- Кеси юйюмде мен да ханма.
- Эри аманны, къатыны – аман.
- Ишни ахырын ойламай, аллын башлама.
- Аш иеси бла татлыды.
- Юй кюйдю да, кюйюз чыкъды, ортасындан тюйюш чыкъды.
- Акъдан къара болмаз.
- Ашхы атаны – джашы ашхы, ашхы ананы – къызы ашхы.
- Аманны къуугъан, аманлыкъ табар.
- Къайгъы тюбю – тенгиз.
- Суугъа – таянма, джаугъа – ийнанма.
- Къарыусузгъа кюлме, онгсузгъа тийме.
- Баргъанынга кёре болур келгенинг.
- Баланы адам этген анады.
- Намыс болмагъан джерде, насыб болмаз.
- Тамырсыз терекге таянма – джыгъылырса.
- Арбаз къынгырды да, ийнек сауалмайма.
- Нарт сёз къарт болмаз.
- Тюз сёз баргъан сууну тыяр.
- Джол бла сёзню къыйыры джокъ.
- Бастасын ашагъан, хантусун да ичер.
- Хар адамгъа кеси миннген тау кибик.
- Аманны эки битли тону болур, бирин сеннге кийдирир, бирин кеси киер.
- Сагъыш – къартлыкъгъа сюйюмчю.
- Гитче джилтин уллу элни джандырыр.
- Сабыр джетер муратха, сабырсыз къалыр уятха.
- Орундукъ тюбюнде атылсам да, орта джиликме, де да айлан.
- Джеринден айырылгъан – джети джылар, джуртундан айырылгъан – ёлгюнчю джылар.
- Мен да «сен», дейме, сен да «кесим», дейсе.
- Сагъышы джокъ – джукъучу, акъылы джокъ – къаугъачы.
- Алгъанда – джууукъ, бергенде – джау.
- Башынга джетмегенни сорма.
- Хантына кёре тузу, юйюне кёре къызы.
- Эл бла кёргенинг эрелей.
- Къарнынг къанлынга кийирир.
- Къазанчы аман болса, къазаны къайнамаз.
- Чабакъсыз кёлге къармакъ салгъанлыкъгъа, чабакъ тутмазса.
- Аджалсыз ёлюм болмаз.
- Окъуу – билимни ачхычы, окъуу – дунияны бачхычы.
- Юйюнгден чыкъдынг – кюнюнгден чыкъдынг.
- Ёпкелегенни ашы татлы болады.
- Аджашханны ызындагъы кёреди, джангылгъанны джанындагъы биледи.
- Ашхы сёз таш тешер.
- Кенгеш болса, уруш болмаз.
- Билим – акъылны чырагъы.
- Арбаз сайлама да, хоншу сайла.
- Босагъа таш юйге кирмей эди, тыбыр таш эшикге чыкъмай эди.
- Мени джылытмагъан кюн, меннге тиймесин!
- Джангыз терек къынгыр ёсер.
- Чоюнну башы ачыкъ болса, итге уят керекди.
- Аман киши кеси юйюнде – къонакъ.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)