- Кийимни бичсенг, кенг бич, тар этген къыйын тюлдю.
- Джюз элде джюз ёгюзюм болгъандан эсе, джюз джууугъум болсун.
- Абынмазлыкъ аякъ джокъ, джангылмазлыкъ джаякъ джокъ.
- Джахил болса анасы, не билликди баласы?
- «Ма», - дегенни билмесенг, «бер», - дегенни билмезсе.
- Кёбден умут этиб, аздан къуру къалма.
- Ачылгъан эт джабылыр, кёрген кёз унутмаз.
- Байлыкъ келсе, акъыл кетер.
- Кюлме джашха – келир башха.
- Урунуу – насыбны анасы.
- Ариу – кёзге, акъыл – джюрекге.
- Акъыл къартда, джашда тюйюлдю – башдады.
- Оюмсуз атлагъан, аджалсыз ёлюр.
- Ёгюзню мюйюзюнден тутадыла, адамны сёзюнден тутадыла.
- Къалгъан ишге къар джауар.
- Эри аманны, къатыны – аман.
- Чабакъгъа акъыл, табагъа тюшсе келеди.
- Адам къаллай бир ишленмесе, аллай бир кесин уллу кёреди.
- Аманнга игилик этсенг, юйюнге сау бармазса.
- Айтылгъан буйрукъ, сёгюлмез
- Ашлыкъ – бюртюкден, джюн – тюкден.
- Дуния мал дунияда къалады.
- Киштикге къанат битсе, чыпчыкъ къалмаз эди.
- Арбаз къынгырды да, ийнек сауалмайма.
- Ач къалгъандан, кеч къалгъан къолай.
- Билим ат болуб да чабар, къуш болуб да учар.
- Гугурук къычырмаса да, тангны атары къалмаз.
- Эм ашхы къайын ана мамукъ бла башынгы тешер.
- Къуру гыбыт бек дыгъырдар.
- Ашхы адам – халкъ байлыгъы, ашхы джер – джашау байлыгъы.
- Ким бла джюрюсенг, аны кёзю бла кёрюнюрсе.
- Бетинги сатма, малынгы сат.
- Биреуню къыйынлыгъы бла кесинге джол ишлеме.
- Олтуруб кёрюнмей эди да, ёрге туруб кёрюне эди.
- Юй ишлеген балта эшикде къалыр.
- Ашыкъгъанны этеги бутуна чырмалыр.
- Бети – къучакълар, джюреги – бычакълар.
- Джарлы эскисин джамаса, къууаныр.
- Тил джюрекге джол ишлейди.
- Акъдан къара болмаз.
- Джиби бир къат джетмей эди да, эки къат тарта эди.
- Сёз сёзню айтдырыр.
- Тёгюлген тюгел джыйылмайды.
- Ата Джуртун танымагъан, атасын да танымаз.
- Сагъыш – къартлыкъгъа сюйюмчю.
- Айыбны суу бла джууалмазса.
- Хар зат кесини орнуна иги.
- Юреннген ауруу къалмаз.
- Ёпкелегенни ашы татлы болады.
- Байма, деб да, къууанма, джарлыма, деб да, джылама.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 1)