- Къралынгы – душмандан, башынгы от бла суудан сакъла.
- Сормай – алма, чакъырылмай – барма.
- Дууулдаса – бал чибин, къонса – къара чибин.
- Аман эсирсе, юйюн ояр.
- Эркишини аманы тиширыуну джылатыр.
- Джукъу тёшек сайламайды.
- Ёксюзню тилеги къабыл болур.
- Намысы болмагъанны, сыйы болмаз.
- Кёбге таш атма.
- Миллетни бойну – базыкъ, аны бла кюрешген – джазыкъ.
- Нарт сёз – тилни бети.
- Чомартны къолу берекет.
- Сууда джау джокъ, кёб сёзде магъана джокъ.
- Кирсизни – саны таза, халалны – къаны таза.
- Мухардан ач ычхынмаз.
- Аманнга да, игиге да оноусуз къатышма.
- Къонагъы джокъну – шоху джокъ.
- Джахил болса анасы, не билликди баласы?
- Азыкълы ат арымаз, къатыны аман джарымаз.
- Адамны сыфатына къарама, сёзюне къара.
- Кийимни бир кюнню аясанг, минг кюннге джарар.
- Ётюрюкден тюбю джокъ, кёлтюрюрге джиби джокъ.
- Тойгъанлыкъ къойгъа джарашады.
- Алгъанда – джууукъ, бергенде – джау.
- Тёзгеннге, джабылгъан эшик ачылыр.
- Чоюнну башы ачыкъ болса, итге уят керекди.
- Билим насыб берир, билим джолну керир.
- Бал – татлы, балдан да бала – татлы.
- Тенгни тенглиги джашай барсанг билинир.
- Адеб базарда сатылмаз.
- Къазанчы аман болса, къазаны къайнамаз.
- Уллу атлама – абынырса, уллу къабма – къарылырса.
- Ариу сёзде ауруу джокъ.
- Джюрекден джюрекге джол барды.
- Билмейме деген – бир сёз
- Ашда – бёрю, ишде – ёлю.
- Эшекге миннген – биринчи айыб, андан джыгъылгъан – экинчи айыб.
- Чабар ат – джетген къыз.
- Урама да – ёледи, сатама да – келеди.
- Баш болса, бёрк табылыр.
- Къарнынг бла ёч алма.
- Ёлген ийнек сютлю болур.
- Тиширыусуз юй – отсуз от джагъа.
- Джарлы тюеге минсе да, ит къабар.
- Башланнган иш битер, къымылдагъан тиш тюшер.
- Кёзюнде тереги болгъан, чёбю болгъаннга кюле эди.
- Байлыкъ адамны сокъур этер.
- Таш бла ургъанны, аш бла ур.
- Ат басханны джер билед.
- Къонакъны къачан кетерин сорма, къачан келлигин сор.
Келигиз, тил байлыгъыбызны сакълайыкъ!
|
Кергелен
Бардыла, кесек уллуракъ адамлада...мени анам бла атам 10 кл бошагъандыла, немцаланы тиллерин окъугъандыла... |
|
|
|
|
|
Али-Мурат келалмаймы къалды бу солуу кюнледе?
|
|
|
|
|
|
всезнайка
Бош болалмайды деб эштгенме, иши кёб болур... Девушка Гор хапар айтырыкъ болур))))) |
|
|
|
|
|
всезнайка
Али-Мурат Хасанович бла ушагъыбызны келир бараз кюн этерикбиз, Аллах айтса!  |
|
|
|
|
|
Девушка Гор
Кюн ашхы болсун! Хазырланыб башлаиыкъ сора.сау бол |
|
|
|
|
|
всезнайка
Ашхылыкъ кёр! Ушагъыбызны бараз кюн кечирек башларыкъ болурбуз, 4-5 сагъатда дегенча! Сизни сорууларыгъызны бек сакълаб турлукъбуз! |
|
|
|
|
|
всезнайка
Мен джаншаргъа бек сюеме Сенича миллетини культурасына, тилине, тарихине къайгъырыб джаншагъанла кёб болгъа эдиле халкъыбызда!  |
|
|
|
|
|
Мышона
Алагъа керекди деб турамыса ол. Бек сейирсиндирдинг! Бир къауумлары къарачай сабийледенесе да бек сюйюб джюрюйдюле ары. |
|
|
|
|
|
Эгоистка
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз  |
|
|
|
|
|
Акъыллычыкъ
Тюз айтаса. |
|
|
|
|
Читают тему (гостей: 2)