- Суугъа – чабакъ, къаягъа – ыргъакъ.
- Адамны аманы адамны бети бла ойнар.
- Хар зат кесини орнуна иги.
- Ач келгенни – тойдур, кеч келгенни – къондур.
- Ёгюзню мюйюзлери ауурлукъ этмейдиле.
- Тил джюрекге джол ишлейди.
- Мухар, кеси тойса да, кёзю тоймаз.
- Ариу – кёзге, акъыл – джюрекге.
- Адамны адамлыгъы къыйынлыкъда айгъакъланады.
- Эртде тургъан бла эртде юйленнген сокъуранмаз.
- Айранын берсенг, челегин да къызгъанма.
- Джарашыу сюйген – джалынчакъ.
- Этек чакъмакълары баш джаргъан, сёлешген сёзлери таш джаргъан.
- Миллетни бойну – базыкъ, аны бла кюрешген – джазыкъ.
- Ауурну тюбю бла, дженгилни башы бла джюрюген.
- Ачыкъ джюрекге джол – ачыкъ.
- Айтхан сёзюне табылгъан.
- Кюл тюбюндеги от кёрюнмейди.
- Уясында не кёрсе, учханында аны этер.
- Игилик игилик бла сингдирилиучю затды.
- Дуния мал дунияда къалады.
- Бетинги сатма, малынгы сат.
- Байлыкъ адамны сокъур этер.
- Сёз садакъдан кючлюдю.
- Акъыллы – эл иеси, тели – эл баласы.
- Биреуню тёрюнден, кесинги эшик артынг игиди.
- Джети тилни билген джети кишиди.
- Арбаз къынгырды да, ийнек сауалмайма.
- Къанны къан бла джуума, аманны аман бла къуума.
- Арыгъан къош чамчы болур.
- Иги болса, тамадама – махтау, аман болса, меннге – айыб.
- От кюйдюрген, сау болса да, тот кюйдюрген, сау болмаз.
- Бал чибинни ургъаны – ачы, балы – татлы.
- Къулакъдан эсе, кёзге ышан.
- Иги адам абынса да, джангылмаз.
- Хата – гитчеден.
- Сангырау къулакъ эл бузар.
- Сибиртки да сыйлы болду, кюрек да кюнлю болду.
- Терек ауса, отунчу – кёб.
- Тели турса – той бузар.
- Джашда акъыл джокъ, къартда къарыу джокъ.
- Джиби бир къат джетмей эди да, эки къат тарта эди.
- Намысы джокъну – дуниясы джокъ.
- Аджаллыгъа окъсуз шкок атылыр.
- Атынг аманнга чыкъгъандан эсе, джанынг тамагъынгдан чыкъсын.
- Танг атмайма десе да, кюн къоярыкъ тюйюлдю.
- Тёрде – темир таякълы, къаяда – чыпчыкъ аякълы.
- Таш бла ургъанны, аш бла ур.
- Ауругъанны сау билмез, ач къарынны токъ билмез.
- Сёз къанатсыз учар.
Келигиз, тил байлыгъыбызны сакълайыкъ!
|
Кергелен
Бардыла, кесек уллуракъ адамлада...мени анам бла атам 10 кл бошагъандыла, немцаланы тиллерин окъугъандыла... |
|
|
|
|
|
Али-Мурат келалмаймы къалды бу солуу кюнледе?
|
|
|
|
|
|
всезнайка
Бош болалмайды деб эштгенме, иши кёб болур... Девушка Гор хапар айтырыкъ болур))))) |
|
|
|
|
|
всезнайка
Али-Мурат Хасанович бла ушагъыбызны келир бараз кюн этерикбиз, Аллах айтса!  |
|
|
|
|
|
Девушка Гор
Кюн ашхы болсун! Хазырланыб башлаиыкъ сора.сау бол |
|
|
|
|
|
всезнайка
Ашхылыкъ кёр! Ушагъыбызны бараз кюн кечирек башларыкъ болурбуз, 4-5 сагъатда дегенча! Сизни сорууларыгъызны бек сакълаб турлукъбуз! |
|
|
|
|
|
всезнайка
Мен джаншаргъа бек сюеме Сенича миллетини культурасына, тилине, тарихине къайгъырыб джаншагъанла кёб болгъа эдиле халкъыбызда!  |
|
|
|
|
|
Мышона
Алагъа керекди деб турамыса ол. Бек сейирсиндирдинг! Бир къауумлары къарачай сабийледенесе да бек сюйюб джюрюйдюле ары. |
|
|
|
|
|
Эгоистка
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз  |
|
|
|
|
|
Акъыллычыкъ
Тюз айтаса. |
|
|
|
|
Читают тему (гостей: 1)