- Ёпкелегенни ашы татлы болады.
- Ёлген аслан – сау чычхан.
- Арыгъан къош чамчы болур.
- Тёрде – темир таякълы, къаяда – чыпчыкъ аякълы.
- Гугук кесини атын айтыб къычыргъанча, мен, мен деб нек тураса?
- Ашына кёре табагъы, балына кёре къалагъы.
- Джылкъыдан – ат чыгъар, тукъумдан – джаш чыгъар.
- Чомарт къолда мал къалмаз.
- Къарнынг бла ёч алма.
- Аджашхан тёгерек айланыр.
- Берекет берсин деген джерде, берекет болур.
- Ат да турмайды бир териде.
- Бал чибинни ургъаны – ачы, балы – татлы.
- Окъумагъан сокъурду, сокъур ташха абыныр!
- Кёрмегеннге кебек – танг, битмегеннге сакъал – танг.
- Шекер бла туз – бир болмаз, ушамагъан – юй болмаз.
- Тилчиден кери бол.
- Таукел къуру къалмаз.
- Бозаны арты дауур болур.
- Экеу тутушса, биреу джыгъылыр.
- Ушамагъан – джукъмаз.
- Къыз келсе, джумуш эте келеди, къатын келсе, ушакъ эте келеди.
- Мухардан ач ычхынмаз.
- Келгинчи, къонакъ уялыр, келгенден сора, къонакъбай уялыр.
- Джашлыкъ этмеген, башлыкъ этмез.
- Арбаз сайлама да, хоншу сайла.
- Къартха ушагъан джаш – акъыллы, джашха ушагъан къарт – тели.
- Биреу ашаб къутулур, биреу джалаб тутулур.
- Ана – юйню кюн джарыгъы.
- Тешигини къатында, чычхан да батыр болур.
- Ойнай билмеген, уруб къачар.
- Намысы болмагъанны, сыйы болмаз.
- Бети къызарыучу адамны, джюреги харам болмаз.
- Чабакъгъа акъыл, табагъа тюшсе келеди.
- Башда акъыл болмаса, эки аякъгъа кюч джетер.
- Къызны минг тилер, бир алыр.
- Акъыл аздырмаз, билим тоздурмаз.
- Окъдан джара эртде-кеч болса да бителир, сёз джара, ёмюрге къалыр.
- Эл тойса, тоймагъан, эл къойса, къоймагъан.
- Джарлы джети элни сёзюн этер.
- Эки къатын алгъан – эки ташны ортасына башын салгъан.
- Ёгюзню мюйюзлери ауурлукъ этмейдиле.
- Ашхы – джыяр, аман – джояр.
- Аман адам элни бир-бирине джау этер.
- Эл ауузу – элия.
- Этни бети бла шорпасы.
- Айыбны суу бла джууалмазса.
- Шайтан алдады, тюзлюк къаргъады.
- Сёз – кюмюш, джыр – алтын.
- Ауурну тюбю бла, дженгилни башы бла джюрюген.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 1)