Аудио :: Аудио:: Вечер чествования выпускников 2010

Бек ашыкъгъан меннге джетсин, дегенди аракъы.
Тойгъа барсанг, тоюб бар, эски тонунгу къоюб бар.
Къыз тиширыу кеси юйюнде да къонакъды.
Байны оноуу, джарлыгъа джарамаз.
Къайгъы тюбю – тенгиз.
Къарыусузгъа кюлме, онгсузгъа тийме.
Ауузу аманнга «иги», деме.
Чомартны къолу берекет.
Хата – гитчеден.
Онгсузну – джакъла, тенгликни – сакъла.
Къонакъ хазыр болгъанлыкъгъа, къонакъбай хазыр тюлдю.
Ата – баланы уясы.
Сютню башын джалагъан къутулур, тюбюн ичген тутулур.
Суу кетер, таш къалыр.
Сабий кёргенин унутмаз.
Тамырсыз терекге таянма – джыгъылырса.
Айранын берсенг, челегин да къызгъанма.
Эм уллу байлыкъ – джан саулукъ.
Эркишиге тары кебек танг кёрюнюр.
Ётюрюкню къуйругъу – бир тутум.
Ашхылыкъ джерде джатмайды, аманлыкъ суугъа батмайды.
Ойнаб айтсанг да, эслеб айт.
Нёгер болсанг, тенг бол, тенг болмасанг, кенг бол.
Юреннген ауруу къалмаз.
Аз сёлеш, кёб ишле.
Джукъу тёшек сайламайды.
Арбаз сайлама да, хоншу сайла.
Къонакъ аман болса, къонакъбай джунчур
Тойгъа алгъа да барма, тойда артха да къалма.
Ичимден чыкъды хата, къайры барайым сата?
Адам къаллай бир ишленмесе, аллай бир кесин уллу кёреди.
Джаз бир кюнню джатсанг, къыш талай кюнню абынырса.
Билим ат болуб да чабар, къуш болуб да учар.
Адамны аты башхача, акъылы да башхады.
Агъач – джерни чырайы, кийим – эрни чырайы.
Ана – юйню кюн джарыгъы.
Джаханимни кёрмей, джандетге кёл салмазса.
Аз айтсам, кёб ангылагъыз.
Булут кёкге джарашыу, уят бетге джарашыу.
Джангыз торгъай джырламаз.
Ишин билген, аны сыйын чыгъарады.
Тура эдим джата, къайдан чыкъды хата?
Ашхы болсанг, атынг чыгъар, аман болсанг, джанынг чыгъар.
Ёлген ийнек сютлю болур.
Тамбла алтындан бюгюн багъыр ашхы.
Халкъгъа джарагъан, джарлы къалмаз.
Чакъырылмагъан къонакъ – орунсуз.
Адамны аманы адамны бети бла ойнар.
Бозанг болмагъан джерге, къалагъынгы сукъма.
Экеулен сёлеше тура эселе, орталарына барыб кирме.

Логин:	Регистрация

Пароль:	Забыли пароль?

Запомнить меня

Аудио

Вечер чествования выпускников 2010

Скачать

Адрес