Навигация

Elbrusoid.org

Словарь

Мал тутхан – май джалар.
Урунуу – насыбны анасы.
Кимни – тили, тиши онглу, кимни – къолу, иши онглу.
Эри аманны, къатыны – аман.
Кеси юйюмде мен да ханма.
Чоюнну башы ачыкъ болса, итге уят керекди.
Баланы адам этген анады.
Аманны эки битли тону болур, бирин сеннге кийдирир, бирин кеси киер.
Таугъа чыгъаллыкъ эсенг, тюзде къалма.
Чакъырылмагъан къонакъ – орунсуз.
Зар адам ашынгы ашар, кесинги сатар.
Кёб ант этген, кёб ётюрюк айтыр.
Сибиртки да сыйлы болду, кюрек да кюнлю болду.
Юй кюйдю да, кюйюз чыкъды, ортасындан тюйюш чыкъды.
Суугъа – чабакъ, къаягъа – ыргъакъ.
Тин – байлыгъынг, терен саулугъунг.
Чабакъгъа акъыл, табагъа тюшсе келеди.
Аурууну келиую тынч, кетиую – къыйын.
Айран ичген – къутулду, джугъусун джалагъан – тутулду.
Кёбге таш атма.
Бозаны арты дауур болур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Айранын берсенг, челегин да къызгъанма.
Къонакъ кёб келюучю юйню, къазаны отдан тюшмез.
Сакъалы текени да бар, мыйыгъы киштикни да бар.
Ёпкелегенни ашы татлы болады.
Билеги кючлю, бирни джыгъар, билими кючлю, мингни джыгъар.
Кесине оноу эте билмеген, халкъына да эте билмез.
Джаш къарыу бла кючлю, къарт акъыл бла кючлю.
Иги джашны ышаны – аз сёлешиб, кёб тынгылар.
Ариу джол аджал келтирмез.
Игилик игилик бла сингдирилиучю затды.
Ётген ёмюр – акъгъан суу.
Хансыз джомакъ болмаз.
Ишлегенде эринме, ишде чолакъ кёрюнме.
Ашхы тенг джолгъа салыр, аман тенг джолдан тайдырыр.
Экиндини кеч къылсанг, чабыб джетер ашхам.
Джуртун къоругъан озар.
Аш берме да, къаш бер.
Мени джылытмагъан кюн, меннге тиймесин!
Татлы сёз – балдан татлы.
Ёксюзню тилеги къабыл болур.
Кёб къычыргъандан – къоркъма, тынч олтургъандан – къоркъ.
Сютню башын джалагъан къутулур, тюбюн ичген тутулур.
Чомарт джарлы болмаз.
Сёз къанатсыз учар.
Сыфатында болмагъаны, суратында болмаз.
Сёз садакъдан кючлюдю.
Дуния мал дунияда къалады.
Аз сёлеш, кёб ишле.