- Эли джокъну – кёлю джокъ.
- Окъугъан озар, окъумагъан тозар.
- Тойгъан джерге джети къайт.
- Чёбню кёлтюрсенг, тюбюнден сёз чыгъар.
- Кёл – къызбай, къол – батыр.
- Кёзюнде тереги болгъан, чёбю болгъаннга кюле эди.
- Тил – кесген бычакъ, сёз – атылгъан окъ.
- Къумурсхала джыйылсала, пилни да джыгъадыла.
- Аджашхан тёгерек айланыр.
- Алгъанда – джууукъ, бергенде – джау.
- Нарт сёз къарт болмаз.
- Тили узунну, намысы – къысха.
- Тюз сёз баргъан сууну тыяр.
- Джигер – джаннга къыйынлыкъ.
- Къууут – джелге, берне – бошха.
- Ишлемеген – тишлемез.
- Кёб джат да, бек чаб.
- Тешигини къатында, чычхан да батыр болур.
- Иесиз малны бёрю ашар.
- Билим – акъылны чырагъы.
- Кёбден умут этиб, аздан къуру къалма.
- Ариуну – ауруу кёб.
- Таула не мийик болсала да, аууш табылыр.
- Аш иеси бла татлыды.
- Тойгъанлыкъ къойгъа джарашады.
- Дженгил джетерикме деб, узун джолну къоюб, къысхасын барма.
- Билеги кючлю, бирни джыгъар, билими кючлю, мингни джыгъар.
- Джарлы тюеге минсе да, ит къабар.
- Къыйынлы джети элни къайгъысын этер.
- Чоюнну башы ачыкъ болса, итге уят керекди.
- Суу ичген шауданынга тюкюрме.
- Билим ат болуб да чабар, къуш болуб да учар.
- Ашыкъгъанны этеги бутуна чырмалыр.
- Сакъ юйюне сау барыр.
- Аман хансны – урлугъу кёб.
- Шекер бла туз – бир болмаз, ушамагъан – юй болмаз.
- Эр абынмай, эл танымаз.
- Кёзден кетген, кёлден да кетеди.
- Ач – эснер, ат – кишнер.
- Къызбайны юйюне дери сюрсенг, батыр болур.
- Ауузу аманнга «иги», деме.
- Ана кёлю – балада, бала кёлю – талада.
- Кёб ант этген, кёб ётюрюк айтыр.
- Бир абыннган – минг сюрюнюр.
- Байны къызы баймакъ болса да, юйде къалмаз!
- Кёзю сокъурдан – къоркъма, кёлю сокъурдан – къоркъ.
- Ата Джуртун танымагъан, атасын да танымаз.
- Тойгъа алгъа да барма, тойда артха да къалма.
- Зар адам ашынгы ашар, кесинги сатар.
- Джаным-тиним – окъуу, билим.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 25)