- Къанны къан бла джуума, аманны аман бла къуума.
- Билгенни къолу къарны джандырыр.
- Къошда джокъгъа – юлюш джокъ.
- Джыгъылгъанны сырты джерден тоймаз.
- Къартха ушагъан джаш – акъыллы, джашха ушагъан къарт – тели.
- Хоншуну тауугъу къаз кёрюнюр, келини къыз кёрюнюр.
- Кимни – тили, тиши онглу, кимни – къолу, иши онглу.
- Айтхан – тынч, этген – къыйын.
- Атадан ёксюз – бир ёксюз, анадан ёксюз – эки ёксюз.
- Аманнга да, игиге да оноусуз къатышма.
- Таш бла ургъанны, аш бла ур.
- Кёлсюзден сёзсюз тууар.
- Итли къонакъ джарашмаз.
- Аман эсирсе, юйюн ояр.
- Ата Джуртуму башы болмасам да, босагъасында ташы болайым.
- Къыз келсе, джумуш эте келеди, къатын келсе, ушакъ эте келеди.
- Aдам боллукъ, сыфатындан белгили.
- Тели турса – той бузар.
- Билим къая тешер.
- Сабийликде юретмесенг, уллу болса – тюзелмез.
- Кёрмегеннге кебек – танг, битмегеннге сакъал – танг.
- Кюн кёрмеген, кюн кёрсе, кюндюз чыракъ джандырыр.
- Аджашханны ызындагъы кёреди, джангылгъанны джанындагъы биледи.
- Мени джылытмагъан кюн, меннге тиймесин!
- Тилчи тилден къаныкъмаз.
- Ашыкъгъан cуу, тенгизге джетмез.
- Къатыны харакетли болса, эри къымсыз болур.
- Билими азны – ауузунда кирит.
- Тюкюрюк баш джармаз, налат кёз чыгъармаз!
- Адамны сыфатына къарама, сёзюне къара.
- Ариу сёзде ауруу джокъ.
- Джыланны къуйругъундан басарынг келсе, аны башы болгъанын унутма.
- Тулпарлыкъ, билекден тюл – джюрекден.
- Тилде сюек болмаса да, сюек сындырыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Ана – юйню кюн джарыгъы.
- Алтыннга тот къонмаз.
- Этни да ашады, бетни да ашады.
- Кёзден кетген, кёлден да кетеди.
- Арыгъан къош чамчы болур.
- Аш берме да, къаш бер.
- Ач къарынны, токъ билмез
- Ата Джуртча джер болмаз, туугъан элча эл болмаз.
- Болджал ишни бёрю ашар.
- Акъылсызны джууукъгъа алма, акъыллыны кенгнге салма.
- Юй ишлеген балта эшикде къалыр.
- Элни кючю – эмеген.
- Экеу тутушса, биреу джыгъылыр.
- Ачны эсинде – аш.
- Бастасын ашагъан, хантусун да ичер.
)))