- Элиб деген, элге болушур.
- Узун джолну барсанг, бюгюн келирсе, къысха джолну барсанг, тамбла келирсе.
- Итли къонакъ джарашмаз.
- Тёрдеги кюлсе, эшикдеги ышарыр.
- Окъугъан озар, окъумагъан тозар.
- Къартны сыйын кёрмеген, къартлыгъында сыйлы болмаз.
- Орну джокъну – сыйы джокъ.
- Ата Джуртун танымагъан, атасын да танымаз.
- Шекер бла туз – бир болмаз, ушамагъан – юй болмаз.
- Бек анасы джыламаз.
- Ёпкелегенни ашы татлы болады.
- Бозанг болмагъан джерге, къалагъынгы сукъма.
- Ач, тоймам, дейди, тойгъан, ач болмам, дейди.
- Тил джюрекге джол ишлейди.
- Тили узунну, намысы – къысха.
- Джаным-тиним – окъуу, билим.
- Юй ишлеген балта эшикде къалыр.
- Хазыр ашха – терен къашыкъ.
- Адамны джюреги нени кёрюрге сюйсе, кёзю да аны кёрюрге ёч болады.
- Къралынгы – душмандан, башынгы от бла суудан сакъла.
- Ана кёлю – балада, бала кёлю – талада.
- Аман адамны тепсинге олтуртсанг, къызынгы тилер.
- Эки къатын алгъан – эки ташны ортасына башын салгъан.
- Къумурсхала джыйылсала, пилни да джыгъадыла.
- Билим ат болуб да чабар, къуш болуб да учар.
- Кёпюр салгъан кеси ётер, уру къазгъан кеси кетер.
- Эл элде бирер малынг болгъандан эсе, бирер тенгинг болсун.
- Ётюрюкню къуйругъу – бир тутум.
- Азыкълы ат арымаз, къатыны аман джарымаз.
- Сабийликде юретмесенг, уллу болса – тюзелмез.
- Ашхылыкъ джерде джатмайды, аманлыкъ суугъа батмайды.
- Къарнынг бла ёч алма.
- Чакъырылгъанны аты, чакъырылмагъанны багъасы болур.
- Кёбню кёрген – кёб билир.
- Ауурну тюбю бла, дженгилни башы бла джюрюген.
- Джогъун бар этген, барын бал этген.
- Къарт айтханны этмеген, къартаймаз.
- Ат басханны джер билед.
- Ашаса, ашамаса да, бёрюню ауузу – къан.
- Хар зат кесини орнуна иги.
- Сёз къанатсыз учар.
- Адамны сыфатына къарама, сёзюне къара.
- Рысхысына кёре, джаш ёсер, къышлыгъына кёре, мал ёсер.
- Билмегенинги, билгеннге сор.
- Ишге юренсин къоллары, халкъ бла болсун джоллары.
- Ачны эсинде – аш.
- Накъырда – кертини келечиси.
- Тилчиден кери бол.
- Дуния малгъа сатылма, кесингден телиге къатылма.
- Ишлемеген – тишлемез.
КЕЛИГИЗ ДЖЫРЛАЙЫКЪ
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги...  |
|
|
|
|
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги... ...)))))))))) аз кёб поклонницала айланмайдыла... бу джырланы джырласанг)))))) |
|
|
|
|
|
Faida
Наоборот, пытаюсь избавиться от них |
|
|
|
|
|
Murchello
...да мен да алай англадым джырларынгы магъанасын)))))) |
|
|
|
|
|
"Джырчы бла арбачы"
Ёзденланы Альберт Ие болгъан "джашау"деген арбагъа, Мени джырым джырлансын!-деб буюрад. Мадар болмай башха дырны джырларгъа, Арбачыны джырын джырлайд джамагъат. Арбачы да ёхтемлениб ышырад, Джюгенни да тюз тутаргъа унутуб. Джанкъылычны сюрген кибик халкъ барад, Насыб излеб,белгисизге джол тутуб. Бу болумну эслеб джырлайд бир инсан: "Былай барсакъ,тирелирбиз къаягъа!" Тюшюрелле аны джашау арбадан, Баям этиб атын джети дуниягъа. Чархны джолдан терсейтсе уа арбачы, Халкъ инджилиб,даулар джарыкъ кюнлени. Эсге тюшюб джолда къалгъан ол джырчы, Арбачыдан сыйырырла джюгенни. Халкъ барады джашау деген арбада, "Чархы-заман,кегейлери-ёмюрле", Халкъ барлыкъды кюн сау болуб аламда, Арбачыла кетерле да келирле... Хар адам да тенгди джашау арбада, Джырлай билген къоркъмасын да джырласын! Халкъ кючю бла джыр къуралсын арада, Ол джыр халкъгъа къыбламача джарасын! 1984дж. Байкъулланы Солтан http://www.youtube.com/watch?v=npbsXx5qUfY&feature =related |
|
|
|
|
|
Менме
 |
|
|
|
|
|
taulanud
Бу джырмыды? Сёзлерин, макъамын а ким джазгъанды? |
|
|
|
|
|
kalejchi
|
|
|
|
|
|
Кимде болса да Хасан Хубиевни хоть бир джырчыгъы бармыды (сёзлери) ?
|
||||
|
|
|
|||
Читают тему (гостей: 1)