- Ишлегенден, къарагъан уста.
- Ата Джуртча джер болмаз, туугъан элча эл болмаз.
- Акъыллы – эл иеси, тели – эл баласы.
- Кёб джашагъан – кёб билир.
- Баш болса, бёрк табылыр.
- Ашхылыкъ джерде джатмайды, аманлыкъ суугъа батмайды.
- Тилсиз миллет джокъ болур.
- Эртде тургъан бла эртде юйленнген сокъуранмаз.
- Тамбла алтындан бюгюн багъыр ашхы.
- Бёрю да ач къалмасын, эчки да ашалмасын.
- Джаханимни кёрмей, джандетге кёл салмазса.
- Джырына кёре эжиую.
- Къайгъыны сюйген, къайгъы табар.
- Кюн кёрмеген, кюн кёрсе, кюндюз чыракъ джандырыр.
- Къазанда болса, чолпугъа чыгъар.
- Баланы адам этген анады.
- Таш ата билмеген, башына урур.
- Къарт бла баш аша, джаш бла аякъ аша.
- Накъырда – кертини келечиси.
- Окъ къызбайны джокълайды.
- Алма терегинден кери кетмез.
- Урунуу – насыбны анасы.
- Аякъларынгы джууургъанынга кёре узат.
- Кютгени беш эчки, сызгъыргъаны уа, джерни джарады.
- Игини сыйлагъан адетди.
- Къарт айтханны этмеген, къартаймаз.
- Атынг аманнга чыкъгъандан эсе, джанынг тамагъынгдан чыкъсын.
- Бет бетге къараса, бет да джерге къарар.
- Иги – алгъыш этер, аман – къаргъыш этер.
- Акъыллы айтыр эди, акъылсыз къоймайды.
- Эки къатын алгъан – эки ташны ортасына башын салгъан.
- Сескекли кесин билдирир.
- Халкъгъа джарагъан, джарлы къалмаз.
- Таукел къуру къалмаз.
- Къонакъ хазыр болгъанлыкъгъа, къонакъбай хазыр тюлдю.
- Къызны минг тилер, бир алыр.
- Къая джолда джортма, ачыкъ сёзден къоркъма.
- Мал ёлсе, сюек къалыр, адам ёлсе, иши къалыр.
- Джыланны къуйругъундан басарынг келсе, аны башы болгъанын унутма.
- Айраннга суу къош, телиге джол бош.
- Кёб джат да, бек чаб.
- Тил – миллетни джаны.
- Къарнынг тойгъунчу аша да, белинг талгъынчы ишле.
- «Ёгюз, джаргъа джууукъ барма, меннге джюк боллукъса», - дегенди эшек.
- Адамны бетине къарама, адетине къара.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ариу сёз аурууунгу алыр.
- Гугук кесини атын айтыб къычыргъанча, мен, мен деб нек тураса?
- Ата Джуртун танымагъан, атасын да танымаз.
- Башынга джетмегенни сорма.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 6)