- Ачыу алгъа келсе, акъыл артха къалады.
- Сютден ауузу кюйген, суугъа юфгюре эди.
- Адамны сабийин сюйген джюреги, бычакъча, джитиди.
- Къарыусузгъа кюлме, онгсузгъа тийме.
- Тёрдеги кюлсе, эшикдеги ышарыр.
- Бетинги сатма, малынгы сат.
- Ашын ашагъанынгы, башын да сыйла.
- Ишге юренсин къоллары, халкъ бла болсун джоллары.
- Ойнай-ойнай кёз чыгъар.
- Джаш къарыу бла кючлю, къарт акъыл бла кючлю.
- Къумурсхала джыйылсала, пилни да джыгъадыла.
- Джашынгы кесинг юретмесенг, джашау юретир.
- Джаралыны джастыгъында сау ёлюр.
- Аман адам этегингден тутса, кес да къач.
- Аз сёлеш, кёб ишле.
- Акъыллы – эл иеси, тели – эл баласы.
- Хазыр ашха – терен къашыкъ.
- Хар ишни да аллы къыйынды.
- Урунуу – насыбны анасы.
- Туз, гырджын аша, тюзлюк бла джаша.
- Иги джашны ышаны – аз сёлешиб, кёб тынгылар.
- Тамырсыз терекге таянма – джыгъылырса.
- Терек ауса, отунчу – кёб.
- Ичимден чыкъды хата, къайры барайым сата?
- Мал ёлсе, сюек къалыр, адам ёлсе, иши къалыр.
- Оюмсуз атлагъан, аджалсыз ёлюр.
- Къонагъы джокъну – шоху джокъ.
- Юй ишлеген балта эшикде къалыр.
- Элде адам къалмаса, ит тахтагъа минер.
- Башда акъыл болмаса, эки аякъгъа кюч джетер.
- Къарнынг бла ёч алма.
- Мураты болгъанны джюрек тебюую башхады.
- Эркиши – от, тиширыу – суу.
- Экеу тутушса, биреу джыгъылыр.
- Къызбайны юйюне дери сюрсенг, батыр болур.
- Арбаз сайлама да, хоншу сайла.
- Бёрю да ач къалмасын, эчки да ашалмасын.
- Ашда уялгъан – мухар, ишде уялгъан – хомух.
- Джюрекден джюрекге джол барды.
- Онгсузну – джакъла, тенгликни – сакъла.
- Сабий болмагъан джерде, мёлек болмаз.
- Ётюрюкден тюбю джокъ, кёлтюрюрге джиби джокъ.
- Аман адамны тепсинге олтуртсанг, къызынгы тилер.
- Садакъачыны джаны – къапчыгъында.
- Ашыкъгъанны этеги бутуна чырмалыр.
- Ойнай билмеген, уруб къачар.
- Къая джолда джортма, ачыкъ сёзден къоркъма.
- Ауругъаннга – кийик саулукъ, джетген къызгъа – чилле джаулукъ.
- Тойчу джашха къарама, къойчу джашха къара.
- Джылар джаш, атасыны сакъалы бла ойнар.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 39)