- Ауругъаннга – кийик саулукъ, джетген къызгъа – чилле джаулукъ.
- Тенги кёбню джау алмаз, акъылы кёбню дау алмаз.
- Юре билмеген ит, къонакъ келтирир.
- Адебни адебсизден юрен.
- Эм уллу байлыкъ – джан саулукъ.
- Арпа, будай – ащды, алтын, кюмюш а – ташды.
- Тойгъан джерден туугъан джер игиди.
- Ашхы сёз таш тешер.
- Ач бёрюге мекям джокъ.
- Тил джюрекге джол ишлейди.
- Ач, тоймам, дейди, тойгъан, ач болмам, дейди.
- Тёзгеннге, джабылгъан эшик ачылыр.
- Азыгъы аз, алгъа къабар, аты аман, алгъа чабар.
- Иши джокъну, сыйы джокъ.
- Адамны сыфатына къарама, сёзюне къара.
- Намыс болмагъан джерде, насыб болмаз.
- Алгъанда – джууукъ, бергенде – джау.
- Этни бети бла шорпасы.
- Эрине къаргъыш этген къатын, эрнин къабар.
- Тилде сюек болмаса да, сюек сындырыр.
- Татлы сёз – балдан татлы.
- Башы джабылгъан челекге, кир тюшмез.
- Тамчы таш тешер.
- Ата Джуртун танымагъан, атасын да танымаз.
- Иги сеники эсе да, сюйген кесимикин этеме.
- Игини сыйлагъан адетди.
- Сагъыш – къартлыкъгъа сюйюмчю.
- Аман эсирсе, юйюн ояр.
- Иги болса, тамадама – махтау, аман болса, меннге – айыб.
- Байлыкъ тауусулур, билим тауусулмаз.
- Башынга джетмегенни сорма.
- Джуртун къоругъан озар.
- Таш бла ургъанны, аш бла ур.
- Ач отунчуну ачыуу – бурнунда.
- Босагъагъа джууукъ орун болса, ашыгъыб тёрге озма.
- Джигер – джаннга къыйынлыкъ.
- Тюз сёз баргъан сууну тыяр.
- Айтхан – тынч, этген – къыйын.
- Ишленмеген джаш – джюгенсиз ат, ишленмеген къыз – тузсуз хант.
- Абынмазлыкъ аякъ джокъ, джангылмазлыкъ джаякъ джокъ.
- Тамбла алтындан бюгюн багъыр ашхы.
- Джумушакъ сёз къаты таякъны сындырыр.
- Насыблы элин сюер, насыбсыз кесин сюер.
- Борчунг бар эсе, хурджунунга ойлаб узал.
- Адамны аманы адамны бети бла ойнар.
- Адам туугъан джеринде, ит тойгъан джеринде.
- Ашаса, ашамаса да, бёрюню ауузу – къан.
- Ач къарынны, токъ билмез
- Ишлегенде эринме, ишде чолакъ кёрюнме.
- Эринчекге кюн узун.
Now Playing, чо ща слухаем?
Ответы
|
|||||
|
|
|
|
Загрузка плеера
|
|
|
|
|
Я самая классная на форуме))))))))))))))
|
|||
|
|
|
|
|||||
|
|
|
||||
Читают тему (гостей: 1)