- Эски джаугъа ышанма.
- Байны къызы баймакъ болса да, юйде къалмаз!
- Сютню башын джалагъан къутулур, тюбюн ичген тутулур.
- Билмейме деген – бир сёз
- Окъугъан – асыу, окъумагъан – джарсыу.
- Ёгюзню мюйюзлери ауурлукъ этмейдиле.
- Къарыусузгъа кюлме, онгсузгъа тийме.
- Ач, тоймам, дейди, тойгъан, ач болмам, дейди.
- Бозанг болмагъан джерге, къалагъынгы сукъма.
- Аман адам этегингден тутса, кес да къач.
- Сакъламагъан затынга джолукъсанг, не бек къууанаса, не бек ачыйса.
- Эл бла кёргенинг эрелей.
- Ётюрюкден тюбю джокъ, кёлтюрюрге джиби джокъ.
- Эринчекге кюн узун.
- Дуния аламаты сен эсенг да, игиме деб айтма.
- Ёлген ийнек сютлю болур.
- Акъыллы эркиши атын махтар, акъылсыз эркиши къатынын махтар.
- Айырылгъанланы айю ашар, бёлюннгенлени бёрю ашар.
- Къарт айтханны этмеген, къартаймаз.
- Зар адам ашынгы ашар, кесинги сатар.
- Ёзденликни джайгъан – джокълукъ.
- Аз сёлешген, къайгъысыз турур.
- Къонакъ хазыр болгъанлыкъгъа, къонакъбай хазыр тюлдю.
- Баланы адам этген анады.
- Сескекли кесин билдирир.
- Урама да – ёледи, сатама да – келеди.
- Аш хазыр болса, иш харам болур.
- Окъ къызбайны джокълайды.
- Эки къатын алгъанны къулагъы тынгнгаймаз.
- Ашына кёре табагъы, балына кёре къалагъы.
- Ышармагъан – кюлмез, кюлмеген – къууанчны билмез.
- Джерни букъусу кёкге къонмаз.
- Джарлы тюеге минсе да, ит къабар.
- Тёрени джагъы джокъ.
- Сабийни джумушха джибер да, ызындан бар.
- Онгсузну – джакъла, тенгликни – сакъла.
- Джюз элде джюз ёгюзюм болгъандан эсе, джюз джууугъум болсун.
- Эки итни арасына сюек атма, эки адамны арасында сёз чыгъарма.
- Бети къызарыучу адамны, джюреги харам болмаз.
- Уллу айтханны этмеген – уллаймаз.
- Акъыл неден да кючлюдю.
- Этек чакъмакълары баш джаргъан, сёлешген сёзлери таш джаргъан.
- Тёрдеги кюлсе, эшикдеги ышарыр.
- Джылыгъа джылан илешир.
- Ишлемеген – тишлемез.
- Кюн – узун, ёмюр – къысха.
- Чакъырылмай келген къонакъ сыйланмай кетер.
- Адамгъа аман кюн соруб келмейди.
- Мухар, кеси тойса да, кёзю тоймаз.
- Юйюнг бла джау болгъандан эсе, элинг бла джау бол.
КЕЛИГИЗ ДЖЫРЛАЙЫКЪ
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги...  |
|
|
|
|
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги... ...)))))))))) аз кёб поклонницала айланмайдыла... бу джырланы джырласанг)))))) |
|
|
|
|
|
Faida
Наоборот, пытаюсь избавиться от них |
|
|
|
|
|
Murchello
...да мен да алай англадым джырларынгы магъанасын)))))) |
|
|
|
|
|
"Джырчы бла арбачы"
Ёзденланы Альберт Ие болгъан "джашау"деген арбагъа, Мени джырым джырлансын!-деб буюрад. Мадар болмай башха дырны джырларгъа, Арбачыны джырын джырлайд джамагъат. Арбачы да ёхтемлениб ышырад, Джюгенни да тюз тутаргъа унутуб. Джанкъылычны сюрген кибик халкъ барад, Насыб излеб,белгисизге джол тутуб. Бу болумну эслеб джырлайд бир инсан: "Былай барсакъ,тирелирбиз къаягъа!" Тюшюрелле аны джашау арбадан, Баям этиб атын джети дуниягъа. Чархны джолдан терсейтсе уа арбачы, Халкъ инджилиб,даулар джарыкъ кюнлени. Эсге тюшюб джолда къалгъан ол джырчы, Арбачыдан сыйырырла джюгенни. Халкъ барады джашау деген арбада, "Чархы-заман,кегейлери-ёмюрле", Халкъ барлыкъды кюн сау болуб аламда, Арбачыла кетерле да келирле... Хар адам да тенгди джашау арбада, Джырлай билген къоркъмасын да джырласын! Халкъ кючю бла джыр къуралсын арада, Ол джыр халкъгъа къыбламача джарасын! 1984дж. Байкъулланы Солтан http://www.youtube.com/watch?v=npbsXx5qUfY&feature =related |
|
|
|
|
|
Менме
 |
|
|
|
|
|
taulanud
Бу джырмыды? Сёзлерин, макъамын а ким джазгъанды? |
|
|
|
|
|
kalejchi
|
|
|
|
|
|
Кимде болса да Хасан Хубиевни хоть бир джырчыгъы бармыды (сёзлери) ?
|
||||
|
|
|
|||
Читают тему (гостей: 1)