- «Ёгюз, джаргъа джууукъ барма, меннге джюк боллукъса», - дегенди эшек.
- Этни бети бла шорпасы.
- Телиге акъыл салгъандан эсе, ёлгеннге джан салырса.
- Мени джылытмагъан кюн, меннге тиймесин!
- Кёб ант этген, кёб ётюрюк айтыр.
- Намыс сатылыб алынмайды.
- Ёзденликни джайгъан – джокълукъ.
- Эл ауузу – элек, анга ийнаннган – халек.
- Кюн кёрмеген, кюн кёрсе, кюндюз чыракъ джандырыр.
- Сютню башын джалагъан къутулур, тюбюн ичген тутулур.
- Киштикге къанат битсе, чыпчыкъ къалмаз эди.
- Акъдан къара болмаз.
- Джол бла сёзню къыйыры джокъ.
- Адамны аты башхача, акъылы да башхады.
- Аш иеси бла татлыды.
- Къарны аманнга къазан такъдырма, къолу аманнга от джакъдырма.
- Соргъан айыб тюлдю, билмеген айыбды.
- Тёзгеннге, джабылгъан эшик ачылыр.
- Босагъа таш юйге кирмей эди, тыбыр таш эшикге чыкъмай эди.
- Аманны эки битли тону болур, бирин сеннге кийдирир, бирин кеси киер.
- Ач – эснер, ат – кишнер.
- Элни кючю – эмеген.
- Мал ёлсе, сюек къалыр, адам ёлсе, иши къалыр.
- Иги адамны бир сёзю эки болмаз.
- Джюрекден джюрекге джол барды.
- Кечеси – аяз, кюню – къыш, джарлы къаргъагъа бир аш тюш!
- Къарнынг тойгъунчу аша да, белинг талгъынчы ишле.
- Уллу сёлешме да, уллу къаб.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адамгъа аман кюн соруб келмейди.
- Ариуну – ауруу кёб.
- Онгсузну – джакъла, тенгликни – сакъла.
- Ёксюзню къалачы уллу кёрюнюр.
- Джаш болсун, къыз болсун, акъылы, саны тюз болсун.
- Ашына кёре табагъы, балына кёре къалагъы.
- Джаханимни кёрмей, джандетге кёл салмазса.
- Зарда марда джокъ.
- Ашыкъгъан cуу, тенгизге джетмез.
- Байлыкъ келсе, акъыл кетер.
- Уллу суу бла уллу ауруудан башынгы сакъла.
- Тил джюрекге джол ишлейди.
- Кютгени беш эчки, сызгъыргъаны уа, джерни джарады.
- Байма, деб да, къууанма, джарлыма, деб да, джылама.
- Кёпюр салгъан кеси ётер, уру къазгъан кеси кетер.
- Аш кетер да бет къалыр.
- Нёгерсизни джолу узун.
- Шайтан алдады, тюзлюк къаргъады.
- Ач къарынны, токъ билмез
- Айраннга суу къош, телиге джол бош.
- Аз сёлеш, кёб ишле.
Еще один представленный к званию Героя Советского Союза- Аминов Мусса Абдул -Кадырович.
|
Схауат-Къала. Крепость-памятник воинам Великой Отечественной войны из аула Схауат |
|
|
|
|
|
||||
|
|
|
|||
Читают тему (гостей: 1)