- Ауузу аманнга «иги», деме.
- Тиширыусуз юй – отсуз от джагъа.
- Кютгени беш эчки, сызгъыргъаны уа, джерни джарады.
- Алим болгъандан эсе, адам болгъан къыйынды.
- Хар ишни да аллы къыйынды.
- Нафысынгы айтханын этме, намысынгы айтханын эт.
- Элде адам къалмаса, ит тахтагъа минер.
- Къонакъ кёб келюучю юйню, къазаны отдан тюшмез.
- Кийиминг бла танылма, адамлыкъ бла таныл.
- Кесине гебен этелмеген, биреуге черен эте эди.
- Джаным-тиним – окъуу, билим.
- Юйюнгден чыкъдынг – кюнюнгден чыкъдынг.
- Окъ къызбайны джокълайды.
- Хаухну атма, ёнгкючню сатма.
- Байны оноуу, джарлыгъа джарамаз.
- Тамырсыз терекге таянма – джыгъылырса.
- Игилик игилик бла сингдирилиучю затды.
- Керек ташны ауурлугъу джокъ.
- Aдам боллукъ, сыфатындан белгили.
- Кёлю джокъну – джолу джокъ.
- Мадар болса, къадар болур.
- Болджал ишни бёрю ашар.
- Аш кетер да бет къалыр.
- Огъурлуну сёзю – суу, огъурсузну сёзю – уу.
- Джарлы тюеге минсе да, ит къабар.
- Накъырда – кертини келечиси.
- Керилген да, ургъан кибикди.
- Юре билмеген ит, къонакъ келтирир.
- Шайтан алдады, тюзлюк къаргъады.
- Адебни адебсизден юрен.
- Ач келгенни – тойдур, кеч келгенни – къондур.
- Шекер бла туз – бир болмаз, ушамагъан – юй болмаз.
- Тёзгеннге, джабылгъан эшик ачылыр.
- Биреуге аманлыкъны тилеме да, кесинге ашхылыкъны тиле.
- Ёлюк кебинсиз къалмаз.
- Хантына кёре тузу, юйюне кёре къызы.
- Тойгъанлыкъ къойгъа джарашады.
- Битмегеннге сакъал – танг.
- Атлыны кёрсе, джаяуну буту талыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Башланнган иш битер, къымылдагъан тиш тюшер.
- От этилмеген джерден тютюн чыкъмайды.
- Тили узунну, намысы – къысха.
- Ёлген аслан – сау чычхан.
- Нарт сёз – тилни бети.
- Кийимни бир кюнню аясанг, минг кюннге джарар.
- Ариу джол аджал келтирмез.
- Хоншуну тауугъу къаз кёрюнюр, келини къыз кёрюнюр.
- Къыз келсе, джумуш эте келеди, къатын келсе, ушакъ эте келеди.
- Кёб ант этген, кёб ётюрюк айтыр.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)