- Шекер бла туз – бир болмаз, ушамагъан – юй болмаз.
- Огъурлуну сёзю – суу, огъурсузну сёзю – уу.
- Абынмазлыкъ аякъ джокъ, джангылмазлыкъ джаякъ джокъ.
- Сёз къанатсыз учар.
- Ачыу алгъа келсе, акъыл артха къалады.
- Аууздан келген, къолдан келсе, ким да патчах болур эди.
- Къан бла кирген, джан бла чыгъар.
- Ата Джуртун танымагъан, атасын да танымаз.
- Рысхысына кёре, джаш ёсер, къышлыгъына кёре, мал ёсер.
- Биреу ашаб къутулур, биреу джалаб тутулур.
- Сютню башын джалагъан къутулур, тюбюн ичген тутулур.
- Окъуусуз билим – джокъ, билимсиз кюнюнг – джокъ.
- Ата Джуртуму башы болмасам да, босагъасында ташы болайым.
- Арбаз къынгырды да, ийнек сауалмайма.
- Ач келгенни – тойдур, кеч келгенни – къондур.
- Тойгъан антын унутур.
- Тили узунну, намысы – къысха.
- Эки итни арасына сюек атма, эки адамны арасында сёз чыгъарма.
- Нёгер болсанг, тенг бол, тенг болмасанг, кенг бол.
- Джогъун бар этген, барын бал этген.
- Хар сёзню орну барды.
- Арба аугъандан сора, джол кёргюзтюучю кёб болур.
- Асхат ашлыкъ сата, юйдегиси ачдан къата.
- Окъугъанны бети джарыкъ.
- Намыс болмагъан джерде, насыб болмаз.
- Бир абыннган – минг сюрюнюр.
- Узун джолну барсанг, бюгюн келирсе, къысха джолну барсанг, тамбла келирсе.
- Бёрю да ач къалмасын, эчки да ашалмасын.
- Ашда – бёрю, ишде – ёлю.
- Къралынгы – душмандан, башынгы от бла суудан сакъла.
- Хар зат кесини орнуна иги.
- Кёбден умут этиб, аздан къуру къалма.
- Тил – миллетни джаны.
- Окъдан джара эртде-кеч болса да бителир, сёз джара, ёмюрге къалыр.
- Эски джаугъа ышанма.
- Зар адам ашынгы ашар, кесинги сатар.
- Джан саулукъ бермей, сан саулукъ бермезсе.
- Иги – алгъыш этер, аман – къаргъыш этер.
- Кюл тюбюндеги от кёрюнмейди.
- Ёнгкюч къууана барыр, джылай келир.
- Аджашханны ызындагъы кёреди, джангылгъанны джанындагъы биледи.
- Чомартны къолу берекет.
- Терек ауса, отунчу – кёб.
- «Ма», - дегенни билмесенг, «бер», - дегенни билмезсе.
- Телиге от эт десенг, юйюнге от салыр.
- Мухар, кеси тойса да, кёзю тоймаз.
- Кенгеш болса, уруш болмаз.
- Билим ат болуб да чабар, къуш болуб да учар.
- Кимни – тили, тиши онглу, кимни – къолу, иши онглу.
- Билим – акъылны чырагъы.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 3)