Тойгъан джерден туугъан джер игиди.
Джол бла сёзню къыйыры джокъ.
Терслик кетер, тюзлюк джетер.
Бёрю да ач къалмасын, эчки да ашалмасын.
Накъырда – кертини келечиси.
Эм ашхы къайын ана мамукъ бла башынгы тешер.
От кюйдюрген, сау болса да, тот кюйдюрген, сау болмаз.
Къыйынлы джети элни къайгъысын этер.
Башы ишлегенни, ауузу да ишлер.
Акъыллы эркиши атын махтар, акъылсыз эркиши къатынын махтар.
Къатын байлыкъны сюер, эр саулукъну сюер.
Накъырданы арты керти болур.
Уллу къашыкъ эрин джыртар.
Ишлегенде эринме, ишде чолакъ кёрюнме.
Ач да бол, токъ да бол – намысынга бек бол.
Ана – юйню кюн джарыгъы.
Сууда джау джокъ, кёб сёзде магъана джокъ.
Аман адам этегингден тутса, кес да къач.
Байма, деб да, къууанма, джарлыма, деб да, джылама.
Къызын тута билмеген, тул этер, джашын тута билмеген, къул этер.
Сакъалы текени да бар, мыйыгъы киштикни да бар.
Чакъырылмагъан къонакъ – орунсуз.
Тау башында, тау болмаз, джангыз терек, бау болмаз.
Тура эдим джата, къайдан чыкъды хата?
Эл тойса, тоймагъан, эл къойса, къоймагъан.
Уллу сёзде уят джокъ.
Татлы сёз – балдан татлы.
Къуру гыбыт бек дыгъырдар.
Тил джюрекге джол ишлейди.
Таякъ этден ётер, тил сюекден ётер.
Сютден ауузу кюйген, суугъа юфгюре эди.
Тенгинг джокъ эсе – изле, бар эсе – сакъла!
Намыс болмагъан джерде, насыб болмаз.
Босагъа таш юйге кирмей эди, тыбыр таш эшикге чыкъмай эди.
Тилчи бир сагъатха айлыкъ хата этер.
Нёгер болсанг, тенг бол, тенг болмасанг, кенг бол.
Адамгъа аман кюн соруб келмейди.
Тойгъа алгъа да барма, тойда артха да къалма.
Тёрде – темир таякълы, къаяда – чыпчыкъ аякълы.
Джюрекге ариу – кёзге да ариу.
Къонакъны къачан кетерин сорма, къачан келлигин сор.
Кёб джашагъан – кёб билир.
Джылкъыдан – ат чыгъар, тукъумдан – джаш чыгъар.
Тиширыусуз юй – отсуз от джагъа.
Тыш элде солтан болгъандан эсе, кесинги элде олтан болгъан игиди!
Келинин тута билмеген, къул этер, къызын тута билмеген, тул этер.
Ашлыкъны арба юйге келтирир, чана базаргъа элтир.
Тойгъа барсанг, тоюб бар, эски тонунгу къоюб бар.
Къартха ушагъан джаш – акъыллы, джашха ушагъан къарт – тели.
Хазыр ашха – терен къашыкъ.
