Аууз сакълагъан – джан сакълар.
Алтыда кюлмеген, алтмышда кюлмез.
Башынга джетмегенни сорма.
Этек чакъмакълары баш джаргъан, сёлешген сёзлери таш джаргъан.
Хата – гитчеден.
Адам боллукъ, атламындан белгили болур.
Келинни – келгинчи, бёркню кийгинчи кёр.
Суугъа – таянма, джаугъа – ийнанма.
Джауумдан сора, кюн кюйдюрюр, ётюрюкден сора, айыб кюйдюрюр.
Биреуню тёрюнден, кесинги эшик артынг игиди.
Ариу сёз – джаннга азыкъ, аман сёз – башха къазыкъ.
Кёзюнде тереги болгъан, чёбю болгъаннга кюле эди.
Иги бла джюрюсенг, джетерсе муратынга, аман бла джюрюсенг, къалырса уятха.
Адамны сыфатына къарама, сёзюне къара.
Ишни ахырын ойламай, аллын башлама.
Хаухну атма, ёнгкючню сатма.
Сабийликде юретмесенг, уллу болса – тюзелмез.
Бермеген къол, алмайды.
Къызгъанчдан ычхыныр, мухардан ычхынмаз.
Джюрекге ариу – кёзге да ариу.
Сабий кёргенин унутмаз.
Арба аугъандан сора, джол кёргюзтюучю кёб болур.
Сабийни джумушха джибер да, ызындан бар.
Байны къызы баймакъ болса да, юйде къалмаз!
Бети бедерден, намыс сакълама.
Миллетни бойну – базыкъ, аны бла кюрешген – джазыкъ.
Ойнай билмеген, уруб къачар.
Окъугъан – асыу, окъумагъан – джарсыу.
Акъылсызны джууукъгъа алма, акъыллыны кенгнге салма.
Тау башында, тау болмаз, джангыз терек, бау болмаз.
Кюл тюбюндеги от кёрюнмейди.
Къартны бурнун сюрт да, оноугъа тут.
Кёб ант этген, кёб ётюрюк айтыр.
Тенги кёбню джау алмаз, акъылы кёбню дау алмаз.
Ишин билген, аны сыйын чыгъарады.
Бойнуму джети джерден кессенг да, мен ол ишни этеллик тюлме.
Ашыкъгъан cуу, тенгизге джетмез.
Эшекге миннген – биринчи айыб, андан джыгъылгъан – экинчи айыб.
Чабакъсыз кёлге къармакъ салгъанлыкъгъа, чабакъ тутмазса.
Билимден уллу байлыкъ джокъду.
Джаханимни кёрмей, джандетге кёл салмазса.
Арпа, будай – ащды, алтын, кюмюш а – ташды.
Къарнынг ауруса, ауузунгу тый
Башда акъыл болмаса, эки аякъгъа кюч джетер.
Джумушакъ сёз къаты таякъны сындырыр.
Ишлегенден, къарагъан уста.
Рысхы – сют юсюнде кёмюк кибикди.
Акъыллы айтыр эди, акъылсыз къоймайды.
Сыфатында болмагъаны, суратында болмаз.
Ата – билек, ана – джюрек!
