- Юй ишлеген балта эшикде къалыр.
- Къарт болгъан джерде, берекет болур, сабий болгъан джерде, оюн болур.
- Ёзденликни джайгъан – джокълукъ.
- Эл элде бирер малынг болгъандан эсе, бирер тенгинг болсун.
- Сёз – кюмюш, джыр – алтын.
- Тау башында, тау болмаз, джангыз терек, бау болмаз.
- Халкъны джырын джырласанг, халкъ санга эжиу этер.
- Къайгъыны сюйген, къайгъы табар.
- Акъыл бла адеб эгизледиле.
- Байдан умут эте, джарлыдан ёгюз багъасы къорады.
- Ишлемеген – тишлемез.
- Халкъгъа джарагъан, джарлы къалмаз.
- Къарнынг ауруса, ауузунгу тый
- Уллу къазанда бишген эт, чий къалмаз.
- Джаханимни кёрмей, джандетге кёл салмазса.
- Тилсиз миллет джокъ болур.
- Чомарт бергенин айтмаз.
- Душманны тышы – акъ, ичи – къара.
- Къарт бла баш аша, джаш бла аякъ аша.
- Таукелге нюр джауар.
- Баш болса, бёрк табылыр.
- Гугук кесини атын айтыб къычыргъанча, мен, мен деб нек тураса?
- Чабар ат – джетген къыз.
- Ариу сёз аурууунгу алыр.
- Аман хансны – урлугъу кёб.
- Алим болгъандан эсе, адам болгъан къыйынды.
- Джумушакъ терекни къурт ашар.
- Джюрекден джюрекге джол барды.
- Ата – билек, ана – джюрек!
- Къатын байлыкъны сюер, эр саулукъну сюер.
- Кёпюр салгъан кеси ётер, уру къазгъан кеси кетер.
- Бёрю да ач къалмасын, эчки да ашалмасын.
- Кюн – узун, ёмюр – къысха.
- Тамчы таш тешер.
- Джеринден айырылгъан – джети джылар, джуртундан айырылгъан – ёлгюнчю джылар.
- Къар – келтирди, суу – элтди.
- Ата джурт – алтын бешик.
- Акъыллы айтыр эди, акъылсыз къоймайды.
- Ашха уста, юйюнде болсун
- Башы джабылгъан челекге, кир тюшмез.
- Кесинг сынамагъан затны, адамгъа буюрма.
- Сабий кёргенин унутмаз.
- Ат басханны джер билед.
- Къуллукъчума, деб махтанма, къуллукъ – хаух джамчыды!
- Къайтырыкъ эшигинги, къаты уруб чыкъма.
- Шайтан алдады, тюзлюк къаргъады.
- Босагъагъа джууукъ орун болса, ашыгъыб тёрге озма.
- Ашхы адам – халкъ байлыгъы, ашхы джер – джашау байлыгъы.
- Адеби болмагъан къыз – тузсуз хант.
- Эркишиге тары кебек танг кёрюнюр.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 2)