- Сормай – алма, чакъырылмай – барма.
- Къызгъанчдан ычхыныр, мухардан ычхынмаз.
- Тёгюлген тюгел джыйылмайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашхы – джыяр, аман – джояр.
- Зар адам ашынгы ашар, кесинги сатар.
- Ана – юйню кюн джарыгъы.
- Кюлме джашха – келир башха.
- От кюйдюрген, сау болса да, тот кюйдюрген, сау болмаз.
- Сескекли кесин билдирир.
- Ашын ашагъанынгы, башын да сыйла.
- Керилген да, ургъан кибикди.
- Къонакъны къачан кетерин сорма, къачан келлигин сор.
- Эркишиге тары кебек танг кёрюнюр.
- Хаухну атма, ёнгкючню сатма.
- Бичгенде ашыкъма, тикгенде ашыкъ.
- Кесине гебен этелмеген, биреуге черен эте эди.
- Чакъырылмагъан джерге барма, чакъырылгъан джерден къалма.
- Ёксюзню тилеги къабыл болур.
- Ишленмеген джаш – джюгенсиз ат, ишленмеген къыз – тузсуз хант.
- Айран ичген – къутулду, джугъусун джалагъан – тутулду.
- Хар адамгъа кеси миннген тау кибик.
- Ишлемеген – тишлемез.
- Тойгъа барсанг, тоюб бар, эски тонунгу къоюб бар.
- Ата Джуртуму башы болмасам да, босагъасында ташы болайым.
- Джюз элде джюз ёгюзюм болгъандан эсе, джюз джууугъум болсун.
- Рысхы – сют юсюнде кёмюк кибикди.
- Ач – эснер, ат – кишнер.
- Эринчекни аурууу – кёб.
- Чыкълы кюнде чыкъмагъан, чыкъса къуру кирмеген.
- Аман киши кеси юйюнде – къонакъ.
- Тойгъан джерден туугъан джер игиди.
- Окъуусуз билим – джокъ, билимсиз кюнюнг – джокъ.
- Ишленмеклик адамлыкъды.
- Адамны джюреги нени кёрюрге сюйсе, кёзю да аны кёрюрге ёч болады.
- Ышармагъан – кюлмез, кюлмеген – къууанчны билмез.
- Акъыл къартда, джашда тюйюлдю – башдады.
- Хата – гитчеден.
- Къызны минг тилер, бир алыр.
- Иги болса, тамадама – махтау, аман болса, меннге – айыб.
- Элни кючю – эмеген.
- Ашлыкъ – бюртюкден, джюн – тюкден.
- Къазанчы аман болса, къазаны къайнамаз.
- Эл бла кёргенинг эрелей.
- Таш бла ургъанны, аш бла ур.
- Узун джолну барсанг, бюгюн келирсе, къысха джолну барсанг, тамбла келирсе.
- Къонагъы джокъну – шоху джокъ.
- Иесиз малны бёрю ашар.
- Тойгъан джерге джети къайт.
- Адам сёзге тынгыла, акъыл сёзню ангыла.
Келигиз, тил байлыгъыбызны сакълайыкъ!
|
Кергелен
Бардыла, кесек уллуракъ адамлада...мени анам бла атам 10 кл бошагъандыла, немцаланы тиллерин окъугъандыла... |
|
|
|
|
|
Али-Мурат келалмаймы къалды бу солуу кюнледе?
|
|
|
|
|
|
всезнайка
Бош болалмайды деб эштгенме, иши кёб болур... Девушка Гор хапар айтырыкъ болур))))) |
|
|
|
|
|
всезнайка
Али-Мурат Хасанович бла ушагъыбызны келир бараз кюн этерикбиз, Аллах айтса!  |
|
|
|
|
|
Девушка Гор
Кюн ашхы болсун! Хазырланыб башлаиыкъ сора.сау бол |
|
|
|
|
|
всезнайка
Ашхылыкъ кёр! Ушагъыбызны бараз кюн кечирек башларыкъ болурбуз, 4-5 сагъатда дегенча! Сизни сорууларыгъызны бек сакълаб турлукъбуз! |
|
|
|
|
|
всезнайка
Мен джаншаргъа бек сюеме Сенича миллетини культурасына, тилине, тарихине къайгъырыб джаншагъанла кёб болгъа эдиле халкъыбызда!  |
|
|
|
|
|
Мышона
Алагъа керекди деб турамыса ол. Бек сейирсиндирдинг! Бир къауумлары къарачай сабийледенесе да бек сюйюб джюрюйдюле ары. |
|
|
|
|
|
Эгоистка
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз  |
|
|
|
|
|
Акъыллычыкъ
Тюз айтаса. |
|
|
|
|
Читают тему (гостей: 8)