- Тойгъанлыкъ къойгъа джарашады.
- Ишни ахырын ойламай, аллын башлама.
- Сагъыш – къартлыкъгъа сюйюмчю.
- Арыгъан къош чамчы болур.
- Окъ къызбайны джокълайды.
- Аш кетер да бет къалыр.
- Ичимден чыкъды хата, къайры барайым сата?
- Айтхан сёзюне табылгъан.
- Сютню башын джалагъан къутулур, тюбюн ичген тутулур.
- Кийиминг бла танылма, адамлыкъ бла таныл.
- Агъач халкъгъа алтынды, иссиликге салкъынды.
- Тенги кёбню джау алмаз, акъылы кёбню дау алмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Биреуню эскиси биреуге джангы болмайды.
- Къарыусузгъа кюлме, онгсузгъа тийме.
- Адамны артындан къара сабан сюрме.
- Сёз садакъдан кючлюдю.
- Эркишини аманы тиширыуну джылатыр.
- Чомарт джарлы болмаз.
- Адам туугъан джеринде, ит тойгъан джеринде.
- Аякъларынгы джууургъанынга кёре узат.
- Ишни аллы бла къууанма да, арты бла къууан.
- Башда акъыл болмаса, эки аякъгъа кюч джетер.
- Эки итни арасына сюек атма, эки адамны арасында сёз чыгъарма.
- Билим ат болуб да чабар, къуш болуб да учар.
- Сабийни джумушха джибер да, ызындан бар.
- Татлы сёз – балдан татлы.
- Къаллай салам берсенг, аллай джууаб алырса.
- Джумушакъ сёз къаты таякъны сындырыр.
- Минг тенг да азды, бир джау да кёбдю.
- Ашхы атаны – джашы ашхы, ашхы ананы – къызы ашхы.
- Аманнга да, игиге да оноусуз къатышма.
- Акъыллы – эл иеси, тели – эл баласы.
- Ёзденликни джайгъан – джокълукъ.
- Джюз элде джюз ёгюзюм болгъандан эсе, джюз джууугъум болсун.
- Ётюрюкню къуйругъу – бир тутум.
- Чомартны къолу берекет.
- Бет бетге къараса, бет да джерге къарар.
- Ишлерге уял да, ашаргъа табма.
- Сормай – алма, чакъырылмай – барма.
- Азыкъ аз болса, эртде орун сал.
- Къыз тиширыу кеси юйюнде да къонакъды.
- Биреуню тёрюнден, кесинги эшик артынг игиди.
- Гырджын – тепсини тамадасы.
- Сёз сёзню айтдырыр.
- Ата Джуртча джер болмаз, туугъан элча эл болмаз.
- Уллу къашыкъ эрин джыртар.
- Ачыкъ джюрекге джол – ачыкъ.
- Ачлыкъ отха секиртир.
- Тёрдеги кюлсе, эшикдеги ышарыр.
Ищут Малсугенова Курмана Исмаиловича
|
Спасибо Вам огромное за Вашу работу!
|
|
|
|
|
|
Пожалуйста! Мне особенно приятно ,что у Вас имя,как у моей мамы.
|
||||
|
|
|
|||
Читают тему (гостей: 1)