Сагъышы джокъ – джукъучу, акъылы джокъ – къаугъачы.
Чалманны аллы къалай башланса, арты да алай барады.
Ауругъан – джашаудан умутчу.
Къарт айтханны этмеген, къартаймаз.
Бети – къучакълар, джюреги – бычакълар.
Берекет берсин деген джерде, берекет болур.
Гугурук къычырмаса да, тангны атары къалмаз.
«Ма», - дегенни билмесенг, «бер», - дегенни билмезсе.
Байны къызы баймакъ болса да, юйде къалмаз!
Къозулугъунда тоймагъан, къойлугъунда тоймаз.
Алгъанда – джууукъ, бергенде – джау.
Рысхы – насыбха къор.
Абынмазлыкъ аякъ джокъ, джангылмазлыкъ джаякъ джокъ.
Тамбла алтындан бюгюн багъыр ашхы.
Юре билмеген ит, къонакъ келтирир.
Ашхы болсанг, атынг чыгъар, аман болсанг, джанынг чыгъар.
Таукелге нюр джауар.
Аууз сакълагъан – джан сакълар.
Ашыкъгъан cуу, тенгизге джетмез.
Бастасын ашагъан, хантусун да ичер.
Юйлю уругъа ит чабмаз.
Кечеси – аяз, кюню – къыш, джарлы къаргъагъа бир аш тюш!
Таукел къуру къалмаз.
Байма, деб да, къууанма, джарлыма, деб да, джылама.
Аллахдан тилесенг, кёб тиле.
Эки къатын алгъанны къулагъы тынгнгаймаз.
Керилген да, ургъан кибикди.
Биреуге аманлыкъ этиб, кесинге игилик табмазса.
Ишленмеклик адамлыкъды.
Ишлерге уял да, ашаргъа табма.
Дуния аламаты сен эсенг да, игиме деб айтма.
Ашлыкъ – бюртюкден, джюн – тюкден.
Аджашхан тёгерек айланыр.
Ишге юренсин къоллары, халкъ бла болсун джоллары.
Акъыл къартда, джашда тюйюлдю – башдады.
Агъач – джерни чырайы, кийим – эрни чырайы.
Зарда марда джокъ.
Джаш къарыу бла кючлю, къарт акъыл бла кючлю.
Насыблы элин сюер, насыбсыз кесин сюер.
Адамны аты башхача, акъылы да башхады.
Тешик этген тынчды, аны джамагъан къыйынды.
Къайгъы тюбю – тенгиз.
Ишленмеген джаш – джюгенсиз ат, ишленмеген къыз – тузсуз хант.
Аш берме да, къаш бер.
Аманны эки битли тону болур, бирин сеннге кийдирир, бирин кеси киер.
Чёбню кёлтюрсенг, тюбюнден сёз чыгъар.
Эл тойса, тоймагъан, эл къойса, къоймагъан.
Мал кёб болса, джууукъ кёб болур.
Джумушакъ терекни къурт ашар.
Уллу сёзде уят джокъ.
