- Керилген да, ургъан кибикди.
- Мал тутхан – май джалар.
- Бойнуму джети джерден кессенг да, мен ол ишни этеллик тюлме.
- Ач къарным, тынч къулагъым.
- Аш хазыр болса, иш харам болур.
- Кийимни бичсенг, кенг бич, тар этген къыйын тюлдю.
- Эте билген, этген этеди, эте билмеген, юретген этеди!
- Эри аманны, къатыны – аман.
- Бек ашыкъгъан меннге джетсин, дегенди аракъы.
- Ашхы – джыяр, аман – джояр.
- Чомартны къолун джокълукъ байлар.
- Ашха уста, юйюнде болсун
- Мухар, кеси тойса да, кёзю тоймаз.
- Суу ичген шауданынга тюкюрме.
- Сибиртки да сыйлы болду, кюрек да кюнлю болду.
- Кеси юйюмде мен да ханма.
- Ашхы адам – халкъ байлыгъы, ашхы джер – джашау байлыгъы.
- Ётген ёмюр – акъгъан суу.
- Кийимни бир кюнню аясанг, минг кюннге джарар.
- Рысхы – сют юсюнде кёмюк кибикди.
- Эшекге миннген – биринчи айыб, андан джыгъылгъан – экинчи айыб.
- Эки элинги тыйсанг, джети элде махталырса.
- Аман адам элни бир-бирине джау этер.
- Кюн – узун, ёмюр – къысха.
- Байдан умут эте, джарлыдан ёгюз багъасы къорады.
- Иги – алгъыш этер, аман – къаргъыш этер.
- Къыз чыгъаргъан – къызыл къымжа.
- Тик ёргени, тик энгишгеси да болады.
- Насыб бютеу халкъны юлюшюдю.
- Иши джокъну, сыйы джокъ.
- Бозанг болмагъан джерге, къалагъынгы сукъма.
- Ачлыкъда тары гырджын халыуадан татлы.
- Суу кетер, таш къалыр.
- Аз сёлеш, кёб ишле.
- Къазанчы аман болса, къазаны къайнамаз.
- Къууут – джелге, берне – бошха.
- Бети къызарыучу адамны, джюреги харам болмаз.
- Асхат ашлыкъ сата, юйдегиси ачдан къата.
- Ёнгкюч къууана барыр, джылай келир.
- Сютден ауузу кюйген, суугъа юфгюре эди.
- Тилчи бир сагъатха айлыкъ хата этер.
- Тойгъанлыкъ къойгъа джарашады.
- Эринчекни эр алмаз, эр алса да, кёл салмаз, кёл салса да, кёб бармаз!
- Оюмсуз атлагъан, аджалсыз ёлюр.
- Акъыллы айтыр эди, акъылсыз къоймайды.
- Ашда – бёрю, ишде – ёлю.
- Ашхы атаны – джашы ашхы, ашхы ананы – къызы ашхы.
- Ушамагъан – джукъмаз.
- Окъ къызбайны джокълайды.
- Хар сёзню орну барды.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)