- Чомартны къолу берекет.
- Окъумагъан сокъурду, сокъур ташха абыныр!
- Кийим тукъум сордурур.
- Эри аманны, къатыны – аман.
- Сыфатында болмагъаны, суратында болмаз.
- Окъугъан – асыу, окъумагъан – джарсыу.
- Ургъан суудан башынгы сакъла.
- Эркиши – от, тиширыу – суу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ана къойну – балагъа джандет.
- Сёз – кюмюш, джыр – алтын.
- Къобан да къуру да къобханлай турмайды, адам да къуру да патчахлай турмайды.
- От этилмеген джерден тютюн чыкъмайды.
- Джарлы тюеге минсе да, ит къабар.
- Джашны джигитлиги сорулур, къызны джигерлиги сорулур.
- Аман къатын сабий табса, бий болур…
- Чакъырылмай келген къонакъ сыйланмай кетер.
- Татлы тилде – сёз ариу, чемер къолда – иш ариу.
- Абынмазлыкъ аякъ джокъ, джангылмазлыкъ джаякъ джокъ.
- Мал тутхан – май джалар.
- Чабар ат – джетген къыз.
- Алтыннга тот къонмаз.
- Джырчы ёлсе, джыры къалыр.
- Ишленмеклик адамлыкъды.
- Эл элде бирер малынг болгъандан эсе, бирер тенгинг болсун.
- Узун джолну барсанг, бюгюн келирсе, къысха джолну барсанг, тамбла келирсе.
- Ёлген эшек бёрюден къоркъмайды.
- Сютден ауузу кюйген, суугъа юфгюре эди.
- Чабакъгъа акъыл, табагъа тюшсе келеди.
- Гыдай эчки суугъа къараб, мюйюзле кёрмесе, джашма алкъын, дегенди.
- Аллахха ийнаннган кишини, Аллах онгдурур ишин.
- Ауузу бла къуш тута айланады.
- Къарт болгъан джерде, берекет болур, сабий болгъан джерде, оюн болур.
- Тин – байлыгъынг, терен саулугъунг.
- Къонакъ хазыр болгъанлыкъгъа, къонакъбай хазыр тюлдю.
- Чоюнну башы ачыкъ болса, итге уят керекди.
- Ач, тоймам, дейди, тойгъан, ач болмам, дейди.
- Тили узунну, намысы – къысха.
- Бир онгсуз адам адет чыгъарды, деб эштирик тюлсе.
- Тай асырагъан, атха минер.
- Ханнга да келеди хариблик.
- Джарлыны эшигин махтагъан джабар.
- Кёбге таш атма.
- Келинни – келгинчи, бёркню кийгинчи кёр.
- Тойну къарнашы – харс, джырны къарнашы – эжиу.
- Магъанасыз сёз – тауушсуз сыбызгъы.
- Бети – къучакълар, джюреги – бычакълар.
- Къонагъы джокъну – шоху джокъ.
- Джолунга кёре – джюрюшюнг, джагъанга кёре – юлюшюнг.
- Нарт сёз – тилни бети.
Келигиз, тил байлыгъыбызны сакълайыкъ!
|
Девушка Гор
"Ненча тилни билсенг, аллай бир кере адамса" о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам  |
|
|
|
|
|
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?  |
|
|
|
|
|
Девушка Гор
Сукъланама сенге сеннге, меннге 2 н бла джазылады манга. санга 1 бла  |
|
|
|
|
|
всезнайка
Халат джиберибми къойдум!  Кёб тилни билеме деб сейирсиндиргенсе да, билгеними да унутуб къойгъанма!  |
|
|
|
|
|
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.  |
|
|
|
|
|
всезнайка
Алай бек ачыуланмагъыз, мен кесими къарамымы айтханма! |
|
|
|
|
|
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 |
|
|
|
|
|
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур! |
|
|
|
|
|
Чип
Cалам! Багъалы джаш телю!!!! Бюгюн. былайда .тамам мен сюйгенча ушакъ этесиз. Аперим сизге. Девушка Гор[/b[b]Девушка Гор всезнайка ::] Чип  |
|
|
|
|
Читают тему (гостей: 1)