- Эте билген, этген этеди, эте билмеген, юретген этеди!
- Аууз сакълагъан – джан сакълар.
- Кёзю сокъурдан – къоркъма, кёлю сокъурдан – къоркъ.
- Аман эсирсе, юйюн ояр.
- Ана къолу ачытмаз.
- Джюз элде джюз ёгюзюм болгъандан эсе, джюз джууугъум болсун.
- Узун джолну барсанг, бюгюн келирсе, къысха джолну барсанг, тамбла келирсе.
- Къобан да къуру да къобханлай турмайды, адам да къуру да патчахлай турмайды.
- Тёрени джагъы джокъ.
- Рысхы – сют юсюнде кёмюк кибикди.
- Ётген ёмюр – акъгъан суу.
- Терслик кетер, тюзлюк джетер.
- Айран ичген – къутулду, джугъусун джалагъан – тутулду.
- Джаш болсун, къыз болсун, акъылы, саны тюз болсун.
- Билим насыб берир, билим джолну керир.
- Бермеген къол, алмайды.
- Тик ёргени, тик энгишгеси да болады.
- Тилчиден кери бол.
- Ургъан суудан башынгы сакъла.
- Тойну къарнашы – харс, джырны къарнашы – эжиу.
- Тулпарлыкъ, билекден тюл – джюрекден.
- Джырчы ёлсе, джыры къалыр.
- Уруну арты – къуру.
- Билими азны – ауузунда кирит.
- Тёрде – темир таякълы, къаяда – чыпчыкъ аякълы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адамны бетине къарама, адетине къара.
- Рысхы – насыбха къор.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тура эдим джата, къайдан чыкъды хата?
- Кёбню кёрген – кёб билир.
- Аман къатын алгъан, арыр, иги къатын алгъан джарыр.
- Джаш къарыу бла кючлю, къарт акъыл бла кючлю.
- Алим болгъандан эсе, адам болгъан къыйынды.
- Ёзденликни кёбю ётюрюк.
- Байлыкъ тауусулур, билим тауусулмаз.
- Аджаллыгъа окъсуз шкок атылыр.
- Орундукъ тюбюнде атылсам да, орта джиликме, де да айлан.
- Эки къатын алгъан – эки ташны ортасына башын салгъан.
- Иги – алгъыш этер, аман – къаргъыш этер.
- Кесине оноу эте билмеген, халкъына да эте билмез.
- Ёмюрлюк шохлукъну джел элтмез.
- Ариуну – ауруу кёб.
- Ашын ашагъанынгы, башын да сыйла.
- Тюз сёз баргъан сууну тыяр.
- Гырджын – тепсини тамадасы.
- Ата – билек, ана – джюрек!
- Айранны сюйген, ийнек тутар.
- Миллетни бойну – базыкъ, аны бла кюрешген – джазыкъ.
- Татлы тилде – сёз ариу, чемер къолда – иш ариу.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)