- Кюлме джашха – келир башха.
- Гитче джилтин уллу элни джандырыр.
- Ариу сёз аурууунгу алыр.
- Ётюрюкден тюбю джокъ, кёлтюрюрге джиби джокъ.
- Бет бетге къараса, бет да джерге къарар.
- Байдан умут эте, джарлыдан ёгюз багъасы къорады.
- Ашхылыкъ джерде джатмайды, аманлыкъ суугъа батмайды.
- Тёрде – темир таякълы, къаяда – чыпчыкъ аякълы.
- Хатерли къул болур.
- Гугурук къычырмаса да, тангны атары къалмаз.
- Къууут – джелге, берне – бошха.
- Аджал соруб келмез, келсе, къайтыб кетмез.
- Аллахха ийнаннган кишини, Аллах онгдурур ишин.
- Намысы джокъну – дуниясы джокъ.
- Ашхы адам – халкъ байлыгъы, ашхы джер – джашау байлыгъы.
- Шапа кёб болса, аш татымсыз болур.
- Бичгенде ашыкъма, тикгенде ашыкъ.
- Эринчекге кюн узун.
- Башсыз урчукъ тюзюне айланмаз.
- Ёлген аслан – сау чычхан.
- Таякъ этден ётер, тил сюекден ётер.
- Къошда джокъгъа – юлюш джокъ.
- Аманны эки битли тону болур, бирин сеннге кийдирир, бирин кеси киер.
- Къарны аманнга къазан такъдырма, къолу аманнга от джакъдырма.
- Мадар болса, къадар болур.
- Адамны сабийин сюйген джюреги, бычакъча, джитиди.
- Къарыусузгъа кюлме, онгсузгъа тийме.
- Ишлегенде эринме, ишде чолакъ кёрюнме.
- От кюйдюрген, сау болса да, тот кюйдюрген, сау болмаз.
- Аман къатын сабий табса, бий болур…
- Ариуну – ауруу кёб.
- Кёл – къызбай, къол – батыр.
- Билим къая тешер.
- Сагъыш – къартлыкъгъа сюйюмчю.
- Къая джолда джортма, ачыкъ сёзден къоркъма.
- Аманнга алтын чыдамаз.
- Акъыллы эркиши атын махтар, акъылсыз эркиши къатынын махтар.
- Урунуу – насыбны анасы.
- Ётген ёмюр – акъгъан суу.
- Ишлерге уял да, ашаргъа табма.
- Ач къарным, тынч къулагъым.
- Алтыннга тот къонмаз.
- Тиширыусуз юй – отсуз от джагъа.
- Ач къалгъандан, кеч къалгъан къолай.
- Акъыл сабырлыкъ берир.
- Бети – къучакълар, джюреги – бычакълар.
- Тойгъан джерден туугъан джер игиди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аман киши кеси юйюнде – къонакъ.
- Тюкюрюк баш джармаз, налат кёз чыгъармаз!
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)