Кёб ант этген, кёб ётюрюк айтыр.
Кёзю сокъурдан – къоркъма, кёлю сокъурдан – къоркъ.
Тюкюрюк баш джармаз, налат кёз чыгъармаз!
Окъугъанны бети джарыкъ.
Ётюрюкден тюбю джокъ, кёлтюрюрге джиби джокъ.
Суу ичген шауданынга тюкюрме.
Баргъанынга кёре болур келгенинг.
Сууда джау джокъ, кёб сёзде магъана джокъ.
Кёбню кёрген – кёб билир.
Джарлы джети элни сёзюн этер.
Аман къатын сабий табса, бий болур…
Чакъырылмагъан къонакъ тёрге атламаз.
Хар ишни да аллы къыйынды.
Тойгъан джерден туугъан джер игиди.
Аманны къуугъан, аманлыкъ табар.
Тёрде – темир таякълы, къаяда – чыпчыкъ аякълы.
Ариуну – ауруу кёб.
Къуру гыбыт бек дыгъырдар.
Адеб этмеген, адеб кёрмез.
Айтылгъан сёз ызына къайтмаз.
Ачыкъ джюрекге джол – ачыкъ.
Тик ёргени, тик энгишгеси да болады.
Чакъырылмагъан къонакъ – орунсуз.
Байлыкъ адамны сокъур этер.
Адам сёзге тынгыла, акъыл сёзню ангыла.
Юй кюйдю да, кюйюз чыкъды, ортасындан тюйюш чыкъды.
Тенгни тенглиги джашай барсанг билинир.
Джумушакъ терекни къурт ашар.
Кийимни бир кюнню аясанг, минг кюннге джарар.
Билген билмегенни юретген адетди.
Урама да – ёледи, сатама да – келеди.
Ашына кёре табагъы, балына кёре къалагъы.
Джылар джаш, атасыны сакъалы бла ойнар.
Къатын байлыкъны сюер, эр саулукъну сюер.
Ёксюзню тилеги къабыл болур.
Телиге акъыл салгъандан эсе, ёлгеннге джан салырса.
Окъугъан озар, окъумагъан тозар.
Бичгенде ашыкъма, тикгенде ашыкъ.
Чалманны аллы къалай башланса, арты да алай барады.
Атлыны кёрсе, джаяуну буту талыр.
Уллу къазанда бишген эт, чий къалмаз.
Тура эдим джата, къайдан чыкъды хата?
Этни да ашады, бетни да ашады.
Керилген да, ургъан кибикди.
Иги болса, тамадама – махтау, аман болса, меннге – айыб.
Джолунга кёре – джюрюшюнг, джагъанга кёре – юлюшюнг.
Эки итни арасына сюек атма, эки адамны арасында сёз чыгъарма.
Чёбню кёлтюрсенг, тюбюнден сёз чыгъар.
Иги джашны ышаны – аз сёлешиб, кёб тынгылар.
Ач къарным, тынч къулагъым.
