- Къалгъан ишге къар джауар.
- Чакъырылмагъан джерге барма, чакъырылгъан джерден къалма.
- Ётген ёмюр – акъгъан суу.
- Артына баргъанны, къатына барма.
- Уллу къашыкъ эрин джыртар.
- Кёлсюзден сёзсюз тууар.
- Тойгъа алгъа да барма, тойда артха да къалма.
- Ата Джуртуму башы болмасам да, босагъасында ташы болайым.
- Ашда уялгъан – мухар, ишде уялгъан – хомух.
- Рысхы – сют юсюнде кёмюк кибикди.
- Бойнуму джети джерден кессенг да, мен ол ишни этеллик тюлме.
- Тили узунну, намысы – къысха.
- Акъыл сабырлыкъ берир.
- Къонакъ кёб келюучю юйню, къазаны отдан тюшмез.
- Аман адамны тепсинге олтуртсанг, къызынгы тилер.
- Байма, деб да, къууанма, джарлыма, деб да, джылама.
- Окъдан джара эртде-кеч болса да бителир, сёз джара, ёмюрге къалыр.
- Ашхы тенг джолгъа салыр, аман тенг джолдан тайдырыр.
- Тешигини къатында, чычхан да батыр болур.
- Арба аугъандан сора, джол кёргюзтюучю кёб болур.
- Къая джолда джортма, ачыкъ сёзден къоркъма.
- Юйлю уругъа ит чабмаз.
- Ётюрюкню къуйругъу – бир тутум.
- Ишлерге уял да, ашаргъа табма.
- Адамны бетине къарама, адетине къара.
- Келгинчи, къонакъ уялыр, келгенден сора, къонакъбай уялыр.
- Къартны сыйын кёрмеген, къартлыгъында сыйлы болмаз.
- Таукел къуру къалмаз.
- Сабийликде юретмесенг, уллу болса – тюзелмез.
- Намыс сатылыб алынмайды.
- Чомарт къонакъ юй иесин сыйлар.
- Тилчи бир сагъатха айлыкъ хата этер.
- Адам туугъан джеринде, ит тойгъан джеринде.
- Кёбден умут этиб, аздан къуру къалма.
- Къыз келсе, джумуш эте келеди, къатын келсе, ушакъ эте келеди.
- Къуру гыбыт бек дыгъырдар.
- Кимни – тили, тиши онглу, кимни – къолу, иши онглу.
- Алгъанда – джууукъ, бергенде – джау.
- Таула не мийик болсала да, аууш табылыр.
- Хатерли къул болур.
- Джарлы эскисин джамаса, къууаныр.
- Биреуге аманлыкъны тилеме да, кесинге ашхылыкъны тиле.
- Эр сокъур болсун, къатын тилсиз болсун.
- Джюз элде джюз ёгюзюм болгъандан эсе, джюз джууугъум болсун.
- Кесине оноу эте билмеген, халкъына да эте билмез.
- Ёгюзню мюйюзлери ауурлукъ этмейдиле.
- Джыйырма къойну юч джыйырма эбзе кюте эди.
- Булут кёкге джарашыу, уят бетге джарашыу.
- Джылкъыдан – ат чыгъар, тукъумдан – джаш чыгъар.
- Ата Джуртун танымагъан, атасын да танымаз.
Еще один представленный к званию Героя Советского Союза- Аминов Мусса Абдул -Кадырович.
|
Схауат-Къала. Крепость-памятник воинам Великой Отечественной войны из аула Схауат |
|
|
|
|
|
||||
|
|
|
|||
Читают тему (гостей: 1)