- Шайтан алдады, тюзлюк къаргъады.
- Aдам боллукъ, сыфатындан белгили.
- Тенгни тенглиги джашай барсанг билинир.
- Билимсиз иш бармаз.
- Миллетни бойну – базыкъ, аны бла кюрешген – джазыкъ.
- Къулакъдан эсе, кёзге ышан.
- Къоркъакъны кёзю экили кёрюр.
- Огъурлуну сёзю – суу, огъурсузну сёзю – уу.
- Кеси юйюмде мен да ханма.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомарт бергенин айтмаз.
- Абынмазлыкъ аякъ джокъ, джангылмазлыкъ джаякъ джокъ.
- Къая джолда джортма, ачыкъ сёзден къоркъма.
- Айыбны суу бла джууалмазса.
- Биреуге аманлыкъны тилеме да, кесинге ашхылыкъны тиле.
- Ашда уялгъан – мухар, ишде уялгъан – хомух.
- Ашхы – джыяр, аман – джояр.
- Азыгъы аз, алгъа къабар, аты аман, алгъа чабар.
- Къарны аманнга къазан такъдырма, къолу аманнга от джакъдырма.
- Намыс болмагъан джерде, насыб болмаз.
- Сёз – кюмюш, джыр – алтын.
- Юй ишлеген балта эшикде къалыр.
- Аманны къуугъан, аманлыкъ табар.
- Байны къызы баймакъ болса да, юйде къалмаз!
- Чакъырылмай келген къонакъ сыйланмай кетер.
- Сакъ юйюне сау барыр.
- Ат да турмайды бир териде.
- Чабакъсыз кёлге къармакъ салгъанлыкъгъа, чабакъ тутмазса.
- Ашхылыкъ джерде джатмайды, аманлыкъ суугъа батмайды.
- Ёпкелегенни ашы татлы болады.
- Бичгенде ашыкъма, тикгенде ашыкъ.
- Тёрени джагъы джокъ.
- Джолда аягъынга сакъ бол, ушакъда тилинге сакъ бол.
- Агъач – джерни чырайы, кийим – эрни чырайы.
- Гырджын – тепсини тамадасы.
- Мал кёб болса, джууукъ кёб болур.
- Кюн кёрмеген, кюн кёрсе, кюндюз чыракъ джандырыр.
- Тил бла келеди джыр да.
- Адамны адамлыгъы къыйынлыкъда айгъакъланады.
- Адам боллукъ, атламындан белгили болур.
- Эркиши – от, тиширыу – суу.
- Эринчекни аурууу – кёб.
- Эртде тургъан бла эртде юйленнген сокъуранмаз.
- Эки къатын алгъан – эки ташны ортасына башын салгъан.
- Эллинг бла джау болсанг да, юйюнг бла джау болма.
- Тиширыусуз юй – отсуз от джагъа.
- Ауурну тюбю бла, дженгилни башы бла джюрюген.
- Къазанда болса, чолпугъа чыгъар.
- Аш берме да, къаш бер.
- Ач къарным, тынч къулагъым.
Ищут Малсугенова Курмана Исмаиловича
|
Спасибо Вам огромное за Вашу работу!
|
|
|
|
|
|
Пожалуйста! Мне особенно приятно ,что у Вас имя,как у моей мамы.
|
||||
|
|
|
|||
Читают тему (гостей: 1)