Войти на сайт
25 Июня  2026 года

 

  • Башда акъыл болмаса, эки аякъгъа кюч джетер.
  • Билмейме деген – бир сёз
  • Къулакъдан эсе, кёзге ышан.
  • Аджалсыз ёлюм болмаз.
  • Юйлю уругъа ит чабмаз.
  • Агъач халкъгъа алтынды, иссиликге салкъынды.
  • Джерни букъусу кёкге къонмаз.
  • Билмезни кёзю кёрмез, этмезни къулагъы эшитмез.
  • Тиширыусуз юй – отсуз от джагъа.
  • Таякъ этден ётер, тил сюекден ётер.
  • Гитче джилтин уллу элни джандырыр.
  • Аз сёлешген, къайгъысыз турур.
  • Билим – акъылны чырагъы.
  • Джылкъыдан – ат чыгъар, тукъумдан – джаш чыгъар.
  • Кёрмегеннге кебек – танг, битмегеннге сакъал – танг.
  • Арба аугъандан сора, джол кёргюзтюучю кёб болур.
  • Эшекге миннген – биринчи айыб, андан джыгъылгъан – экинчи айыб.
  • Чабакъсыз кёлге къармакъ салгъанлыкъгъа, чабакъ тутмазса.
  • Ётюрюкню къуйругъу – бир тутум.
  • Насыб бютеу халкъны юлюшюдю.
  • Зар адам ашынгы ашар, кесинги сатар.
  • Сабий кёргенин унутмаз.
  • Борчунг бар эсе, хурджунунга ойлаб узал.
  • Ёзденликни кёбю ётюрюк.
  • Мал тутхан – май джалар.
  • Ишлемеген – тишлемез.
  • Орундукъ тюбюнде атылсам да, орта джиликме, де да айлан.
  • Ёгюзню мюйюзюнден тутадыла, адамны сёзюнден тутадыла.
  • Кийим тукъум сордурур.
  • Кёлю джокъну – джолу джокъ.
  • Аман киши кеси юйюнде – къонакъ.
  • Эте билген, этген этеди, эте билмеген, юретген этеди!
  • Хар ишни да аллы къыйынды.
  • Киштикге къанат битсе, чыпчыкъ къалмаз эди.
  • Айтхан – тынч, этген – къыйын.
  • Суу да къайтады чыкъгъан джерине.
  • Къарт айтханны этмеген, къартаймаз.
  • Таукелге нюр джауар.
  • Кютгени беш эчки, сызгъыргъаны уа, джерни джарады.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Окъугъан – асыу, окъумагъан – джарсыу.
  • Джашлыкъ этмеген, башлыкъ этмез.
  • Кёб джат да, бек чаб.
  • Аман эсирсе, юйюн ояр.
  • Къызны минг тилер, бир алыр.
  • Мадар болса, къадар болур.
  • Халкъгъа джарагъан, джарлы къалмаз.
  • Адеб базарда сатылмаз.
  • Кёпюр салгъан кеси ётер, уру къазгъан кеси кетер.
  • Кесине гебен этелмеген, биреуге черен эте эди.

 

Страницы: Пред. 1 ... 11 12 13 14 15 ... 62 След.
RSS
Келигиз, тил байлыгъыбызны сакълайыкъ!
 
Сорвиголова
джашау алайды, бюгюнлюкде орус, ингилиз, француз тилни билсенг сукъланадыла адамла. Къарачай тил бла уа сёлеширге заман да табылмай къалады.



Да джашауну уа биз этмей. ким этеди.Къарачай тилни билген къалгъан тиллени билмеимиди? Юиде да джуукъларыгъыз бла да ингилизча. французчамы селешиб турасыз? Энди ишде уа , аны иши бир башха.Бири бирине чырмау тюлдю чыртданда, ол бары сылтауду.Энди сизге ана тилде диссертацияла джакълагъыз деген джокъду. алай а бир къауум адамла орусча селешселе. кеслерин тыш къыраллы тилледе селешгенча кередиле.Башханы къой. телевизарда да къарачай бериуледе адамла бла ушакъ этселе, кебюсюне орус сезлени къатышдырыб джууаблашадыла адамла. Черкеси-абазасы уа 1 сез да къатышдырмайды ушакъларына.да сора Dalila не аитыргъа керекди да, уллу университетде ингилиз тилни окъутуб. диссертация джакъларгъа да хазырлана. ма муну да Жаннагъа береме
 
Сорвиголова
бюгюнлюкде орус, ингилиз, француз тилни билсенг сукъланадыла адамла. Къарачай тил бла уа сёлеширге заман да табылмай къалады.
Халкъда аллай сёз барды - кесини тилини сыйын кёрмеген, аны сюймеген, башха тилни сыйын кёрлюк тюлдю, аны сюерик да тюлдю. Тюз айтасыз, башха тиллени да билирге керекди, "Ненча тилни билсенг, аллай бир кере адамса" аны барыбыз да ангылайбыз! Алай а кертда башха шахарда, къралда джашайма, "башха тилде сёлешеме кёбюсюне",- деб ана тилин унутхан адамны миллетини ичинде сыйы боллукъ тюлдю. Келлик тёлюле да сау бол демезле анга!
 
Девушка Гор
"Ненча тилни билсенг, аллай бир кере адамса"
о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам
 
всезнайка
о да сора мен 5 толу адамныорнун тутама. джарты -къурту да черкес, абаза. ногъай. тюрк тиллени санамасам
Ол иги тюлмюдю. Башха миллетлени адамлары бла уста сёлеше билсенг, кесинги тилинг бла аланы да шагъырей этсенг.
Ненча тилни билсенг да, ана тилинги унутмайса да, Машалла санге!
 
Девушка Гор
Башха миллетлени адамлары бла уста сёлеше билсенг, кесинги тилинг бла аланы да шагъырей этсенг.

Шагъырейни уа несин аитса. бир-бирде селеше тургъанлай араблылагъа тохта деб ийеме да. артдан эсгереме. не аитама деб
 
всезнайка
Сукъланама сенге! Мен а уа толусу бла къуру анамы тилин, атамы тилин, джашагъан къралымы ара тилин билген болмаса, тыш кърал тиллени сёлеширча билмейме! Анга да: "кёб билеме",- деб тура эдим, джангыла кёреме!
 
Чип
Сен ангылагъаннга кёре сабийни ана тилин билмегенинде гюнахлы юйдегимиди, школмуду огъесе шагъырей-тенглемидиле?
 
Девушка Гор
Сукъланама сенге

сеннге, меннге 2 н бла джазылады
манга. санга 1 бла
 
всезнайка
Халат джиберибми къойдум! Кёб тилни билеме деб сейирсиндиргенсе да, билгеними да унутуб къойгъанма!
 
Девушка Гор
всезнайка
Халат джиберибми къойдум! Кёб тилни билеме деб сейирсиндиргенсе да, билгеними да унутуб къойгъанма!


Хата джокъ.Кесими къолаилыгъым да джокъду.алай а устаз болуб ишлегенмеда бу ишге дери. кесин билдирмей къоймаиды аман къылыгъым, акъыл тёгеме да башлаима
 
всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.
 
Девушка Гор

всезнайка
Бир заманда устаз болуб ишлерге кюсей эдим. Практикагъа баргъандан сора уа, къойдум ол сагъышларымы. Бюгюн да келиб бошамагъанма кесиме.


Бир игилиги джокъду,артыкъсыз да студентле бизге сизни ингилиз тилигиз керек тюлдю деселе.Кесим ючюн окъутханча мен аны.
 
Чип
кеб Ата-Ана сабийлери ана тильни окъумайбыз деселе, окъуялмай эсенг къой дейдиле,
Алай айтханлары бла да къалмайын, школда да орус подгруппагъа саладыла сабийни окъургъа. Мен эл школда окъугъанма да, шахар школлада аллай подгруппа барды, деб эшитгенимде бек сейирсиннген эдим. Кёб турмайын, университетден практикагъа баргъанымда школгъа, орус подгруппаны окъутургъа керек болду. Ийнанныкъ тюлсе, ол подгруппагъа кёбюсюне элледен келиб окъугъан сабийле джюрюй эдиле. Ары барыргъа уа тилни иги билмеген, къатыш юйдегиледе ёсген сабийлеге тыйыншлы эди. Сора бюгюнлюкде, сабийни тилинден алай ёксюз этген ата бла анадан не излейсе?
 
всезнайка
Къайсы устазны да иши алай болур. Эслегенмисе, устазгъа керекчады берген билими, бек аз сохта ангылайды джашауда керек болгъаны билимни! Школну бошасала ангылайдыла, алай а , кеч болады ол заманда!
 
Чип
Бизни миллет кеб затланы сынагъанды, ачлыкъ, джалангачлыкъ, къазауат.Мен бюгю кюнде уллу айыб да эталмайма, нек десенг:
Тюзсе, алай а, кёчгюнчюлюкню бизни къарт аталарыбыз-аналарыбыз сынагъандыла. Алай болса да, тиллерин унутмагъандыла аны ючюн. Аланы сабийлери уллу ачлыкъ сынаб ёсмегендиле, тилни билмегенле уа аладыла да?
 
Чип
Кёчгюнчюлюкню сынагъанла ала болгъанлыкъларына, аланы генофондлары сынмагъанды, Аталары -Аналары берген затланы унутмагъандыла, алай болсада кеслерини юйдегилерине берирге заманда, амалда табалмагъандыла.


Тюз айтаса, алай болур! Аталарындан, аналарындан эшитген хапарланы эсге алыб, аллай къыйынлыкъ джетмесин миллетибизге деб, ала башларын мюлкге атыб къойгъан да болурла. Тилге уллу эс бёлюнмей къалгъаны да аны ючюн болур
 
всезнайка
Алай бек ачыуланмагъыз, мен кесими къарамымы айтханма!
 
Салам, багъалы форумчула! Сизни ушагъыгъызгъа тынгылаб турама. Ана тилге джан ауурутханыгъызгъа къууанама, эм бюсюреу этеме.
 
Алик турист
Сау болугъуз! Сизге да тынгылайбыз! Бу айтханларыбызгъа къошарыгъыгъыз болур!
 
Къайсы миллетни адамы да кесини тилин, адетлерин билирге керекди. Ол кимге да белгилиди. Къайсы тилни да таза сакълагъан бюгюнлюкде тынч иш тюйюлдю. Тилибизни сакълар ючюн не тюрлю да, заманнга кёре, мадарла табаргъа керекбиз.
 
Сабий тилге гитчеликде юренеди. Не къадар кёб ана тилде сёлешинген затланы эштсе, ол къадар аны эсинде къалады. Аны ючюн тилин багъалатхан адам, сабийи ана тилни билирин сюйген адам юйде къуру ана тилде сёлеширге керекди.
Сабийле мультиклеге бек сюйюб къарайдыла, анда эштген сёзлерин айтыргъа бек сюедиле. Бек уллу бюсюреу этеме Эльбрусоидде ишлеген адамлагъа: Белгили мультфильмлени къарачай-малкъар тилге кёчюргенлери ючюн. Бу иш чыртдан да тохтамагъанлай барыргъа керекди.
 
Девушка Гор
Кимди терс, деб къадалыб излеб тургъандан хайыр джокъду.
Не джангы мадарла этерге боллукъду? Ма аланы юсюнден кёбюрек саъыш этерге керекбиз.
Къайдам, ичинде ариу суратлары болгъан, тынч сёзледен къуралгъан кроссвордчукълары бла сабий газет чыкъса. Аны да джууабларын джазыб ийгенлеге, саугъачыкъла бериле турсала (сёз ючюн: эм иги джууабланы берген сабийлени суратларын газетни ал бетинде басмалагъан).
Къалай дейсиз?
 
Чип
Cалам! Багъалы джаш телю!!!!
Бюгюн. былайда .тамам мен сюйгенча ушакъ этесиз. Аперим сизге.
Девушка Гор[/b[b]Девушка Гор
всезнайка
::]
Чип
 
Кермеймисиз тегерекде юсюбюзге джанлы чабханлай. игибизни кериб болмайдыла. аягъыбыз къачан таяды деб сакълаб турадыла.
Бизни миллетден джигер . табышлы. акъыллы къайсыды?
ТИЛИБИЗ АРА БАГЪАГАНАБЫЗДЫ!!!!!!!!!!
АНЫ БИР ТАКЪЙКЪАНЫ ДА УНУТМАГЪЫЗ!!!!!
 
Кергелен
ТИЛИБИЗ АРА БАГЪАГАНАБЫЗДЫ!!!!!!!!!!
АНЫ БИР ТАКЪЙКЪАНЫ ДА УНУТМАГЪЫЗ!!!!!


Бек ариу айтдынг, алай а, аны унутмазча не этерге керек болгъанын ачыкъламадынг, сени къарамынг бла?
Страницы: Пред. 1 ... 11 12 13 14 15 ... 62 След.
Читают тему (гостей: 7)

 

Написать нам