- Тёзген – тёш ашар!
- Джангызны оту джарыкъ джанмаз!
- Джети тилни билген джети кишиди.
- Баш – акъыл ючюн, акъылман – халкъ ючюн.
- Къанны къан бла джуума, аманны аман бла къуума.
- Киштикге къанат битсе, чыпчыкъ къалмаз эди.
- Ашаса, ашамаса да, бёрюню ауузу – къан.
- Ишлемеген – тишлемез.
- Аман киши кеси юйюнде – къонакъ.
- Чомарт джарлы болмаз.
- Чакъырылмагъан къонакъ – орунсуз.
- Къартны сыйын кёрмеген, къартлыгъында сыйлы болмаз.
- Кенгеш болса, уруш болмаз.
- Таш ата билмеген, башына урур.
- Халкъны юйю – туугъан джери.
- Телиге акъыл салгъандан эсе, ёлгеннге джан салырса.
- Ашыкъгъанны этеги бутуна чырмалыр.
- Мени джылытмагъан кюн, меннге тиймесин!
- Джеринден айырылгъан – джети джылар, джуртундан айырылгъан – ёлгюнчю джылар.
- Игилик игилик бла сингдирилиучю затды.
- Ашха уста, юйюнде болсун
- Иги сеники эсе да, сюйген кесимикин этеме.
- Тенгинг джокъ эсе – изле, бар эсе – сакъла!
- Адамны бетине къарама, адетине къара.
- Махтаннган къыз, тойда джукълар.
- Терслик кетер, тюзлюк джетер.
- Джашынгы кесинг юретмесенг, джашау юретир.
- Битмегеннге сакъал – танг.
- Тынгылагъан тынгы бузар.
- Ашына кёре табагъы, балына кёре къалагъы.
- Сабийликде юретмесенг, уллу болса – тюзелмез.
- Къобан да къуру да къобханлай турмайды, адам да къуру да патчахлай турмайды.
- Бети – къучакълар, джюреги – бычакълар.
- Оюмсуз атлагъан, аджалсыз ёлюр.
- Къонакъ аз олтурур, кёб сынар.
- Ашхы – джыяр, аман – джояр.
- Мухарны эси – ашарыкъда.
- Кечеси – аяз, кюню – къыш, джарлы къаргъагъа бир аш тюш!
- Къуллукъчума, деб махтанма, къуллукъ – хаух джамчыды!
- Ашхылыкъ джерде джатмайды, аманлыкъ суугъа батмайды.
- Ата – баланы уясы.
- Ариу – кёзге, акъыл – джюрекге.
- Ким бла джюрюсенг, аны кёзю бла кёрюнюрсе.
- Билим – акъылны чырагъы.
- Аманнга игилик этсенг, юйюнге сау бармазса.
- Баш болса, бёрк табылыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Таула не мийик болсала да, аууш табылыр.
- Татлы тилде – сёз ариу, чемер къолда – иш ариу.
- Ишленмеген джаш – джюгенсиз ат, ишленмеген къыз – тузсуз хант.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 1)