- Ариу сёз джыланны орнундан чыгъарыр.
- Байдан умут эте, джарлыдан ёгюз багъасы къорады.
- Аууз сакълагъан – джан сакълар.
- Ойнаб айтсанг да, эслеб айт.
- Ачыу алгъа келсе, акъыл артха къалады.
- Ишлегенде эринме, ишде чолакъ кёрюнме.
- Айран тёгюлсе, джугъусу къалыр.
- Сабыр джетер муратха, сабырсыз къалыр уятха.
- Адеб этмеген, адеб кёрмез.
- Оюмсуз атлагъан, аджалсыз ёлюр.
- Джаралыны джастыгъында сау ёлюр.
- Тыш элде солтан болгъандан эсе, кесинги элде олтан болгъан игиди!
- Аманнга игилик этсенг, юйюнге сау бармазса.
- Айырылмаз джууугъунга, унутмаз сёзню айтма.
- Тура эдим джата, къайдан чыкъды хата?
- Бек ашыкъгъан меннге джетсин, дегенди аракъы.
- Игиге айтсанг – билир, аманнга айтсанг – кюлюр.
- «Ёгюз, джаргъа джууукъ барма, меннге джюк боллукъса», - дегенди эшек.
- Тойгъа барсанг, тоюб бар, эски тонунгу къоюб бар.
- Къобан да къуру да къобханлай турмайды, адам да къуру да патчахлай турмайды.
- Чакъырылмагъан къонакъ тёрге атламаз.
- Келгинчи, къонакъ уялыр, келгенден сора, къонакъбай уялыр.
- Кийимни бир кюнню аясанг, минг кюннге джарар.
- Къуллукъчума, деб махтанма, къуллукъ – хаух джамчыды!
- Джарлыны эшигин махтагъан джабар.
- Эринчекни аурууу – кёб.
- Туз, гырджын аша, тюзлюк бла джаша.
- Иги болса, тамадама – махтау, аман болса, меннге – айыб.
- Адамны адамлыгъы къыйынлыкъда айгъакъланады.
- Тил бла келеди джыр да.
- Таула не мийик болсала да, аууш табылыр.
- Хар адамгъа кеси миннген тау кибик.
- Битмегеннге сакъал – танг.
- Экиндини кеч къылсанг, чабыб джетер ашхам.
- Джерни букъусу кёкге къонмаз.
- Ач отунчуну ачыуу – бурнунда.
- Къан бла кирген, джан бла чыгъар.
- Акъыллы айтыр эди, акъылсыз къоймайды.
- Ашхылыкъ джерде джатмайды, аманлыкъ суугъа батмайды.
- Ашына кёре табагъы, балына кёре къалагъы.
- Тин – байлыгъынг, терен саулугъунг.
- Аш кетер да бет къалыр.
- Эли джокъну – кёлю джокъ.
- Сакъалы текени да бар, мыйыгъы киштикни да бар.
- Къонагъынгы артмагъын алма да, алгъышын ал.
- Ат да турмайды бир териде.
- Ётюрюк хапар аякъ тюбю бла джюрюйдю.
- Ышармагъан – кюлмез, кюлмеген – къууанчны билмез.
- Тойну къарнашы – харс, джырны къарнашы – эжиу.
- Кийимни бичсенг, кенг бич, тар этген къыйын тюлдю.
КЕЛИГИЗ ДЖЫРЛАЙЫКЪ
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги...  |
|
|
|
|
|
Сени к'ара к'ашынг табанынга джете...
К'айдан да кердюм тюшюмде сени, Кошмарла керюб атды эртденги... ...)))))))))) аз кёб поклонницала айланмайдыла... бу джырланы джырласанг)))))) |
|
|
|
|
|
Faida
Наоборот, пытаюсь избавиться от них |
|
|
|
|
|
Murchello
...да мен да алай англадым джырларынгы магъанасын)))))) |
|
|
|
|
|
"Джырчы бла арбачы"
Ёзденланы Альберт Ие болгъан "джашау"деген арбагъа, Мени джырым джырлансын!-деб буюрад. Мадар болмай башха дырны джырларгъа, Арбачыны джырын джырлайд джамагъат. Арбачы да ёхтемлениб ышырад, Джюгенни да тюз тутаргъа унутуб. Джанкъылычны сюрген кибик халкъ барад, Насыб излеб,белгисизге джол тутуб. Бу болумну эслеб джырлайд бир инсан: "Былай барсакъ,тирелирбиз къаягъа!" Тюшюрелле аны джашау арбадан, Баям этиб атын джети дуниягъа. Чархны джолдан терсейтсе уа арбачы, Халкъ инджилиб,даулар джарыкъ кюнлени. Эсге тюшюб джолда къалгъан ол джырчы, Арбачыдан сыйырырла джюгенни. Халкъ барады джашау деген арбада, "Чархы-заман,кегейлери-ёмюрле", Халкъ барлыкъды кюн сау болуб аламда, Арбачыла кетерле да келирле... Хар адам да тенгди джашау арбада, Джырлай билген къоркъмасын да джырласын! Халкъ кючю бла джыр къуралсын арада, Ол джыр халкъгъа къыбламача джарасын! 1984дж. Байкъулланы Солтан http://www.youtube.com/watch?v=npbsXx5qUfY&feature =related |
|
|
|
|
|
Менме
 |
|
|
|
|
|
taulanud
Бу джырмыды? Сёзлерин, макъамын а ким джазгъанды? |
|
|
|
|
|
kalejchi
|
|
|
|
|
|
Кимде болса да Хасан Хубиевни хоть бир джырчыгъы бармыды (сёзлери) ?
|
||||
|
|
|
|||
Читают тему (гостей: 1)