, хурджунунга ойлаб узал.
- Къонагъы джокъну – шоху джокъ.
- Къар – келтирди, суу – элтди.
- Агъач – джерни чырайы, кийим – эрни чырайы.
- Уллу суу бла уллу ауруудан башынгы сакъла.
- Татлы сёз – балдан татлы.
- Бетинги сатма, малынгы сат.
- Адамны бетине къарама, адетине къара.
- Джаным-тиним – окъуу, билим.
- Aдам боллукъ, сыфатындан белгили.
- Чакъырылмагъан къонакъ къачан кетерин сормаз.
- Уллу къашыкъ эрин джыртар.
- Экиндини кеч къылсанг, чабыб джетер ашхам.
- Кёкдеги болмаса, джердегин кёрмейди.
- Адамны адамлыгъы къыйынлыкъда айгъакъланады.
- Насыб бютеу халкъны юлюшюдю.
- От кюйдюрген, сау болса да, тот кюйдюрген, сау болмаз.
- Термилгенинги табмазса, кюлгенинге тюберсе.
- Иги джашны ышаны – аз сёлешиб, кёб тынгылар.
- Эл бла кёргенинг эрелей.
- Къарнынг бла ёч алма.
- Сабийни джумушха джибер да, ызындан бар.
- Чабакъгъа акъыл, табагъа тюшсе келеди.
- Зарда марда джокъ.
- Айранын берсенг, челегин да къызгъанма.
- Тюкюрюк баш джармаз, налат кёз чыгъармаз!
- Тик ёргени, тик энгишгеси да болады.
- Айтхан – тынч, этген – къыйын.
- Дуния малгъа сатылма, кесингден телиге къатылма.
- Къанны къан бла джуума, аманны аман бла къуума.
- Джеринден айырылгъан – джети джылар, джуртундан айырылгъан – ёлгюнчю джылар.
- Суу да къайтады чыкъгъан джерине.
- Бек анасы джыламаз.
- Джырына кёре эжиую.
- Кёлсюзден сёзсюз тууар.
- Аууз сакълагъан – джан сакълар.
- Суугъа – таянма, джаугъа – ийнанма.
- Окъуу – билимни ачхычы, окъуу – дунияны бачхычы.
- Бёрю да ач къалмасын, эчки да ашалмасын.
- Айырылмаз джууугъунга, унутмаз сёзню айтма.
- Сёз сёзню айтдырыр.
- Эркиши – от, тиширыу – суу.
- Ауругъанны сау билмез, ач къарынны токъ билмез.
- Тюзлюк тас болмайды.
- Намыс сатылыб алынмайды.
- Къыз чыгъаргъан – къызыл къымжа.
- Кёзю сокъурдан – къоркъма, кёлю сокъурдан – къоркъ.
- Этек чакъмакълары баш джаргъан, сёлешген сёзлери таш джаргъан.
- Тин – байлыгъынг, терен саулугъунг.
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)