- Ойнай билмеген, уруб къачар.
- Кийимни бир кюнню аясанг, минг кюннге джарар.
- Кийиминг бла танылма, адамлыкъ бла таныл.
- Кийим тукъум сордурур.
- Кийимни бичсенг, кенг бич, тар этген къыйын тюлдю.
- Аман адам элни бир-бирине джау этер.
- Аман адамны тепсинге олтуртсанг, къызынгы тилер.
- Ким бла джюрюсенг, аны кёзю бла кёрюнюрсе.
- Ёлген аслан – сау чычхан.
- Къартны сыйын кёрмеген, къартлыгъында сыйлы болмаз.
- Акъыллы айтыр эди, акъылсыз къоймайды.
- Кёзден кетген, кёлден да кетеди.
- Къонакъны къачан кетерин сорма, къачан келлигин сор.
- Эртде тургъан джылкъычыны эркек аты тай табар.
- Бал – татлы, балдан да бала – татлы.
- Ашына кёре табагъы, балына кёре къалагъы.
- Сангырау къулакъ эл бузар.
- Къыйынлы джети элни къайгъысын этер.
- Айтханы чапыракъдан ётмеген.
- Къатын байлыкъны сюер, эр саулукъну сюер.
- Орундукъ тюбюнде атылсам да, орта джиликме, де да айлан.
- Орну джокъну – сыйы джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Бек анасы джыламаз.
- Къызын тута билмеген, тул этер, джашын тута билмеген, къул этер.
- Артына баргъанны, къатына барма.
- Къууут – джелге, берне – бошха.
- Адеб джокъда, намыс джокъ.
- Уллу къазанда бишген эт, чий къалмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аууздан келген, къолдан келсе, ким да патчах болур эди.
- Кимни – тили, тиши онглу, кимни – къолу, иши онглу.
- От кюйдюрген, сау болса да, тот кюйдюрген, сау болмаз.
- Къонакъ хазыр болгъанлыкъгъа, къонакъбай хазыр тюлдю.
- Тойгъан джерге джети къайт.
- Насыблы элин сюер, насыбсыз кесин сюер.
- Ётюрюкню башын керти кесер.
- Аманны тукъумуна къарама, игини тукъумун сорма.
- Бир абыннган – минг сюрюнюр.
- Кесине гебен этелмеген, биреуге черен эте эди.
- Кёкдеги болмаса, джердегин кёрмейди.
- Чакъырылмагъан къонакъ тёрге атламаз.
- Шайтан алдады, тюзлюк къаргъады.
- Байма, деб да, къууанма, джарлыма, деб да, джылама.
- Керти сёзге тёре джокъ.
- Болджал ишни бёрю ашар.
- Акъыл аздырмаз, билим тоздурмаз.
- Джахил болса анасы, не билликди баласы?
- Босагъа таш юйге кирмей эди, тыбыр таш эшикге чыкъмай эди.
- Ушамагъан – джукъмаз.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 2)