- Киштикге къанат битсе, чыпчыкъ къалмаз эди.
- Аш иеси бла татлыды.
- Сакъалы текени да бар, мыйыгъы киштикни да бар.
- Билим къая тешер.
- Бир онгсуз адам адет чыгъарды, деб эштирик тюлсе.
- Биреуге аманлыкъ этиб, кесинге игилик табмазса.
- Джарлыны эшигин махтагъан джабар.
- Сууда джау джокъ, кёб сёзде магъана джокъ.
- Кимни – тили, тиши онглу, кимни – къолу, иши онглу.
- Рысхы – сют юсюнде кёмюк кибикди.
- Кёбню кёрген – кёб билир.
- Борчунг бар эсе, хурджунунга ойлаб узал.
- Игиге айтсанг – билир, аманнга айтсанг – кюлюр.
- Тамырсыз терекге таянма – джыгъылырса.
- Ёнгкюч къууана барыр, джылай келир.
- Эшекге миннген – биринчи айыб, андан джыгъылгъан – экинчи айыб.
- Аурууну келиую тынч, кетиую – къыйын.
- Таш ата билмеген, башына урур.
- Айырылгъанланы айю ашар, бёлюннгенлени бёрю ашар.
- Эркишиге тары кебек танг кёрюнюр.
- Ашарыкъда сайлагъаннга – чий гырджын.
- Къоркъакъны кёзю экили кёрюр.
- Арыгъан къош чамчы болур.
- Уясында не кёрсе, учханында аны этер.
- Ёзденликни джайгъан – джокълукъ.
- Бюгюн дуния кибик, тамбла ахыратды.
- Къая джолда джортма, ачыкъ сёзден къоркъма.
- Келинин тута билмеген, къул этер, къызын тута билмеген, тул этер.
- Ач келгенни – тойдур, кеч келгенни – къондур.
- Джукъу тёшек сайламайды.
- Нарт сёз – тилни бети.
- Таукелге нюр джауар.
- Магъанасыз сёз – тауушсуз сыбызгъы.
- Кёлсюзден сёзсюз тууар.
- Аманны къуугъан, аманлыкъ табар.
- Къатыны харакетли болса, эри къымсыз болур.
- Джашынгы кесинг юретмесенг, джашау юретир.
- Чакъырылгъанны аты, чакъырылмагъанны багъасы болур.
- Эки къатын алгъанны къулагъы тынгнгаймаз.
- Юреннген ауруу къалмаз.
- Элиб деген, элге болушур.
- Билимсиз иш бармаз.
- Эркиши – от, тиширыу – суу.
- Эллинг бла джау болсанг да, юйюнг бла джау болма.
- Тура эдим джата, къайдан чыкъды хата?
- Къобан да къуру да къобханлай турмайды, адам да къуру да патчахлай турмайды.
- Ачлыкъда тары гырджын халыуадан татлы.
- Атлыны ашхысы, ат тизгининден билинир
- Ашаса, ашамаса да, бёрюню ауузу – къан.
- Ач отунчуну ачыуу – бурнунда.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 1)