- Джангыз торгъай джырламаз.
- Байны къызы баймакъ болса да, юйде къалмаз!
- Айныгъанлы алты кюн, тогъайгъанлы тогъуз кюн.
- Айраннга суу къош, телиге джол бош.
- Окъуу – билимни ачхычы, окъуу – дунияны бачхычы.
- Кёб къычыргъандан – къоркъма, тынч олтургъандан – къоркъ.
- Ёнгкюч къууана барыр, джылай келир.
- Чабар ат – джетген къыз.
- Джаханимни кёрмей, джандетге кёл салмазса.
- Ишленмеген джаш – джюгенсиз ат, ишленмеген къыз – тузсуз хант.
- Ач, тоймам, дейди, тойгъан, ач болмам, дейди.
- Ач да бол, токъ да бол – намысынга бек бол.
- Джеринден айырылгъан – джети джылар, джуртундан айырылгъан – ёлгюнчю джылар.
- Эртде тургъан джылкъычыны эркек аты тай табар.
- Кийимни бир кюнню аясанг, минг кюннге джарар.
- Тойгъандан сора, ашны сёкме.
- Ачлыкъда тары гырджын халыуадан татлы.
- Тюзлюк шохлукъну бегитир.
- Къызбайны юйюне дери сюрсенг, батыр болур.
- Джети тилни билген джети кишиди.
- Къууут – джелге, берне – бошха.
- Аман къатын сабий табса, бий болур…
- Бек анасы джыламаз.
- Ариу сёз джыланны орнундан чыгъарыр.
- Кёрмегеннге кебек – танг, битмегеннге сакъал – танг.
- Сакъ юйюне сау барыр.
- Эл ауузу – элек, анга ийнаннган – халек.
- Ашыкъгъанны этеги бутуна чырмалыр.
- Тенги кёбню джау алмаз, акъылы кёбню дау алмаз.
- Шекер бла туз – бир болмаз, ушамагъан – юй болмаз.
- Юйюнг бла джау болгъандан эсе, элинг бла джау бол.
- Уллу къашыкъ эрин джыртар.
- Азыгъы аз, алгъа къабар, аты аман, алгъа чабар.
- Аджаллыгъа окъсуз шкок атылыр.
- Билген билмегенни юретген адетди.
- Эркиши – от, тиширыу – суу.
- Киштикге къанат битсе, чыпчыкъ къалмаз эди.
- Берекет берсин деген джерде, берекет болур.
- Ётюрюкчюню шагъаты – къатында.
- Окъугъан озар, окъумагъан тозар.
- Эл элде бирер малынг болгъандан эсе, бирер тенгинг болсун.
- Аууздан келген, къолдан келсе, ким да патчах болур эди.
- Битмегеннге сакъал – танг.
- Джылар джаш, атасыны сакъалы бла ойнар.
- Иги – алгъыш этер, аман – къаргъыш этер.
- Эл тойса, тоймагъан, эл къойса, къоймагъан.
- Башы ишлегенни, ауузу да ишлер.
- Босагъа таш юйге кирмей эди, тыбыр таш эшикге чыкъмай эди.
- Джылыгъа джылан илешир.
- Иги болса, тамадама – махтау, аман болса, меннге – айыб.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 1)