- Ач отунчуну ачыуу – бурнунда.
- Кенгеш болса, уруш болмаз.
- Джахил болса анасы, не билликди баласы?
- Кюн кёрмеген, кюн кёрсе, кюндюз чыракъ джандырыр.
- Кёкдеги болмаса, джердегин кёрмейди.
- Элде адам къалмаса, ит тахтагъа минер.
- Рысхы джалгъанды: келген да этер, кетген да этер.
- Ариу сёз джыланны орнундан чыгъарыр.
- Элге къуллукъ этмеген, элге ие болмаз.
- Таукел къуру къалмаз.
- Билмезни кёзю кёрмез, этмезни къулагъы эшитмез.
- Ойнай билмеген, уруб къачар.
- Къралынгы – душмандан, башынгы от бла суудан сакъла.
- Эл элде бирер малынг болгъандан эсе, бирер тенгинг болсун.
- Тай асырагъан, атха минер.
- Гыдай эчки суугъа къараб, мюйюзле кёрмесе, джашма алкъын, дегенди.
- Эл тойса, тоймагъан, эл къойса, къоймагъан.
- Аякъларынгы джууургъанынга кёре узат.
- Кёпюр салгъан кеси ётер, уру къазгъан кеси кетер.
- Джумушакъ сёз къаты таякъны сындырыр.
- Ашлыкъ – бюртюкден, джюн – тюкден.
- Джарлыны эшигин махтагъан джабар.
- Билимсиз иш бармаз.
- Айтханы чапыракъдан ётмеген.
- Ат да турмайды бир териде.
- Аман адамны тепсинге олтуртсанг, къызынгы тилер.
- Келгинчи, къонакъ уялыр, келгенден сора, къонакъбай уялыр.
- Ашын ашагъанынгы, башын да сыйла.
- Чыкълы кюнде чыкъмагъан, чыкъса къуру кирмеген.
- Аман хансны – урлугъу кёб.
- Таукел адам тау тешер.
- Ач – эснер, ат – кишнер.
- Ач бёрюге мекям джокъ.
- Тюзлюк тас болмайды.
- Джиби бир къат джетмей эди да, эки къат тарта эди.
- Къайгъыны сюйген, къайгъы табар.
- Келинни – келгинчи, бёркню кийгинчи кёр.
- Адамны артындан къара сабан сюрме.
- Сакъламагъан затынга джолукъсанг, не бек къууанаса, не бек ачыйса.
- Сакъ юйюне сау барыр.
- Дуния мал дунияда къалады.
- Ата Джуртуму башы болмасам да, босагъасында ташы болайым.
- Къонакъ болсанг, ийнакъ бол.
- Чарсда алчыны эл кёреди.
- Ач къарным, тынч къулагъым.
- Ата Джуртча джер болмаз, туугъан элча эл болмаз.
- Нёгер болсанг, тенг бол, тенг болмасанг, кенг бол.
- Адам сёзге тынгыла, акъыл сёзню ангыла.
- Ата – баланы уясы.
- Эки къатын алгъанны къулагъы тынгнгаймаз.
КЕЛИГИЗ ДЖЫРЛАЙЫКЪ
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги...  |
|
|
|
|
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги... ...)))))))))) аз кёб поклонницала айланмайдыла... бу джырланы джырласанг)))))) |
|
|
|
|
|
Faida
Наоборот, пытаюсь избавиться от них |
|
|
|
|
|
Murchello
...да мен да алай англадым джырларынгы магъанасын)))))) |
|
|
|
|
|
"Джырчы бла арбачы"
Ёзденланы Альберт Ие болгъан "джашау"деген арбагъа, Мени джырым джырлансын!-деб буюрад. Мадар болмай башха дырны джырларгъа, Арбачыны джырын джырлайд джамагъат. Арбачы да ёхтемлениб ышырад, Джюгенни да тюз тутаргъа унутуб. Джанкъылычны сюрген кибик халкъ барад, Насыб излеб,белгисизге джол тутуб. Бу болумну эслеб джырлайд бир инсан: "Былай барсакъ,тирелирбиз къаягъа!" Тюшюрелле аны джашау арбадан, Баям этиб атын джети дуниягъа. Чархны джолдан терсейтсе уа арбачы, Халкъ инджилиб,даулар джарыкъ кюнлени. Эсге тюшюб джолда къалгъан ол джырчы, Арбачыдан сыйырырла джюгенни. Халкъ барады джашау деген арбада, "Чархы-заман,кегейлери-ёмюрле", Халкъ барлыкъды кюн сау болуб аламда, Арбачыла кетерле да келирле... Хар адам да тенгди джашау арбада, Джырлай билген къоркъмасын да джырласын! Халкъ кючю бла джыр къуралсын арада, Ол джыр халкъгъа къыбламача джарасын! 1984дж. Байкъулланы Солтан http://www.youtube.com/watch?v=npbsXx5qUfY&feature =related |
|
|
|
|
|
Менме
 |
|
|
|
|
|
taulanud
Бу джырмыды? Сёзлерин, макъамын а ким джазгъанды? |
|
|
|
|
|
kalejchi
|
|
|
|
|
|
Кимде болса да Хасан Хубиевни хоть бир джырчыгъы бармыды (сёзлери) ?
|
||||
|
|
|
|||
Читают тему (гостей: 1)