Эльбрусоид :: Форум :: Келигиз, тил байлыгъыбызны сакълайыкъ!

Джукъу тёшек сайламайды.
Арпа, будай – ащды, алтын, кюмюш а – ташды.
Джолунга кёре – джюрюшюнг, джагъанга кёре – юлюшюнг.
Иги – алгъыш этер, аман – къаргъыш этер.
Садакъачыны джаны – къапчыгъында.
Тойгъан джерден туугъан джер игиди.
Атынг аманнга чыкъгъандан эсе, джанынг тамагъынгдан чыкъсын.
Кийиминг бла танылма, адамлыкъ бла таныл.
Аман къатын алгъан, арыр, иги къатын алгъан джарыр.
Къыйынлы джети элге оноу этер.
Ханы къызы буюгъа-буюгъа киштик болду.
Къолу уллу – асыу, аягъы уллу – джарсыу.
Ауругъаннга – кийик саулукъ, джетген къызгъа – чилле джаулукъ.
Иги адамны бир сёзю эки болмаз.
Айтылгъан буйрукъ, сёгюлмез
Ариуну – ауруу кёб.
Ишни аллы бла къууанма да, арты бла къууан.
Адебсиз адам – джюгенсиз ат.
Танг атмайма десе да, кюн къоярыкъ тюйюлдю.
Тёгюлген тюгел джыйылмайды.
Байны оноуу, джарлыгъа джарамаз.
Аман адам элни бир-бирине джау этер.
Чомарт къолда мал къалмаз.
Ариу сёзде ауруу джокъ.
Билим къая тешер.
Терек ауса, отунчу – кёб.
Ачлыкъ отха секиртир.
«Ма», - дегенни билмесенг, «бер», - дегенни билмезсе.
Иши джокъну, сыйы джокъ.
Хар сёзню орну барды.
Джан саулукъ бермей, сан саулукъ бермезсе.
Игилик игилик бла сингдирилиучю затды.
Мураты болгъанны джюрек тебюую башхады.
Тай асырагъан, атха минер.
Мухарны эси – ашарыкъда.
Тил – миллетни джаны.
Байлыкъ тауусулур, билим тауусулмаз.
Ариу сёз джыланны орнундан чыгъарыр.
Кийим тукъум сордурур.
Душманны тышы – акъ, ичи – къара.
«Ёгюз, джаргъа джууукъ барма, меннге джюк боллукъса», - дегенди эшек.
Ёксюзню къалачы уллу кёрюнюр.
Эрни эр этерик да, къара джер этерик да, тиширыуду.
Келгинчи, къонакъ уялыр, келгенден сора, къонакъбай уялыр.
Джарашыу сюйген – джалынчакъ.
Джауумдан сора, кюн кюйдюрюр, ётюрюкден сора, айыб кюйдюрюр.
Аманнга игилик этсенг, юйюнге сау бармазса.
Къатын къылыкъсыз, эр тынчлыкъсыз.
Чабакъгъа акъыл, табагъа тюшсе келеди.
Эки ойлашыб, бир сёлешген.

RSS

Келигиз, тил байлыгъыбызны сакълайыкъ!

всезнайка

Гость

#301

Джаратама0

01.03.2008 15:13:36

Сорвиголова
джашау алайды, бюгюнлюкде орус, ингилиз, француз тилни билсенг сукъланадыла адамла. Къарачай тил бла уа сёлеширге заман да табылмай къалады.

Да джашауну уа биз этмей. ким этеди.Къарачай тилни билген къалгъан тиллени билмеимиди? Юиде да джуукъларыгъыз бла да ингилизча. французчамы селешиб турасыз? Энди ишде уа , аны иши бир башха.Бири бирине чырмау тюлдю чыртданда, ол бары сылтауду.Энди сизге ана тилде диссертацияла джакълагъыз деген джокъду. алай а бир къауум адамла орусча селешселе. кеслерин тыш къыраллы тилледе селешгенча кередиле.Башханы къой. телевизарда да къарачай бериуледе адамла бла ушакъ этселе, кебюсюне орус сезлени къатышдырыб джууаблашадыла адамла. Черкеси-абазасы уа 1 сез да къатышдырмайды ушакъларына.да сора Dalila не аитыргъа керекди да, уллу университетде ингилиз тилни окъутуб. диссертация джакъларгъа да хазырлана.

ма муну да Жаннагъа береме

Девушка Гор

Гость

#302

Джаратама0

01.03.2008 15:19:08

Сорвиголова
бюгюнлюкде орус, ингилиз, француз тилни билсенг сукъланадыла адамла. Къарачай тил бла уа сёлеширге заман да табылмай къалады.
Халкъда аллай сёз барды - кесини тилини сыйын кёрмеген, аны сюймеген, башха тилни сыйын кёрлюк тюлдю, аны сюерик да тюлдю. Тюз айтасыз, башха тиллени да билирге керекди, "Ненча тилни билсенг, аллай бир кере адамса" аны барыбыз да ангылайбыз! Алай а кертда башха шахарда, къралда джашайма, "башха тилде сёлешеме кёбюсюне",- деб ана тилин унутхан адамны миллетини ичинде сыйы боллукъ тюлдю. Келлик тёлюле да сау бол демезле анга!

всезнайка Гость	#303 Джаратама0 01.03.2008 15:22:54 Девушка Гор "Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам

Девушка Гор

Гость

#304

Джаратама0

01.03.2008 15:26:24

всезнайка
о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам
Ол иги тюлмюдю. Башха миллетлени адамлары бла уста сёлеше билсенг, кесинги тилинг бла аланы да шагъырей этсенг.

Ненча тилни билсенг да, ана тилинги унутмайса да, Машалла санге!

всезнайка

Гость

#305

Джаратама0

01.03.2008 15:27:55

Девушка Гор
Башха миллетлени адамлары бла уста сёлеше билсенг, кесинги тилинг бла аланы да шагъырей этсенг.

Шагъырейни уа несин аитса. бир-бирде селеше тургъанлай араблылагъа тохта деб ийеме да. артдан эсгереме. не аитама деб

Девушка Гор

Гость

#306

Джаратама0

01.03.2008 15:31:18

всезнайка
Сукъланама сенге! Мен а уа толусу бла къуру анамы тилин, атамы тилин, джашагъан къралымы ара тилин билген болмаса, тыш кърал тиллени сёлеширча билмейме! Анга да: "кёб билеме",- деб тура эдим, джангыла кёреме!

Девушка Гор Гость	#307 Джаратама0 01.03.2008 15:33:16 Чип Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?

всезнайка Гость	#308 Джаратама0 01.03.2008 15:34:49 Девушка Гор Сукъланама сенге сеннге, меннге 2 н бла джазылады манга. санга 1 бла

Девушка Гор Гость	#309 Джаратама0 01.03.2008 15:39:12 всезнайка Халат джиберибми къойдум! Кёб тилни билеме деб сейирсиндиргенсе да, билгеними да унутуб къойгъанма!

всезнайка

Гость

#310

Джаратама0

01.03.2008 15:41:22

Девушка Гор
всезнайка
Халат джиберибми къойдум! Кёб тилни билеме деб сейирсиндиргенсе да, билгеними да унутуб къойгъанма!

Хата джокъ.Кесими къолаилыгъым да джокъду.алай а устаз болуб ишлегенмеда бу ишге дери. кесин билдирмей къоймаиды аман къылыгъым, акъыл тёгеме да башлаима

Девушка Гор Гость	#311 Джаратама0 01.03.2008 15:45:06 всезнайка Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.

всезнайка

Гость

#312

Джаратама0

01.03.2008 15:48:15

Девушка Гор

всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.

Бир игилиги джокъду,артыкъсыз да студентле бизге сизни ингилиз тилигиз керек тюлдю деселе.Кесим ючюн окъутханча мен аны.

Девушка Гор

Гость

#313

Джаратама0

01.03.2008 16:02:04

Чип
кеб Ата-Ана сабийлери ана тильни окъумайбыз деселе, окъуялмай эсенг къой дейдиле,
Алай айтханлары бла да къалмайын, школда да орус подгруппагъа саладыла сабийни окъургъа. Мен эл школда окъугъанма да, шахар школлада аллай подгруппа барды, деб эшитгенимде бек сейирсиннген эдим. Кёб турмайын, университетден практикагъа баргъанымда школгъа, орус подгруппаны окъутургъа керек болду. Ийнанныкъ тюлсе, ол подгруппагъа кёбюсюне элледен келиб окъугъан сабийле джюрюй эдиле. Ары барыргъа уа тилни иги билмеген, къатыш юйдегиледе ёсген сабийлеге тыйыншлы эди. Сора бюгюнлюкде, сабийни тилинден алай ёксюз этген ата бла анадан не излейсе?

Девушка Гор

Гость

#314

Джаратама0

01.03.2008 16:05:48

всезнайка
Къайсы устазны да иши алай болур. Эслегенмисе, устазгъа керекчады берген билими, бек аз сохта ангылайды джашауда керек болгъаны билимни! Школну бошасала ангылайдыла, алай а , кеч болады ол заманда!

Девушка Гор

Гость

#315

Джаратама0

01.03.2008 16:15:11

Чип
Бизни миллет кеб затланы сынагъанды, ачлыкъ, джалангачлыкъ, къазауат.Мен бюгю кюнде уллу айыб да эталмайма, нек десенг:
Тюзсе, алай а, кёчгюнчюлюкню бизни къарт аталарыбыз-аналарыбыз сынагъандыла. Алай болса да, тиллерин унутмагъандыла аны ючюн. Аланы сабийлери уллу ачлыкъ сынаб ёсмегендиле, тилни билмегенле уа аладыла да?

Девушка Гор

Гость

#316

Джаратама0

01.03.2008 16:50:55

Чип
Кёчгюнчюлюкню сынагъанла ала болгъанлыкъларына, аланы генофондлары сынмагъанды, Аталары -Аналары берген затланы унутмагъандыла, алай болсада кеслерини юйдегилерине берирге заманда, амалда табалмагъандыла.

Тюз айтаса, алай болур! Аталарындан, аналарындан эшитген хапарланы эсге алыб, аллай къыйынлыкъ джетмесин миллетибизге деб, ала башларын мюлкге атыб къойгъан да болурла. Тилге уллу эс бёлюнмей къалгъаны да аны ючюн болур

Сорвиголова Гость	#317 Джаратама0 01.03.2008 17:12:06 всезнайка Алай бек ачыуланмагъыз, мен кесими къарамымы айтханма!

Алик турист Гость	#318 Джаратама0 01.03.2008 17:28:29 Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.

Девушка Гор Гость	#319 Джаратама0 01.03.2008 17:30:47 Алик турист Сау болугъуз! Сизге да тынгылайбыз! Бу айтханларыбызгъа къошарыгъыгъыз болур!

Алик турист

Гость

#320

Джаратама0

01.03.2008 17:37:05

Къайсы миллетни адамы да кесини тилин, адетлерин билирге керекди. Ол кимге да белгилиди. Къайсы тилни да таза сакълагъан бюгюнлюкде тынч иш тюйюлдю. Тилибизни сакълар ючюн не тюрлю да, заманнга кёре, мадарла табаргъа керекбиз.

Алик турист

Гость

#321

Джаратама0

01.03.2008 17:44:00

Сабий тилге гитчеликде юренеди. Не къадар кёб ана тилде сёлешинген затланы эштсе, ол къадар аны эсинде къалады. Аны ючюн тилин багъалатхан адам, сабийи ана тилни билирин сюйген адам юйде къуру ана тилде сёлеширге керекди.
Сабийле мультиклеге бек сюйюб къарайдыла, анда эштген сёзлерин айтыргъа бек сюедиле. Бек уллу бюсюреу этеме Эльбрусоидде ишлеген адамлагъа: Белгили мультфильмлени къарачай-малкъар тилге кёчюргенлери ючюн. Бу иш чыртдан да тохтамагъанлай барыргъа керекди.

Алик турист

Гость

#322

Джаратама0

01.03.2008 18:00:36

Девушка Гор
Кимди терс, деб къадалыб излеб тургъандан хайыр джокъду.
Не джангы мадарла этерге боллукъду? Ма аланы юсюнден кёбюрек саъыш этерге керекбиз.
Къайдам, ичинде ариу суратлары болгъан, тынч сёзледен къуралгъан кроссвордчукълары бла сабий газет чыкъса. Аны да джууабларын джазыб ийгенлеге, саугъачыкъла бериле турсала (сёз ючюн: эм иги джууабланы берген сабийлени суратларын газетни ал бетинде басмалагъан).
Къалай дейсиз?

Кергелен Гость	#323 Джаратама0 01.03.2008 18:16:04 Чип Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип

Кергелен

Гость

#324

Джаратама0

01.03.2008 18:23:36

Кермеймисиз тегерекде юсюбюзге джанлы чабханлай. игибизни кериб болмайдыла. аягъыбыз къачан таяды деб сакълаб турадыла.
Бизни миллетден джигер . табышлы. акъыллы къайсыды?
ТИЛИБИЗ АРА БАГЪАГАНАБЫЗДЫ!!!!!!!!!!
АНЫ БИР ТАКЪЙКЪАНЫ ДА УНУТМАГЪЫЗ!!!!!

Девушка Гор Гость	#325 Джаратама0 01.03.2008 18:46:06 Кергелен ТИЛИБИЗ АРА БАГЪАГАНАБЫЗДЫ!!!!!!!!!! АНЫ БИР ТАКЪЙКЪАНЫ ДА УНУТМАГЪЫЗ!!!!! Бек ариу айтдынг, алай а, аны унутмазча не этерге керек болгъанын ачыкъламадынг, сени къарамынг бла?

Читают тему (гостей: 7)

Логин:
Пароль:
	Запомнить меня на этом компьютере

Забыли свой пароль?
Регистрация