- Таула не мийик болсала да, аууш табылыр.
- Ауурну тюбю бла, дженгилни башы бла джюрюген.
- Сангырау къулакъ эл бузар.
- Эл тойса, тоймагъан, эл къойса, къоймагъан.
- Мухар, кеси тойса да, кёзю тоймаз.
- Уясында не кёрсе, учханында аны этер.
- Кёл – къызбай, къол – батыр.
- Эртде тургъан джылкъычыны эркек аты тай табар.
- Терек ауса, отунчу – кёб.
- Къартны сыйын кёрмеген, къартлыгъында сыйлы болмаз.
- Магъанасыз сёз – тауушсуз сыбызгъы.
- Джюз элде джюз ёгюзюм болгъандан эсе, джюз джууугъум болсун.
- Суугъа – таянма, джаугъа – ийнанма.
- Кюн кёрмеген, кюн кёрсе, кюндюз чыракъ джандырыр.
- Алтыда кюлмеген, алтмышда кюлмез.
- Кёзню ачылгъаны – иги, ауузну джабылгъаны – иги.
- Кюлме джашха – келир башха.
- Арба аугъандан сора, джол кёргюзтюучю кёб болур.
- Босагъа таш юйге кирмей эди, тыбыр таш эшикге чыкъмай эди.
- Аш берме да, къаш бер.
- Бетинги сатма, малынгы сат.
- Аз айтсам, кёб ангылагъыз.
- Къартха ушагъан джаш – акъыллы, джашха ушагъан къарт – тели.
- Къонакъны къачан кетерин сорма, къачан келлигин сор.
- Тели турса – той бузар.
- Джырчы ёлсе, джыры къалыр.
- Сакъламагъан затынга джолукъсанг, не бек къууанаса, не бек ачыйса.
- Иши джокъну, сыйы джокъ.
- Къууут – джелге, берне – бошха.
- Кийимни бир кюнню аясанг, минг кюннге джарар.
- Аякъларынгы джууургъанынга кёре узат.
- Ана – юйню кюн джарыгъы.
- Адам сёзге тынгыла, акъыл сёзню ангыла.
- Кёбню кёрген – кёб билир.
- Таукел къуру къалмаз.
- Иги болса, тамадама – махтау, аман болса, меннге – айыб.
- Ач – эснер, ат – кишнер.
- Ойнаб айтсанг да, эслеб айт.
- Чакъырылмай келген къонакъ сыйланмай кетер.
- Баш болса, бёрк табылыр.
- Акъылсызны джууукъгъа алма, акъыллыны кенгнге салма.
- Джарлыны тону джаз битер.
- Уллу къазанда бишген эт, чий къалмаз.
- Джангызны оту джарыкъ джанмаз!
- Биреу къой излей, биреу той излей.
- Кёб джат да, бек чаб.
- Биреуге аманлыкъ этиб, кесинге игилик табмазса.
- Аманны къуугъан, аманлыкъ табар.
- Башда акъыл болмаса, эки аякъгъа кюч джетер.
- Тюзлюк тас болмайды.
Какие они: эти Папы???, Папа может, папа может все, что угодно....
Ответы
Читают тему (гостей: 2)