- Биреуню къыйынлыгъы бла кесинге джол ишлеме.
- Хунаны тюбюн къазсанг, юсюнге ауар.
- Уллу сёлешме да, уллу къаб.
- Ашхы – джыяр, аман – джояр.
- Къыз чыгъаргъан – къызыл къымжа.
- Къая джолда джортма, ачыкъ сёзден къоркъма.
- Тенгни тенглиги джашай барсанг билинир.
- Сабий кёргенин унутмаз.
- Бал чибинни ургъаны – ачы, балы – татлы.
- Эркишиге тары кебек танг кёрюнюр.
- Сёз сёзню айтдырыр.
- Сёз – кюмюш, джыр – алтын.
- Атлыны кёрсе, джаяуну буту талыр.
- Ана кёлю – балада, бала кёлю – талада.
- Айтылгъан буйрукъ, сёгюлмез
- Ач келгенни – тойдур, кеч келгенни – къондур.
- Ауругъанны сау билмез, ач къарынны токъ билмез.
- Ашхылыкъ джерде джатмайды, аманлыкъ суугъа батмайды.
- Эки ойлашыб, бир сёлешген.
- Дженгил джетерикме деб, узун джолну къоюб, къысхасын барма.
- Окъ къызбайны джокълайды.
- Термилгенинги табмазса, кюлгенинге тюберсе.
- Иги сёз – джаннга азыкъ, аман сёз башха – къазыкъ.
- Чомартха Тейри да борчлуду.
- Кёз – сюйген джерде, къол – ауругъан джерде.
- Алим болгъандан эсе, адам болгъан къыйынды.
- Эртде тургъан джылкъычыны эркек аты тай табар.
- Ишленмеген джаш – джюгенсиз ат, ишленмеген къыз – тузсуз хант.
- Кёбню кёрген – кёб билир.
- Джашда акъыл джокъ, къартда къарыу джокъ.
- Агъач халкъгъа алтынды, иссиликге салкъынды.
- Кесинге джетмегенни, кёб сёлешме.
- Ёмюрлюк шохлукъну джел элтмез.
- Кёл ашады да, кеси ашады.
- «Ма», - дегенни билмесенг, «бер», - дегенни билмезсе.
- Садакъачыны джаны – къапчыгъында.
- Aдам боллукъ, сыфатындан белгили.
- Кёзден кетген, кёлден да кетеди.
- Чабакъгъа акъыл, табагъа тюшсе келеди.
- Ётюрюкню къуйругъу – бир тутум.
- Эки итни арасына сюек атма, эки адамны арасында сёз чыгъарма.
- Рысхы – насыбха къор.
- Ётюрюкден тюбю джокъ, кёлтюрюрге джиби джокъ.
- Орну джокъну – сыйы джокъ.
- Халкъны джырын джырласанг, халкъ санга эжиу этер.
- Сабийни джумушха джибер да, ызындан бар.
- «Ёгюз, джаргъа джууукъ барма, меннге джюк боллукъса», - дегенди эшек.
- Кюн – узун, ёмюр – къысха.
- Аллахдан тилесенг, кёб тиле.
- Окъугъан – асыу, окъумагъан – джарсыу.
Келигиз, тил байлыгъыбызны сакълайыкъ!
|
Кергелен
Бардыла, кесек уллуракъ адамлада...мени анам бла атам 10 кл бошагъандыла, немцаланы тиллерин окъугъандыла... |
|
|
|
|
|
Али-Мурат келалмаймы къалды бу солуу кюнледе?
|
|
|
|
|
|
всезнайка
Бош болалмайды деб эштгенме, иши кёб болур... Девушка Гор хапар айтырыкъ болур))))) |
|
|
|
|
|
всезнайка
Али-Мурат Хасанович бла ушагъыбызны келир бараз кюн этерикбиз, Аллах айтса!  |
|
|
|
|
|
Девушка Гор
Кюн ашхы болсун! Хазырланыб башлаиыкъ сора.сау бол |
|
|
|
|
|
всезнайка
Ашхылыкъ кёр! Ушагъыбызны бараз кюн кечирек башларыкъ болурбуз, 4-5 сагъатда дегенча! Сизни сорууларыгъызны бек сакълаб турлукъбуз! |
|
|
|
|
|
всезнайка
Мен джаншаргъа бек сюеме Сенича миллетини культурасына, тилине, тарихине къайгъырыб джаншагъанла кёб болгъа эдиле халкъыбызда!  |
|
|
|
|
|
Мышона
Алагъа керекди деб турамыса ол. Бек сейирсиндирдинг! Бир къауумлары къарачай сабийледенесе да бек сюйюб джюрюйдюле ары. |
|
|
|
|
|
Эгоистка
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз  |
|
|
|
|
|
Акъыллычыкъ
Тюз айтаса. |
|
|
|
|
Читают тему (гостей: 1)