- Ашыкъгъан cуу, тенгизге джетмез.
- Къоркъакъны кёзю экили кёрюр.
- Чакъырылмагъан къонакъ къачан кетерин сормаз.
- Билимли ёлмез, билимсиз кёрмез.
- Тулпарлыкъ, билекден тюл – джюрекден.
- Окъугъан озар, окъумагъан тозар.
- Сабыр джетер муратха, сабырсыз къалыр уятха.
- Оюмсуз атлагъан, аджалсыз ёлюр.
- Тойгъандан сора, ашны сёкме.
- Кёлю джокъну – джолу джокъ.
- Аурууну келиую тынч, кетиую – къыйын.
- Хансыз джомакъ болмаз.
- Эки элинги тыйсанг, джети элде махталырса.
- Бичгенде ашыкъма, тикгенде ашыкъ.
- Къыйынлы джети элни къайгъысын этер.
- Бермеген къол, алмайды.
- Адамгъа аман кюн соруб келмейди.
- Кечеси – аяз, кюню – къыш, джарлы къаргъагъа бир аш тюш!
- Ашын ашагъанынгы, башын да сыйла.
- Чыбыкълыкъда бюгюлмеген, къазыкълыкъда бюгюлмей эди.
- Аманны тукъумуна къарама, игини тукъумун сорма.
- Мал кёб болса, джууукъ кёб болур.
- Джашынгы кесинг юретмесенг, джашау юретир.
- Хар ишни да аллы къыйынды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таш бла ургъанны, аш бла ур.
- Акъыл неден да кючлюдю.
- Хоншуну тауугъу къаз кёрюнюр, келини къыз кёрюнюр.
- Окъугъан – асыу, окъумагъан – джарсыу.
- Джолда аягъынга сакъ бол, ушакъда тилинге сакъ бол.
- Аллахдан тилесенг, кёб тиле.
- Джыланны къуйругъундан басарынг келсе, аны башы болгъанын унутма.
- Мен да «сен», дейме, сен да «кесим», дейсе.
- Къайгъыны сюйген, къайгъы табар.
- Ауругъанны сау билмез, ач къарынны токъ билмез.
- Ач уят къоймаз.
- Ачыкъ джюрекге джол – ачыкъ.
- Булут кёкге джарашыу, уят бетге джарашыу.
- Кёзюнде тереги болгъан, чёбю болгъаннга кюле эди.
- Ёлюр джаннга, ёкюл джокъ.
- Чабакъ башындан чирийди.
- Баш – акъыл ючюн, акъылман – халкъ ючюн.
- Адам сёзге тынгыла, акъыл сёзню ангыла.
- Билген билмегенни юретген адетди.
- Кёзю сокъурдан – къоркъма, кёлю сокъурдан – къоркъ.
- Ургъан суудан башынгы сакъла.
- Кёрмегеннге кебек – танг, битмегеннге сакъал – танг.
- Аманны къуугъан, аманлыкъ табар.
- Ач къарным, тынч къулагъым.
- Кёз – сюйген джерде, къол – ауругъан джерде.
Къарачай-малкъар халкъны нарт сёзлери
|
ОО! АЛЛАХ сакъласын! чегетибиз алайсыз да ит---киштик кладбищеди,
тегерек венокла. таш къалаула, уф--сыйсыз миллет. |
|
|
|
|
|
Чарлагъан шкок туз атады
 |
|
|
|
|
|
Соргъан аиыб тюлдю, билмеген аиыбды.
Сыфатында болмагъан, суратында болмаз. Тамчы таш тешер. Ишни аллы бла къууанма да. арты бла къууан |
|
|
|
|
|
всезнайка
"Соргъан аиыб тюлдю, билмеген аиыбды" a билсем нек сорама?  |
|
|
|
|
|
эшек билген-арба джол.
 |
|
|
|
|
|
Душманны тышы-акъ, ичи-къара.
Баш болса берк табылыр. Баш-акъыл ючюн,акъылман-халкъ ючюн  |
|
|
|
|
|
Халкъ телисин да къыстамаиды.
Джеринден аиырылгъан-джети джылар, Джуртундан аиырылгъан-ёлгюнчю джылар. Ата джурт-алтын бешик. Халкъны бирлиги-къушну къанаты. |
|
|
|
|
|
Айдан келгеннге -аякъ.
кюнден келгеннге -таякъ. Акъыл бла адеб эгизледиле. Аираннга "ачыды",-деме Гырджыннга "къуруду",-деме. Амалынг болса. енкюч алма. |
|
|
|
|
|
всезнайка
Амалынг болса. енкюч алма. Ёнкюч алсанг заманында жарсытмай къайтар)))))))))))) |
|
|
|
|
|
бездушный кролик
Аихой, къаитарсала уа. нек джарлы бола эдинг. |
|
|
|
|
|
Кергелен
ЭРГЕ баргъан ишмиди ,этек къайырнъанды эмгек А как это понять? |
|
|
|
|
|
всезнайка
Это отдельная большая проблема нашего народа)))))))))))) |
|
|
|
|
|
бездушный кролик
всезнайка ХОДЖАЛА, ишлерге джигит болугъуз деген магъананы тутады.  |
|
|
|
|
|
АЙРАНЫН берсенъ челегин да къызгънма.
АЙРАН ичген къутулду джугъусун джалагъан тутулду. АЙИБНЫ суу бла джуалмазса. |
|
|
|
|
|
Ол биреучюк (мужчукъ) эйчигине (женачыгына) келмесе, эйчиги Магачыкъгъа барады
|
|
|
|
|
|
Джабылгъан ауузгъа чибин къонмаз.
Баилыкъдан саулукъ ашхыды. Тамырсыз терекге таянма-джыгъылырса. |
|
|
|
|
|
Обур кетди да орун къалыр
Таула не бийик болсала да аууш табылыр |
|
|
|
|
|
Джашха ышарсанг - бишлакъ сунар
|
|
|
|
|
|
Тебмез тебсе-аман тебер.
Ит адамны къулагъыды. Кесине оноу эте билмеген халкъына да эте билмез. |
||||
|
|
|
|||
Читают тему (гостей: 2)