- Джол бла сёзню къыйыры джокъ.
- Акъыл къартда, джашда тюйюлдю – башдады.
- Тыш элде солтан болгъандан эсе, кесинги элде олтан болгъан игиди!
- Таула не мийик болсала да, аууш табылыр.
- Мал тутхан – май джалар.
- Ёгюзню мюйюзлери ауурлукъ этмейдиле.
- Эки къатын алгъан – эки ташны ортасына башын салгъан.
- Эринчекге кюн узун.
- Баргъанынга кёре болур келгенинг.
- Кёл – къызбай, къол – батыр.
- Ёлген эшек бёрюден къоркъмайды.
- Элиб деген, элге болушур.
- Къонагъы джокъну – шоху джокъ.
- Гырджын – тепсини тамадасы.
- Сакъламагъан затынга джолукъсанг, не бек къууанаса, не бек ачыйса.
- Адамны аты башхача, акъылы да башхады.
- Босагъагъа джууукъ орун болса, ашыгъыб тёрге озма.
- Бети – къучакълар, джюреги – бычакълар.
- Тойгъа барсанг, тоюб бар, эски тонунгу къоюб бар.
- Сабийликде юретмесенг, уллу болса – тюзелмез.
- Уллу суу бла уллу ауруудан башынгы сакъла.
- Халкъны юйю – туугъан джери.
- Ёлген аслан – сау чычхан.
- Татлы сёз – балдан татлы.
- Къыз чыгъаргъан – къызыл къымжа.
- Бетинги сатма, малынгы сат.
- Эрине къаргъыш этген къатын, эрнин къабар.
- Билгенни къолу къарны джандырыр.
- Тынгылагъан тынгы бузар.
- Аджаллыгъа окъсуз шкок атылыр.
- Баш – акъыл ючюн, акъылман – халкъ ючюн.
- Ургъан суудан башынгы сакъла.
- Ата Джуртча джер болмаз, туугъан элча эл болмаз.
- Биреуню къыйынлыгъы бла кесинге джол ишлеме.
- Аз айтсам, кёб ангылагъыз.
- «Ма», - дегенни билмесенг, «бер», - дегенни билмезсе.
- Билими азны – ауузунда кирит.
- Окъ къызбайны джокълайды.
- Адамны сабийин сюйген джюреги, бычакъча, джитиди.
- Чомарт къолда мал къалмаз.
- Накъырда – кертини келечиси.
- Ауругъан – джашаудан умутчу.
- Аманны тукъумуна къарама, игини тукъумун сорма.
- Шапа кёб болса, аш татымсыз болур.
- Тёзгеннге, джабылгъан эшик ачылыр.
- Ёлюр джаннга, ёкюл джокъ.
- Арпа, будай – ащды, алтын, кюмюш а – ташды.
- Арбаз къынгырды да, ийнек сауалмайма.
- Атадан ёксюз – бир ёксюз, анадан ёксюз – эки ёксюз.
- Акъыллы – эл иеси, тели – эл баласы.
Поездка На Рыбачий и Средний, Вместе с старшим сыном ездил на место захоронения родственника.Севернее его никто из наших земляков не воевал.
|
Изменено: - 06.08.2018 00:59:10
|
|
|
|
|
|
Какие вы с сыном молодцы, Мусса!
Я самая классная на форуме))))))))))))))
|
|
|
|
|
|
Сау бол,Фатима,аллай багъа бергенинге.Сенича, Аминатча журналистлерибиз кеб болсун.Сизсиз меннге юлгю. Сау болугъуз!
|
|
|
|
|
|
|
|
|
|
|
Читают тему (гостей: 6)