- Ашаса, ашамаса да, бёрюню ауузу – къан.
- Мал ёлсе, сюек къалыр, адам ёлсе, иши къалыр.
- Аман хансны – урлугъу кёб.
- Къралынгы – душмандан, башынгы от бла суудан сакъла.
- Халкъны джырын джырласанг, халкъ санга эжиу этер.
- Тойгъандан сора, ашны сёкме.
- Зарда марда джокъ.
- Эртде тургъан джылкъычыны эркек аты тай табар.
- Харам къарнашдан, халал тенг ашхы.
- Экеу тутушса, биреу джыгъылыр.
- Джахил болса анасы, не билликди баласы?
- Таукел къуру къалмаз.
- Рысхы – насыбха къор.
- Накъырда – кертини келечиси.
- Насыблы элин сюер, насыбсыз кесин сюер.
- Иги адамны бир сёзю эки болмаз.
- Арпа, будай – ащды, алтын, кюмюш а – ташды.
- Ашлыкъ – бюртюкден, джюн – тюкден.
- Ачыкъ джюрекге джол – ачыкъ.
- Айныгъанлы алты кюн, тогъайгъанлы тогъуз кюн.
- Адамны аты башхача, акъылы да башхады.
- Айтхан сёзюне табылгъан.
- Ашхылыкъ джерде джатмайды, аманлыкъ суугъа батмайды.
- Адамны аманы адамны бети бла ойнар.
- Суу ичген шауданынга тюкюрме.
- Юй ишлеген балта эшикде къалыр.
- Нарт сёз – тилни бети.
- Джети тилни билген джети кишиди.
- Эринчекге кюн узун.
- Аман адам этегингден тутса, кес да къач.
- Ач къарным, тынч къулагъым.
- Къайгъы тюбю – тенгиз.
- Телиге акъыл салгъандан эсе, ёлгеннге джан салырса.
- Этим кетсе да, сюегим къалыр.
- Элге къуллукъ этмеген, элге ие болмаз.
- Аман киши кеси юйюнде – къонакъ.
- Эки къатын алгъанны къулагъы тынгнгаймаз.
- Дуния аламаты сен эсенг да, игиме деб айтма.
- Тилсиз миллет джокъ болур.
- Джыланны къуйругъундан басарынг келсе, аны башы болгъанын унутма.
- Тай асырагъан, атха минер.
- Тешик этген тынчды, аны джамагъан къыйынды.
- Адам боллукъ, атламындан белгили болур.
- Джаз бир кюнню джатсанг, къыш талай кюнню абынырса.
- Джашда акъыл джокъ, къартда къарыу джокъ.
- Къанны къан бла джуума, аманны аман бла къуума.
- Аманнга игилик этсенг, юйюнге сау бармазса.
- Нарт сёз къарт болмаз.
- Иги болса, тамадама – махтау, аман болса, меннге – айыб.
- Суу да къайтады чыкъгъан джерине.
Ищут Малсугенова Курмана Исмаиловича
|
Спасибо Вам огромное за Вашу работу!
|
|
|
|
|
|
Пожалуйста! Мне особенно приятно ,что у Вас имя,как у моей мамы.
|
||||
|
|
|
|||
Читают тему (гостей: 1)