- Эшекни не къадар тюйсенг да, ат болмаз.
- Адеби болмагъан къыз – тузсуз хант.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач, тоймам, дейди, тойгъан, ач болмам, дейди.
- Ойнай билмеген, уруб къачар.
- Тенги кёбню джау алмаз, акъылы кёбню дау алмаз.
- Къонагъынгы артмагъын алма да, алгъышын ал.
- Ёлмесенг да, къарт дамы болмазса?
- Дженгил джетерикме деб, узун джолну къоюб, къысхасын барма.
- Тулпарлыкъ, билекден тюл – джюрекден.
- Ат басханны джер билед.
- Айырылмаз джууугъунга, унутмаз сёзню айтма.
- Джашны джигитлиги сорулур, къызны джигерлиги сорулур.
- Ач да бол, токъ да бол – намысынга бек бол.
- Рысхы – сют юсюнде кёмюк кибикди.
- Къонакъны къачан кетерин сорма, къачан келлигин сор.
- Сабий болмагъан джерде, мёлек болмаз.
- Суу ичген шауданынга тюкюрме.
- Кюн кёрмеген, кюн кёрсе, кюндюз чыракъ джандырыр.
- Къарнынг бла ёч алма.
- Азыкъ аз болса, эртде орун сал.
- Кенгеш болса, уруш болмаз.
- Нарт сёз къарт болмаз.
- Ким бла джюрюсенг, аны кёзю бла кёрюнюрсе.
- Чомарт къолда мал къалмаз.
- Кёзюнде тереги болгъан, чёбю болгъаннга кюле эди.
- Ашлыкъ – бюртюкден, джюн – тюкден.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джаханимни кёрмей, джандетге кёл салмазса.
- Ашхы тенг джолгъа салыр, аман тенг джолдан тайдырыр.
- Магъанасыз сёз – тауушсуз сыбызгъы.
- Эр сокъур болсун, къатын тилсиз болсун.
- Узун джолну барсанг, бюгюн келирсе, къысха джолну барсанг, тамбла келирсе.
- Ауузу аманнга «иги», деме.
- Ётюрюкден тюбю джокъ, кёлтюрюрге джиби джокъ.
- Джерни букъусу кёкге къонмаз.
- Сёз – кюмюш, джыр – алтын.
- Татлы тилде – сёз ариу, чемер къолда – иш ариу.
- Бермеген къол, алмайды.
- Алтыннга тот къонмаз.
- Хар адамгъа кеси миннген тау кибик.
- Къонакъ хазыр болгъанлыкъгъа, къонакъбай хазыр тюлдю.
- Мухардан ач ычхынмаз.
- Дууулдаса – бал чибин, къонса – къара чибин.
- Кёб джат да, бек чаб.
- Сууда джау джокъ, кёб сёзде магъана джокъ.
- Окъугъан – асыу, окъумагъан – джарсыу.
- Хоншуну тауугъу къаз кёрюнюр, келини къыз кёрюнюр.
- Ичимден чыкъды хата, къайры барайым сата?
- Чакъырылмагъан къонакъ – орунсуз.
КЕЛИГИЗ ДЖЫРЛАЙЫКЪ
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги...  |
|
|
|
|
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги... ...)))))))))) аз кёб поклонницала айланмайдыла... бу джырланы джырласанг)))))) |
|
|
|
|
|
Faida
Наоборот, пытаюсь избавиться от них |
|
|
|
|
|
Murchello
...да мен да алай англадым джырларынгы магъанасын)))))) |
|
|
|
|
|
"Джырчы бла арбачы"
Ёзденланы Альберт Ие болгъан "джашау"деген арбагъа, Мени джырым джырлансын!-деб буюрад. Мадар болмай башха дырны джырларгъа, Арбачыны джырын джырлайд джамагъат. Арбачы да ёхтемлениб ышырад, Джюгенни да тюз тутаргъа унутуб. Джанкъылычны сюрген кибик халкъ барад, Насыб излеб,белгисизге джол тутуб. Бу болумну эслеб джырлайд бир инсан: "Былай барсакъ,тирелирбиз къаягъа!" Тюшюрелле аны джашау арбадан, Баям этиб атын джети дуниягъа. Чархны джолдан терсейтсе уа арбачы, Халкъ инджилиб,даулар джарыкъ кюнлени. Эсге тюшюб джолда къалгъан ол джырчы, Арбачыдан сыйырырла джюгенни. Халкъ барады джашау деген арбада, "Чархы-заман,кегейлери-ёмюрле", Халкъ барлыкъды кюн сау болуб аламда, Арбачыла кетерле да келирле... Хар адам да тенгди джашау арбада, Джырлай билген къоркъмасын да джырласын! Халкъ кючю бла джыр къуралсын арада, Ол джыр халкъгъа къыбламача джарасын! 1984дж. Байкъулланы Солтан http://www.youtube.com/watch?v=npbsXx5qUfY&feature =related |
|
|
|
|
|
Менме
 |
|
|
|
|
|
taulanud
Бу джырмыды? Сёзлерин, макъамын а ким джазгъанды? |
|
|
|
|
|
kalejchi
|
|
|
|
|
|
Кимде болса да Хасан Хубиевни хоть бир джырчыгъы бармыды (сёзлери) ?
|
||||
|
|
|
|||
Читают тему (гостей: 2)