- Къазанда болса, чолпугъа чыгъар.
- Ишни ахырын ойламай, аллын башлама.
- Келлик заман – къартлыкъ келтирир, кетген заман – джашлыкъ ёлтюрюр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билим насыб берир, билим джолну керир.
- Аман адам элни бир-бирине джау этер.
- Душманны тышы – акъ, ичи – къара.
- Телиге от эт десенг, юйюнге от салыр.
- Сагъышы джокъ – джукъучу, акъылы джокъ – къаугъачы.
- Джырына кёре эжиую.
- Кирсизни – саны таза, халалны – къаны таза.
- Байлыкъ болгъан джерде, тынчлыкъ джокъду.
- Бозанг болмагъан джерге, къалагъынгы сукъма.
- Алгъанда – джууукъ, бергенде – джау.
- Шапа кёб болса, аш татымсыз болур.
- Бал ашаргъа сюе эсенг, чибин ургъаннга тёз.
- Чабакъсыз кёлге къармакъ салгъанлыкъгъа, чабакъ тутмазса.
- Аманнга алтын чыдамаз.
- Адамны бетине къарама, адетине къара.
- Бетинги сатма, малынгы сат.
- Тешик этген тынчды, аны джамагъан къыйынды.
- Аман адамны тепсинге олтуртсанг, къызынгы тилер.
- Тамбла алтындан бюгюн багъыр ашхы.
- Аллахдан тилесенг, кёб тиле.
- Кесинг сынамагъан затны, адамгъа буюрма.
- Хазыр ашха – терен къашыкъ.
- Джарлы эскисин джамаса, къууаныр.
- Билими азны – ауузунда кирит.
- Къонакъ кёб келюучю юйню, къазаны отдан тюшмез.
- Айтылгъан сёз ызына къайтмаз.
- Тилсиз миллет джокъ болур.
- Адамны сабийин сюйген джюреги, бычакъча, джитиди.
- Тамчы таш тешер.
- Таугъа чыгъаллыкъ эсенг, тюзде къалма.
- Огъурлуну сёзю – суу, огъурсузну сёзю – уу.
- Тили узунну, намысы – къысха.
- Сууда джау джокъ, кёб сёзде магъана джокъ.
- Кёл – къызбай, къол – батыр.
- Ата – билек, ана – джюрек!
- Сибиртки да сыйлы болду, кюрек да кюнлю болду.
- Акъыл аздырмаз, билим тоздурмаз.
- Ишлегенден, къарагъан уста.
- Адам къаллай бир ишленмесе, аллай бир кесин уллу кёреди.
- Чомартны къолун джокълукъ байлар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хата – гитчеден.
- Этек чакъмакълары баш джаргъан, сёлешген сёзлери таш джаргъан.
- Ариу сёз – джаннга азыкъ, аман сёз – башха къазыкъ.
- Хоншуну тауугъу къаз кёрюнюр, келини къыз кёрюнюр.
- Ёксюзню къалачы уллу кёрюнюр.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 1)