- Хатерли къул болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сабыр джетер муратха, сабырсыз къалыр уятха.
- Тили узунну, намысы – къысха.
- Ёгюзню мюйюзлери ауурлукъ этмейдиле.
- Гугук кесини атын айтыб къычыргъанча, мен, мен деб нек тураса?
- Ишни аллы бла къууанма да, арты бла къууан.
- Ашарыкъда сайлагъаннга – чий гырджын.
- Танг атмайма десе да, кюн къоярыкъ тюйюлдю.
- Къуру гыбыт бек дыгъырдар.
- Къызбайны юйюне дери сюрсенг, батыр болур.
- Айыбны суу бла джууалмазса.
- Тойну къарнашы – харс, джырны къарнашы – эжиу.
- Элиб деген, элге болушур.
- Намыс сатылыб алынмайды.
- Бир абыннган – минг сюрюнюр.
- Кечеси – аяз, кюню – къыш, джарлы къаргъагъа бир аш тюш!
- Адамгъа аман кюн соруб келмейди.
- Хансыз джомакъ болмаз.
- Къумурсхала джыйылсала, пилни да джыгъадыла.
- Бети бедерден, намыс сакълама.
- Къралынгы – душмандан, башынгы от бла суудан сакъла.
- Кийим тукъум сордурур.
- Ач келгенни – тойдур, кеч келгенни – къондур.
- Тёгюлген тюгел джыйылмайды.
- Ауурну тюбю бла, дженгилни башы бла джюрюген.
- Эрине къаргъыш этген къатын, эрнин къабар.
- Керилген да, ургъан кибикди.
- Орундукъ тюбюнде атылсам да, орта джиликме, де да айлан.
- Ханы къызы буюгъа-буюгъа киштик болду.
- Ашхылыкъ джерде джатмайды, аманлыкъ суугъа батмайды.
- Чабакъсыз кёлге къармакъ салгъанлыкъгъа, чабакъ тутмазса.
- Адам туугъан джеринде, ит тойгъан джеринде.
- Чакъырылмагъан къонакъ тёрге атламаз.
- Джиби бир къат джетмей эди да, эки къат тарта эди.
- Ата джурт – алтын бешик.
- Душманны тышы – акъ, ичи – къара.
- Аманнга игилик этсенг, юйюнге сау бармазса.
- Атадан ёксюз – бир ёксюз, анадан ёксюз – эки ёксюз.
- Окъуусуз билим – джокъ, билимсиз кюнюнг – джокъ.
- Кёл – къызбай, къол – батыр.
- Къарны аманнга къазан такъдырма, къолу аманнга от джакъдырма.
- Окъумагъан сокъурду, сокъур ташха абыныр!
- Зар адамны насыбы болмаз.
- Айраннга суу къош, телиге джол бош.
- Ётюрюкден тюбю джокъ, кёлтюрюрге джиби джокъ.
- Харам къарнашдан, халал тенг ашхы.
- Чакъырылмай келген къонакъ сыйланмай кетер.
- Тас болгъан бычакъны сабы – алтын.
- Башда акъыл болмаса, эки аякъгъа кюч джетер.
КЕЛИГИЗ ДЖЫРЛАЙЫКЪ
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги...  |
|
|
|
|
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги... ...)))))))))) аз кёб поклонницала айланмайдыла... бу джырланы джырласанг)))))) |
|
|
|
|
|
Faida
Наоборот, пытаюсь избавиться от них |
|
|
|
|
|
Murchello
...да мен да алай англадым джырларынгы магъанасын)))))) |
|
|
|
|
|
"Джырчы бла арбачы"
Ёзденланы Альберт Ие болгъан "джашау"деген арбагъа, Мени джырым джырлансын!-деб буюрад. Мадар болмай башха дырны джырларгъа, Арбачыны джырын джырлайд джамагъат. Арбачы да ёхтемлениб ышырад, Джюгенни да тюз тутаргъа унутуб. Джанкъылычны сюрген кибик халкъ барад, Насыб излеб,белгисизге джол тутуб. Бу болумну эслеб джырлайд бир инсан: "Былай барсакъ,тирелирбиз къаягъа!" Тюшюрелле аны джашау арбадан, Баям этиб атын джети дуниягъа. Чархны джолдан терсейтсе уа арбачы, Халкъ инджилиб,даулар джарыкъ кюнлени. Эсге тюшюб джолда къалгъан ол джырчы, Арбачыдан сыйырырла джюгенни. Халкъ барады джашау деген арбада, "Чархы-заман,кегейлери-ёмюрле", Халкъ барлыкъды кюн сау болуб аламда, Арбачыла кетерле да келирле... Хар адам да тенгди джашау арбада, Джырлай билген къоркъмасын да джырласын! Халкъ кючю бла джыр къуралсын арада, Ол джыр халкъгъа къыбламача джарасын! 1984дж. Байкъулланы Солтан http://www.youtube.com/watch?v=npbsXx5qUfY&feature =related |
|
|
|
|
|
Менме
 |
|
|
|
|
|
taulanud
Бу джырмыды? Сёзлерин, макъамын а ким джазгъанды? |
|
|
|
|
|
kalejchi
|
|
|
|
|
|
Кимде болса да Хасан Хубиевни хоть бир джырчыгъы бармыды (сёзлери) ?
|
||||
|
|
|
|||
Читают тему (гостей: 2)