Навигация

Elbrusoid.org

Словарь

Гитче джилтин уллу элни джандырыр.
Биреуге аманлыкъны тилеме да, кесинге ашхылыкъны тиле.
Ач келгенни – тойдур, кеч келгенни – къондур.
Адеб джокъда, намыс джокъ.
Бал ашаргъа сюе эсенг, чибин ургъаннга тёз.
Адам туугъан джеринде, ит тойгъан джеринде.
Хунаны тюбюн къазсанг, юсюнге ауар.
Ач да бол, токъ да бол – намысынга бек бол.
Тил бла келеди джыр да.
Чыбыкълыкъда бюгюлмеген, къазыкълыкъда бюгюлмей эди.
Аман эсирсе, юйюн ояр.
Ата Джуртуму башы болмасам да, босагъасында ташы болайым.
Мухар, кеси тойса да, кёзю тоймаз.
Айран тёгюлсе, джугъусу къалыр.
Дууулдаса – бал чибин, къонса – къара чибин.
Намыс сатылыб алынмайды.
Джарашыу сюйген – джалынчакъ.
Тай асырагъан, атха минер.
Адамны бетине къарама, адетине къара.
Айтхан – тынч, этген – къыйын.
Чёбню кёлтюрсенг, тюбюнден сёз чыгъар.
Акъыллы айтыр эди, акъылсыз къоймайды.
Джаш къарыу бла кючлю, къарт акъыл бла кючлю.
Телиге акъыл салгъандан эсе, ёлгеннге джан салырса.
Керти сёзге тёре джокъ.
Кёл ашады да, кеси ашады.
Эллинг бла джау болсанг да, юйюнг бла джау болма.
Тюкюрюк баш джармаз, налат кёз чыгъармаз!
Суугъа – таянма, джаугъа – ийнанма.
Адам сёзюнден белгили.
Ишлерге уял да, ашаргъа табма.
Танг атмайма десе да, кюн къоярыкъ тюйюлдю.
Ишлегенден, къарагъан уста.
Мен да «сен», дейме, сен да «кесим», дейсе.
Сибиртки да сыйлы болду, кюрек да кюнлю болду.
Джауумдан сора, кюн кюйдюрюр, ётюрюкден сора, айыб кюйдюрюр.
Аууздан келген, къолдан келсе, ким да патчах болур эди.
Иги болса, тамадама – махтау, аман болса, меннге – айыб.
Къайгъыны сюйген, къайгъы табар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ишге юренсин къоллары, халкъ бла болсун джоллары.
Аман къатын алгъан, арыр, иги къатын алгъан джарыр.
Хар адамгъа кеси миннген тау кибик.
Ишлемеген – тишлемез.
Миллетни бойну – базыкъ, аны бла кюрешген – джазыкъ.
Аз сёлешген, къайгъысыз турур.
Ашына кёре табагъы, балына кёре къалагъы.
Къазанчы аман болса, къазаны къайнамаз.
Таш бла ургъанны, аш бла ур.
Кёбден умут этиб, аздан къуру къалма.