Эльбрусоид :: Форум :: Келигиз, тил байлыгъыбызны сакълайыкъ!

Танг атмайма десе да, кюн къоярыкъ тюйюлдю.
Къарнынг къанлынга кийирир.
Джарлыны эшигин махтагъан джабар.
Тыш элде солтан болгъандан эсе, кесинги элде олтан болгъан игиди!
Айтхан – тынч, этген – къыйын.
Къызбайны юйюне дери сюрсенг, батыр болур.
Адеб джокъда, намыс джокъ.
Чомартны къолу берекет.
Джигер – джаннга къыйынлыкъ.
Аманны тукъумуна къарама, игини тукъумун сорма.
Ана къолу ачытмаз.
От этилмеген джерден тютюн чыкъмайды.
Эски джаугъа ышанма.
Эте билген, этген этеди, эте билмеген, юретген этеди!
Къолу уллу – асыу, аягъы уллу – джарсыу.
Эринчекге кюн узун.
Ач – эснер, ат – кишнер.
Сакъ юйюне сау барыр.
Джылкъыдан – ат чыгъар, тукъумдан – джаш чыгъар.
Биреуге аманлыкъны тилеме да, кесинге ашхылыкъны тиле.
Джарлы эскисин джамаса, къууаныр.
Чомарт къолда мал къалмаз.
Магъанасыз сёз – тауушсуз сыбызгъы.
Къарт бла баш аша, джаш бла аякъ аша.
Этек чакъмакълары баш джаргъан, сёлешген сёзлери таш джаргъан.
Ач бёрюге мекям джокъ.
Айран ичген – къутулду, джугъусун джалагъан – тутулду.
Онгсузну – джакъла, тенгликни – сакъла.
Тамбла алтындан бюгюн багъыр ашхы.
Чыкълы кюнде чыкъмагъан, чыкъса къуру кирмеген.
Иги адам абынса да, джангылмаз.
Ёгюзню мюйюзюнден тутадыла, адамны сёзюнден тутадыла.
Адамны сабийин сюйген джюреги, бычакъча, джитиди.
Экеу тутушса, биреу джыгъылыр.
Къайтырыкъ эшигинги, къаты уруб чыкъма.
Асхат ашлыкъ сата, юйдегиси ачдан къата.
Элде адам къалмаса, ит тахтагъа минер.
Ауругъанны сау билмез, ач къарынны токъ билмез.
Алгъанда – джууукъ, бергенде – джау.
Адам къаллай бир ишленмесе, аллай бир кесин уллу кёреди.
Билгенни къолу къарны джандырыр.
Сабыр джетер муратха, сабырсыз къалыр уятха.
Тойну къарнашы – харс, джырны къарнашы – эжиу.
Тёрде – темир таякълы, къаяда – чыпчыкъ аякълы.
Джукъу тёшек сайламайды.
Тиширыусуз юй – отсуз от джагъа.
Суу кетер, таш къалыр.
Намысы болмагъанны, сыйы болмаз.
Аш кетер да бет къалыр.
Адеб базарда сатылмаз.

RSS

Келигиз, тил байлыгъыбызны сакълайыкъ!

Кергелен

Гость

#326

Джаратама0

01.03.2008 18:56:52

Алтын къызым! Ма сенича Ана тиллерин сыйлаб бири- бири бла къарчайча селеширге керекдиле.
Къайда джашасала да
Бош етюрюк хапарлагъа тынгылама.
Черкесскде бир елгенде бютеу джыйылгъан миллет орусча селешеэди
Ким юретирге керекди 45- 50 джыл болгъан къатынланы -=кишилени?
НЕ уа ала не тил байлыкъгъа юретирикдиле сизни тенглилени.НЕ?

Кергелен

Гость

#327

Джаратама0

01.03.2008 19:14:36

Бирер тери тонну къаблаб. башларына да ол тонну къыйрндан бир беркню да илиндириб .къолларына къулакъларынада 2-3 къалай кесекни такъсала - дунияны джумушун тындырдыкъ деб турадыла.
Алай дженгил тыныб къалмайды джумуш.
Ол бары да керек затды .- къалгъан джумушла тынсала
Бу сагъатда мадар бла -сабийлени саулукъларына. окъуларына.
ХАЛИЛЕРИНЕ къараргъа керекди. Бу затны 1-2 дж . эталлыкъ тюлсе .
Хабчюк-харакетни этгенча.
АНА бергенни заманын да сабийине .- озса кишида бераллыкъ тюлдю.

Эгоистка

Гость

#328

Джаратама0

01.03.2008 19:27:51

Алай айтханлары бла да къалмайын, школда да орус подгруппагъа саладыла сабийни окъургъа. Мен эл школда окъугъанма да, шахар школлада аллай подгруппа барды, деб эшитгенимде бек сейирсиннген эдим. Кёб турмайын, университетден практикагъа баргъанымда школгъа, орус подгруппаны окъутургъа керек болду. Ийнанныкъ тюлсе, ол подгруппагъа кёбюсюне элледен келиб окъугъан сабийле джюрюй эдиле. Ары барыргъа уа тилни иги билмеген, къатыш юйдегиледе ёсген сабийлеге тыйыншлы эди.
Тюэ айтасыз. Сабийге ана тилинги бил дер орнуна, орус подгруппагъа кечюрюб къоядыла. Анда дерси азыракъ болса, окъургъа тынчыракъ бола болур. Ана - атагъа да алай тынчды. А сабий тилин билмейди деб киши къулагъына алмайды. Къайтарыб айтама, ана бла атадады биринчиге борч - сабийине ана тилни юретирге. Устазланы атлары бла айтыргъа боллукъма, езекни юйдеги берирге керекди. Биз ауа, къалгъанын юрете барыргъа кюреширикбиз.

Девушка Гор

Гость

#329

Джаратама0

01.03.2008 19:37:25

Кергелен
Ким юретирге керекди 45- 50 джыл болгъан къатынланы -=кишилени?
НЕ уа ала не тил байлыкъгъа юретирикдиле сизни тенглилени.НЕ?
Аны уа тюз айтаса, алай а, мени юйдегимде юйде орус тилде хазна киши сёлешмегени ючюн болур, аллай затлагъа тюбемегенме. Ким биледи аланы да, соруб бир кёрлюк эдик.

АНА бергенни заманын да сабийине .- озса кишида бераллыкъ тюлдю.

Мышона

Гость

#330

Джаратама0

01.03.2008 19:44:03

Эгоистка
Айыб этме эгечим, сен устаз болуб ишлеймисе?

Ишлей эсенг бир ангылат менге - школда орус подгруппа болгъанын джаратамыса сен, барысы да сабийле бир группада окъуб, бир-бирлерине болуша турсала иги тюлмю эди. Башха предметледе бирге окъуй ушайдыла. Огъесе ана тил къыйынмыды математикадан, химиядан, историядан?

Эгоистка

Гость

#331

Джаратама0

01.03.2008 20:16:21

Мышона
Айыб этме эгечим, сен устаз болуб ишлеймисе?
Тюз ангылагъанса - устазма.
Ишлей эсенг бир ангылат менге - школда орус подгруппа болгъанын джаратамыса сен, барысы да сабийле бир группада окъуб, бир-бирлерине болуша турсала иги тюлмю эди. Башха предметледе бирге окъуй ушайдыла. Огъесе ана тил къыйынмыды математикадан, химиядан, историядан?
ДЖаратхан деб айтырча тюлдю. Школларыбызда къарачай сабийледен сора башха миллетлени сабийлери да окъуйдула. Орус группала алагъа деб къуралгъандыла - джашагъан джерлеринде селешинген тилни билсинле деб. Къарачай сабийле орус группалагъа къуруда кеслрини эринчекликлеринден, ана - атаны сансызлыкъларындан (тиллерине) барадыла.

Акъыллычыкъ

Гость

#332

Джаратама0

01.03.2008 20:47:28

Эгоистка
Устаз айта эсе алай болур, мен ангыламагъан бир зат барды: башха миллетли сабийлеге къарачай тил неге керекди?
Орус группала алагъа деб къуралгъандыла - джашагъан джерлеринде селешинген тилни билсинле деб.
Сёз ючюн мен унарыкъ тюл эдим башха тилни окъургъа, менге джашауда керек болмагъанын билиб

Кергелен

Гость

#333

Джаратама0

01.03.2008 23:15:06

ИЙ шо манга бир ангылатыгъыз. бусагъат да 10- 11 кл. бошамагъан ата- ана бармыды?
Мени атам бла анам кечгюнчюлюкню заманында 6кл. бошагъндыла.
Бизге дерс этерге болушхан эте эдиле. -немец. матет . рус. къартил .
мен "Война и мир "- ни 4кл каникулларында окъугъанма биринчи.Къалгъан литератураны санын да айталлыкъ тюлме.
Сора мен кесими тилими билмезге нек керекме.?
Мен есген элде -КЪарачай да .къабартычыла да . черкес да. орус да.абаза да .ногъайда . татар да джашай эди.
Барыда къарачайча да. орусча да. кеслерини тилде да селеше эдиле бюгюн-бюкечеда.Къарачайлыла- центрде джашагъанла орусча.- кесибизни тилде акцент бла.
Алай сокъранама къабарты-черкес тилге иги юренмегениме.
Тил билген байлыкъды джийиргенмегиз гитче миллетлени тиллеринден.

кокетка Гость	#334 Джаратама0 02.03.2008 14:18:37 Кергелен Бардыла, кесек уллуракъ адамлада...мени анам бла атам 10 кл бошагъандыла, немцаланы тиллерин окъугъандыла...

всезнайка Гость	#335 Джаратама0 02.03.2008 14:42:54 Али-Мурат келалмаймы къалды бу солуу кюнледе?

кокетка Гость	#336 Джаратама0 02.03.2008 14:47:24 всезнайка Бош болалмайды деб эштгенме, иши кёб болур... Девушка Гор хапар айтырыкъ болур)))))

Девушка Гор Гость	#337 Джаратама0 02.03.2008 15:21:42 всезнайка Али-Мурат Хасанович бла ушагъыбызны келир бараз кюн этерикбиз, Аллах айтса!

всезнайка Гость	#338 Джаратама0 02.03.2008 15:24:48 Девушка Гор Кюн ашхы болсун! Хазырланыб башлаиыкъ сора.сау бол

Девушка Гор

Гость

#339

Джаратама0

02.03.2008 15:26:09

Кергелен
Тил билген байлыкъды джийиргенмегиз гитче миллетлени тиллеринден.

Тилден джийиргеннген, кесиникинден, башханыкъындан болсун - иги тюлдю. Барыбыз да бир дунияда джашайбыз. Бир кюн болмаса да, бир кюн тюбеше, сёлеше турабыз. Не уа, сени тилинги ким сыйын кёрлюкдю, сен хар кимге бурнунгу чюйюрюб турсанг!

Девушка Гор Гость	#340 Джаратама0 02.03.2008 15:27:38 всезнайка Ашхылыкъ кёр! Ушагъыбызны бараз кюн кечирек башларыкъ болурбуз, 4-5 сагъатда дегенча! Сизни сорууларыгъызны бек сакълаб турлукъбуз!

всезнайка

Гость

#341

Джаратама0

02.03.2008 15:29:54

Девушка Гор
всезнайка
Ашхылыкъ кёр! Ушагъыбызны бараз кюн кечирек башларыкъ болурбуз, 4-5 сагъатда дегенча! Сизни сорууларыгъызны бек сакълаб турлукъбуз!

Тамам мен ишден келир заманда, иги болду да. Мен джаншаргъа бек сюеме.

Девушка Гор Гость	#342 Джаратама0 02.03.2008 16:59:00 всезнайка Мен джаншаргъа бек сюеме Сенича миллетини культурасына, тилине, тарихине къайгъырыб джаншагъанла кёб болгъа эдиле халкъыбызда!

Сорвиголова

Гость

#343

Джаратама0

02.03.2008 18:49:24

Девушка Гор
Аталарындан, аналарындан эшитген хапарланы эсге алыб, аллай къыйынлыкъ джетмесин миллетибизге деб, ала башларын мюлкге атыб къойгъан да болурла. Тилге уллу эс бёлюнмей къалгъаны да аны ючюн болур
Къайдам тоба, башларын хабчюкге атмасала да, ассыры интеллигент болургъа излегенден, бир-бир атала-анала юйлеринде иш этиб орусча сёлеширге кюрешедиле. Сабийлени юретир мурат бла! Да сора ол сабий, гитчелигинден тилин билмесе, аны сакъларгъа керек болгъанын ангыламаса, уллу болса кесин атасыча-анасыча интеллигентге санагъандан, къарачайча сёлеширге ыйлыкъгъан да этеди. Не айтыб кюрешсек да биз, тилибизни сакълайыкъ деб, ол адамла аны ангыларыкъ тюлдюле!

Мышона

Гость

#344

Джаратама0

02.03.2008 19:49:33

Эгоистка
Школларыбызда къарачай сабийледен сора башха миллетлени сабийлери да окъуйдула. Орус группала алагъа деб къуралгъандыла - джашагъан джерлеринде селешинген тилни билсинле деб.
Алагъа керекди деб турамыса ол. Бек сейирсиндирдинг!

Девушка Гор

Гость

#345

Джаратама0

02.03.2008 22:43:26

Алик турист
Ма аланы юсюнден кёбюрек саъыш этерге керекбиз.
Къайдам, ичинде ариу суратлары болгъан, тынч сёзледен къуралгъан кроссвордчукълары бла сабий газет чыкъса. Аны да джууабларын джазыб ийгенлеге, саугъачыкъла бериле турсала (сёз ючюн: эм иги джууабланы берген сабийлени суратларын газетни ал бетинде басмалагъан).
Къалай дейсиз?
Тюз айтасыз.

Тюзюн айтсам, аллай сагъышла меннге да келиучендиле. Бек аламат боллукъ эди, тоба!

Эгоистка Гость	#346 Джаратама0 03.03.2008 13:37:03 Мышона Алагъа керекди деб турамыса ол. Бек сейирсиндирдинг! Бир къауумлары къарачай сабийледенесе да бек сюйюб джюрюйдюле ары.

Эгоистка

Гость

#347

Джаратама0

03.03.2008 13:42:54

Акъыллычыкъ
Сёз ючюн мен унарыкъ тюл эдим башха тилни окъургъа, менге джашауда керек болмагъанын билиб
Къарачай миллетни ичинде джашагъан бизни тилибизни билген кеб адам барды. Сюймегенге киши зорлукъ этмейди.

Акъыллычыкъ Гость	#348 Джаратама0 03.03.2008 14:07:15 Эгоистка Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз

Эгоистка Гость	#349 Джаратама0 03.03.2008 14:13:54 Акъыллычыкъ Тюз айтаса.

Кергелен Гость	#350 Джаратама0 03.03.2008 14:17:30 Сорвиголова МЕН бусагъатда кезюм бла керген бир хапар айтаим. Бир белгили джазыучу -этнограф .историк. атын айтмайма. Москва да тууб есгенди 40..дж. Атасы- анасы белгили адамла . ана тилге юретмегендиле совет властны заманын да. Бюгнлюкде ол аны джетишдиралмай бек къыйналады Бизге телефон селешиб косультац. тилейди. Мен бек къуаным ангылатама билгеними. эркишим да бек кеб затха кезюн ачады. Атасы- анасы билмегендиле джашау къайры буруллугъун. ДЖашау бурулуб турлукъду .артыкъсыз да бизни кърал да Ана- тилингинг джанынг бла чыгърыкъ ды ичингден. Сабийине тилин юретмеген интеллигент тюлдю- ангысызды.

Читают тему (гостей: 8)

Логин:
Пароль:
	Запомнить меня на этом компьютере

Забыли свой пароль?
Регистрация