- Тас болгъан бычакъны сабы – алтын.
- Тиширыусуз юй – отсуз от джагъа.
- Рысхы – насыбха къор.
- Къолунгдан къуймакъ ашатсанг да, атаны борчундан къутулмазса.
- Къонакъ аман болса, къонакъбай джунчур
- Джюрекден джюрекге джол барды.
- Эм ашхы къайын ана мамукъ бла башынгы тешер.
- Юй кюйдю да, кюйюз чыкъды, ортасындан тюйюш чыкъды.
- Эринчекге кюн узун.
- Онгсузну – джакъла, тенгликни – сакъла.
- Къонакъны къачан кетерин сорма, къачан келлигин сор.
- Кюн – узун, ёмюр – къысха.
- Арбаз сайлама да, хоншу сайла.
- Айранын берсенг, челегин да къызгъанма.
- Хоншуну тауугъу къаз кёрюнюр, келини къыз кёрюнюр.
- Таула не мийик болсала да, аууш табылыр.
- Адам къаллай бир ишленмесе, аллай бир кесин уллу кёреди.
- Ата Джуртун танымагъан, атасын да танымаз.
- Тулпарлыкъ, билекден тюл – джюрекден.
- Кеси юйюмде мен да ханма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бермеген къол, алмайды.
- Алим болгъандан эсе, адам болгъан къыйынды.
- Джуртун къоругъан озар.
- Биреуге аманлыкъ этиб, кесинге игилик табмазса.
- Ашына кёре табагъы, балына кёре къалагъы.
- Ашда уялгъан – мухар, ишде уялгъан – хомух.
- Къайгъыны сюйген, къайгъы табар.
- Адамны артындан къара сабан сюрме.
- Иги – алгъыш этер, аман – къаргъыш этер.
- Бал ашаргъа сюе эсенг, чибин ургъаннга тёз.
- Тау башында, тау болмаз, джангыз терек, бау болмаз.
- Таукел адам тау тешер.
- Гитче джилтин уллу элни джандырыр.
- Танг атмайма десе да, кюн къоярыкъ тюйюлдю.
- Кёб ант этген, кёб ётюрюк айтыр.
- Бал – татлы, балдан да бала – татлы.
- Сёлеш деб шай берген, тохта деб, сом берген.
- Эте билген, этген этеди, эте билмеген, юретген этеди!
- Ишлегенде эринме, ишде чолакъ кёрюнме.
- Суу да къайтады чыкъгъан джерине.
- Адебсиз адам – джюгенсиз ат.
- Тёрдеги кюлсе, эшикдеги ышарыр.
- Керти сёзге тёре джокъ.
- Джаз бир кюнню джатсанг, къыш талай кюнню абынырса.
- Бал чибинни ургъаны – ачы, балы – татлы.
- Узун джолну барсанг, бюгюн келирсе, къысха джолну барсанг, тамбла келирсе.
- Байны оноуу, джарлыгъа джарамаз.
- Джолунга кёре – джюрюшюнг, джагъанга кёре – юлюшюнг.
- Джукъу тёшек сайламайды.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 6)