Аллахдан тилесенг, кёб тиле.
Келгинчи, къонакъ уялыр, келгенден сора, къонакъбай уялыр.
Айырылмаз джууугъунга, унутмаз сёзню айтма.
Кюн – узун, ёмюр – къысха.
Ханнга да келеди хариблик.
Иги болса, тамадама – махтау, аман болса, меннге – айыб.
Мал ёлсе, сюек къалыр, адам ёлсе, иши къалыр.
Этек чакъмакълары баш джаргъан, сёлешген сёзлери таш джаргъан.
Накъырда – кертини келечиси.
Кийиминг бла танылма, адамлыкъ бла таныл.
Джахил болса анасы, не билликди баласы?
Ичимден чыкъды хата, къайры барайым сата?
Къууут – джелге, берне – бошха.
Келинин тута билмеген, къул этер, къызын тута билмеген, тул этер.
Орундукъ тюбюнде атылсам да, орта джиликме, де да айлан.
Уллу сёлешме да, уллу къаб.
Байма, деб да, къууанма, джарлыма, деб да, джылама.
Ётюрюкню башын керти кесер.
Къыйынлы джети элни къайгъысын этер.
Ауузу бла къуш тута айланады.
Джылкъыдан – ат чыгъар, тукъумдан – джаш чыгъар.
Ариу сёз аурууунгу алыр.
Кечеси – аяз, кюню – къыш, джарлы къаргъагъа бир аш тюш!
Тыш элде солтан болгъандан эсе, кесинги элде олтан болгъан игиди!
Ашхы сёз таш тешер.
Ишленмеклик адамлыкъды.
Къызны минг тилер, бир алыр.
Къобан да къуру да къобханлай турмайды, адам да къуру да патчахлай турмайды.
Эки ойлашыб, бир сёлешген.
Акъылсызны джууукъгъа алма, акъыллыны кенгнге салма.
Иши джокъну, сыйы джокъ.
Ашыкъгъан cуу, тенгизге джетмез.
Кийимни бичсенг, кенг бич, тар этген къыйын тюлдю.
Минг тенг да азды, бир джау да кёбдю.
Аллахха ийнаннган кишини, Аллах онгдурур ишин.
Борчунг бар эсе, хурджунунга ойлаб узал.
Татлы тилде – сёз ариу, чемер къолда – иш ариу.
Чоюнну башы ачыкъ болса, итге уят керекди.
Термилгенинги табмазса, кюлгенинге тюберсе.
Адам боллукъ, атламындан белгили болур.
Татлы сёз – балдан татлы.
Биреу ашаб къутулур, биреу джалаб тутулур.
Азыгъы аз, алгъа къабар, аты аман, алгъа чабар.
Кюлме джашха – келир башха.
Дуния аламаты сен эсенг да, игиме деб айтма.
Тёзгеннге, джабылгъан эшик ачылыр.
Эки къатын алгъан – эки ташны ортасына башын салгъан.
Окъуу – билимни ачхычы, окъуу – дунияны бачхычы.
Хата – гитчеден.
Махтаннган къыз, тойда джукълар.
