- Кёрмегеннге кебек – танг, битмегеннге сакъал – танг.
- Ашлыкъ – бюртюкден, джюн – тюкден.
- Ашхы сёз таш тешер.
- Бермеген къол, алмайды.
- Джарашыу сюйген – джалынчакъ.
- Ишни ахырын ойламай, аллын башлама.
- Бёрю да ач къалмасын, эчки да ашалмасын.
- Акъыл бла адеб эгизледиле.
- Тилчи бир сагъатха айлыкъ хата этер.
- Босагъагъа джууукъ орун болса, ашыгъыб тёрге озма.
- Дууулдаса – бал чибин, къонса – къара чибин.
- Тай асырагъан, атха минер.
- Къарнынг тойгъунчу аша да, белинг талгъынчы ишле.
- Чомартны къолун джокълукъ байлар.
- Биреуню тёрюнден, кесинги эшик артынг игиди.
- Тюзлюк тас болмайды.
- Уллу къашыкъ эрин джыртар.
- Эл элде бирер малынг болгъандан эсе, бирер тенгинг болсун.
- Хаухну атма, ёнгкючню сатма.
- Къазанны башы ачыкъ болса, итге уят керекди.
- Къонакъ хазыр болгъанлыкъгъа, къонакъбай хазыр тюлдю.
- Ачны эсинде – аш.
- Аджаллыгъа окъсуз шкок атылыр.
- Тынгылагъан тынгы бузар.
- Ёпкелегенни ашы татлы болады.
- Илму – джашауну джолу.
- Бет бетге къараса, бет да джерге къарар.
- Эшекге миннген – биринчи айыб, андан джыгъылгъан – экинчи айыб.
- Ёлген аслан – сау чычхан.
- Билими азны – ауузунда кирит.
- Рысхы – насыбха къор.
- Эм уллу байлыкъ – джан саулукъ.
- Кёзю сокъурдан – къоркъма, кёлю сокъурдан – къоркъ.
- Джарлы эскисин джамаса, къууаныр.
- Таукелге нюр джауар.
- Джарлыны тону джаз битер.
- Иги болса, тамадама – махтау, аман болса, меннге – айыб.
- Джашда акъыл джокъ, къартда къарыу джокъ.
- Ачыу алгъа келсе, акъыл артха къалады.
- Эли джокъну – кёлю джокъ.
- Хар ишни да аллы къыйынды.
- Ашхы адам – халкъ байлыгъы, ашхы джер – джашау байлыгъы.
- Къарт бла баш аша, джаш бла аякъ аша.
- Айырылгъанланы айю ашар, бёлюннгенлени бёрю ашар.
- Джарлы тюеге минсе да, ит къабар.
- Кесинг сынамагъан затны, адамгъа буюрма.
- Джукъу тёшек сайламайды.
- Ойнай билмеген, уруб къачар.
- Мал тутхан – май джалар.
- Билмезни кёзю кёрмез, этмезни къулагъы эшитмез.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)